بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

بۇل جەردە جولبارىس بايقالدى، جۇرتتىڭ تاۋعا بارۋىنا تيىم سالىندى! جەرگىلىكتى ورىن شۇعىل ەسكەرتۋ جاريالادى

2022.12.20 15:40   كەلۋ قاينارى : حالىق تورابى



  سۋرەتتە: ينفرا قىزىل ساۋلەلى اپپاراتپەن تيانچياۋليڭ ورمان شارۋاشىلىعى رايونىنان تۇسىرىلگەن شىعىس سولتۇستىك جۇڭگو جابايى جولبارىسى. سۋرەتتى سۇحبات قابىلداۋشى بەرگەن

  ءتىلشىنىڭ 12 – ايدىڭ 19 – كۇنى جيلين ولكەسى تيانچياۋليڭ ورمان شارۋاشىلىعى مەكەمەسى جانە جيلين ولكەلىك قوعام حاۋىپسىزدىگى مەڭگەرمەسى ورمان قوعام حاۋىپسىزدىگى مەكەمەسى تيانچياۋليڭ ورمان قوعام حاۋىپسىزدىگى بولىمشە مەكەمەسىنەن ۇعىسۋىنشا، اتالعان مەكەمەنىڭ قاراماعىنداعى وڭىردە جۋىردان بەرى كوپ رەت شىعىس سولتۇستىك جۇڭگو جابايى جولبارىسى بايقالعان، جەرگىلىكتى ورىن ورمان شارۋاشىلىعى مەكەمەسىنىڭ، ساقشى مەكەمەسىنىڭ، قالاشىقتىڭ «ادام مەن حايۋاناتتىڭ قاقتىعىسپ قالۋىنان» ساقتانۋداعى بىرلەسكەن مەحانيزمىن شۇعىل ىسكە قوسىپ، ادام مەن شىعىس سولتۇستىك جۇڭگو جولبارىسىنىڭ حاۋىپسىزدىگىنە كەپىلدىك ەتكەن.

  12 – ايدىڭ 4 – كۇنى، ءبىر قىستاق تۇرعىنى تيانچياۋليڭ ورمان قوعام حاۋىپسىزدىگى مەكەمەسى شينحۋا ساقشى بولىمشەسىندەگى حالىق ساقشىلارىنا ءوزى كوتەرمەگە العان جەردەگى ارىقتان سولتۇستىك جۇڭگو جابايى جولبارىسىنىڭ ىزىنە ۇقسايتىن ءىزدى كورگەنىن مالىمدەيدى، حالىق ساقشىلارى دەرەۋ حايۋاناتتاردى قورعاۋ تاراۋلارىمەن بايلانىس جاساپ، سوڭىنان جاعداي بايقالعان جەرگە بىرگە بارىپ تەكسەرۋ جۇرگىزەدى، قىزمەتكەرلەر العاشقى قادامدا تەكسەرۋ جۇرگىزۋ ارقىلى بۇل ءىزدىڭ جەتىلگەن اتالىق شىعىس سولتۇستىك جۇڭگو جولبارىسىنىڭ ءىزى ەكەنىن تۇراقتاندىرادى.

  10 كۇننەن كەيىن، بىرەۋلەر تيانچياۋليڭ ورمان قوعام حاۋىپسىزدىگى مەكەمەسى جاڭجياديان بولىمشە مەكەمەسىنىڭ حالىق ساقشىلارىنا جولدىڭ شەتىنەن شىعىس سولتۇستىك جۇڭگو جابايى جولبارىسىنىڭ ءىزى مەن جاتقان ورنىن بايقاعانىن مالىمدەيدى. جاعداي بايقالعان جەرگە بارىپ تەكسەرۋ ارقىلى بۇل ىزدەر شىعىس سولتۇستىك جۇڭگو جابايى جولبارىسىنىڭ تاۋدى ارالاپ ازىق ىزدەگەن جانە دەمالعان كەزدە قالدىرعان ىزدەرى ەكەنىن تۇراقتاندىرادى.

  جۋىردا، جيلين ولكەسى تيانچياۋليڭ ورمان شارۋاشىلىعى مەكەمەسىنىڭ حايۋاناتتاردى قورعاۋعا جاۋاپتى قىزمەتكەرلەرى ينفرا قىزىل ساۋلەلى فوتو اپپاراتپەن تۇسىرىلگەن ماتەريالداردى رەتتەگەن كەزدە، جاڭادان اشىلعان ورمان الاڭىنىڭ قاراماعىنداعى جەردەن 12 – ايدىڭ 15 – كۇنى ءبىر شىعىس سولتۇستىك جۇڭگو جولبارىسىنىڭ كەسكىنگە تۇسكەنىن بايقايدى، كەسكىندەگى شىعىس سولتۇستىك جۇڭگو جولبارىسىنىڭ ورماننىڭ ىشىندە ايباتتانا كەتىپ بارا جاتقانىن كورەدى.

  شىعىس سولتۇستىك جۇڭگو جابايى جولبارىسىنىڭ ءىزىنىڭ ءجيى بايقالعانىنا تيانچياۋليڭ ورمان شارۋاشىلىعى مەكەمەسى مەن تيانچياۋليڭ ورمان قوعام حاۋىپسىزدىگى مەكەمەسى ايرىقشا ءمان بەرىپ، ورمان شارۋاشىلىعى مەكەمەسىنىڭ، قوعام حاۋىپسىزدىگى مەكەمەسىنىڭ، قالاشىقتىڭ «ادام مەن حايۋاناتتىڭ قاقتىعىسۋىنان» بىرلەسىپ ساقتانۋ مەحانيزمىن ىسكە قوسقاننان كەيىن، حالىق ساقشىلارى مەن ورمان الاڭىنداعى حايۋاناتتاردى قورعاۋعا جاۋاپتى قىزمەتكەرلەر قاتارلىلار شىعىس سولتۇستىك جۇڭگو جابايى جولبارىسى بايقالعان وڭىردە تاۋدى تازالاپ، تۇزاقتاردى الاستاۋ ارەكەتىن ورىستەتىپ، اڭشىلىق تۇزاقتارى، قاقپان قاتارلى اڭ اۋلاۋ قۇرالدارىنىڭ شىعىس سولتۇستىك جۇڭگو جولبارىسىن زاقىمداۋىنان ساقتاندى، تاۋ قويناۋىنا كىرەتىن باستى جولدارعا «جولبارىس بايقالدى»، «تاۋ قويناۋىنا كىرۋگە تيىم سالىنادى» دەگەن ەسكەرتۋ تاقتالارىن ورناتتى ءارى قاراماعىنداعى تۇرعىندارعا قاتىستى زاڭ – تۇزىمدەر مەن ساياساتتىق بەلگىلەمەلەردى ۇگىتتەپ، تۇرعىندارعا جۋىق ارادا جەكە – دارا تاۋ قويناۋىنا بارۋدى بارىنشا ازايتۋدى، شىعىس سولتۇستىك جۇڭگو جولبارىسىنا ۇشىراسىپ قالۋدان ساقتانۋدى ەسكەرتتى.

  كەلۋ قاينارى: حالىق تورابى

  

جاۋاپتى رەداكتورى : نۇرعيسا قۇرمانجان ۇلى