وڭتۇستىك امەريكاداعى ءتورت ەل 2030 – جىلعى فۋتبول الەم چەمپيوناتىن وتكىزۋگە بىرلەسىپ ءوتىنىش بەرۋ ءتارتىبىن رەسمي باستادى

2023.02.09 14:28   كەلۋ قاينارى : حالىق تورابى

　　سۋرەتتە: اقپار جاريالاۋ ءماجىلىسى. سۋرەت ارگەنتينا فۋتبول بىرلەستىگىنىڭ رەسمي تورابىنان الىنعان

　　شينحۋا اگەنتتىگىنىڭ ءتىلشىسى ۋاڭ جۇڭ – ي 2 – ايدىڭ 7 – كۇنى بۋەنوس – ايرەستەن حابارلايدى. ارگەنتينا، ۋرۋگۆاي، چيلي، پاراگۆاي قاتارلى ءتورت ەلدىڭ سپورت مينيسترلەرىنىڭ 2 – ايدىڭ 7 – كۇنى ارگەنتينانىڭ استاناسى بۋەنوس – ايرەستە وتكىزىلگەن بىرلەسكەن اقپار جاريالاۋ ماجىلىسىندە جاريالاۋىنشا، ءتورت ەل 2030 – جىلعى فۋتبول الەم چەمپيوناتىن بىرلەسپ وتكىزۋدى رەسمي باستاعان.

　　ۋرۋگۆاي سپورت مينيسترلىگىنىڭ مينيسترى سەباستيان باۋەر مىنانى ءبىلدىردى: 1930 – جىلى ۋرۋگۆاي تۇڭعىش رەتكى فۋتبول الەم چەمپيوناتىن وتكىزگەن، ەگەر 2030 – جىلعى الەم چەمپيوناتى ءجۇز جىل الدىندا وتكىزىلگەن بۇرىنعى مەكەنىندە قايتادان وتكىزىلەتىن بولسا، ونىڭ ءمانى وزگەشە بولادى.

　　ارگەنتينانىڭ ساياحات جانە سپورت مينيسترى ماتياس لاممەنس بىلاي دەدى: فۋتبول — وڭتۇستىك امەريكا حالقىنىڭ تۇرمىسىنداعى كەم بولسا بولمايتىن سپورت، ارگەنتينا، ۋرۋگۆاي، چيلي ەلدەرىنىڭ تۇگەلدەي الەم چەمپيوناتىن ءساتتى وتكىزگەن تاجىريبەسى بار، مىنە، بۇل 2030 – جىلعى الەم چەمپيوناتىن وتكىزۋدەگى تاماشا شارت – جاعداي بولىپ تابىلادى.

　　ارگەنتينا مەن ۋرۋگۆاي 2017 – جىلى 2030 – جىلعى الەم چەمپيوناتىن بىرگە وتكىزۋ تىلەگىن ەڭ الدىمەن ورتاعا قويعان، وسىدان سوڭ پاراگۆاي مەن چيلي ءوتىنىش بەرۋشىلەر قاتارىنا قوسىلعان.

　　2030 – جىلعى الەم چەمپيوناتىن وتكىزۋگە ءوتىنىش بەرۋ ناتيجەسى 2024 – جىلى حالىقارالىق فۋتبول بىرلەستىگىنىڭ 74 – كەزەكتى ماجىلىسىندە جاريالانادى.

　　2026 – جىلعى الەم چەمپيوناتىن ا ق ش، كانادا جانە مەكسيكا بىرلەسىپ وتكىزەدى، الەم چەمپيوناتىنىڭ شەشۋشى جارىس كەزەڭىنە قاتىناساتىن كوماندالاردىڭ سانى 48 كومانداعا جەتكىزىلەدى.

　　كەلۋ قاينارى: حالىق تورابى