بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

2023 – جىلعى شينجياڭداعى عىلىم – تەحنيكا سالاسىنداعى از ۇلت تىرەكتىلەرىن ەرەكشە تاربيەلەۋ قىزمەتى باستالدى

كاسىپتىك تەحنيكا تىرەكتىلەرىنەن 400 ادام ءبىلىم اسىرۋدى باستايدى

2023.02.21 15:36   كەلۋ قاينارى : حالىق تورابى



  سۋرەتتە: ەرەكشە تاربيەلەۋگە قاتىناسقان شينجياڭدىق كۋرسانتتار تاربيەلەۋشى ورىن — استانا مەديتسينا داشۋەسىنە قاراستى بەيجيڭ بالالار ەمحاناسىندا اڭگىمە ماجىلىسىنە قاتىناسۋدا. سۋرەتتى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى بەرگەن

  انار بۇلت \ شينجياڭ گازەتىنىڭ ءتىلشىسى جاۋ چۇنحۋا حابارلايدى. ءتىلشىنىڭ شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىنشا، 2 – ايدىڭ 20 – كۇنى 2023 – جىلعى شينجياڭداعى عىلىم – تەحنيكا سالاسىنداعى از ۇلت تىرەكتىلەرىن ەرەكشە تاربيەلەۋ قىزمەتى باستالعان، بۇكىل شينجياڭ كولەمىندە از ۇلت ۇزدىك كاسىپتىك تەحنيكا تىرەكتىلەرىنەن 400 ادامدى سارالاپ، اۆتونوميالى رايون مەن قاتىستى ولكە، اۆتونوميالى رايون، توتە قاراستى قالالارداعى جوعارى مەكتەپتەرگە، عىلىمي زەرتتەۋ مەكەمەلەرىنە جانە باسقا دا قاتىستى كاسىپورىندارعا، ءىسورىندارعا جىبەرىپ، ءبىر جىل مەرزىم بويىنشا ەرەكشە تاربيەلەۋگە جانە امالياتتان وتكىزىپ ۇيرەنۋگە قاتىناستىرادى.

  شينجياڭدا عىلىم – تەحنيكا سالاسىنداعى از ۇلت تىرەكتىلەرىن ارنايى تاربيەلەۋگە سارالاۋ قىزمەتىندە جەكەلەردىڭ ءوتىنىش بەرۋى، قىزمەت ورنىنىڭ كورسەتۋى، ايماق، وبلىس، قالا دارەجەلى ادام كۇشى بايلىعى جانە قوعامدىق قامتاماسىزداندىرۋ تاراۋلارىنىڭ نەمەسە سالالىق باسقارۋشى تاراۋلاردىڭ دارەجە بويىنشا تەكسەرىپ بەكىتۋى ۇشتاستىرىلعان ءتاسىل قولدانىلادى، ءوتىنىش بەرۋ شارتىنا ساي كەلەتىندەردىڭ 3 – ايدىڭ 25 – كۇنىنەن بۇرىن شينجياڭ كاسىپتىك تەحنيكتەردى باسقارۋ تەكشەسىنە كىرىپ، تالاپقا ساي تىزىمدەلۋدى ورىنداۋى ءارى ءوتىنىش بەرۋ ءتارتىبى بويىنشا دارەجە بويىنشا تەكسەرىپ بەكىتۋدەن وتكىزۋى كەرەك.

  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى