ۋاكىلدەر مەن مۇشەلەر ءۇنى
ليۋ يۇڭحاۋ مۇشە: سيفرلى تەحنيكادان پايدالانىپ، مال شارۋاشىلىعى سالاسىندا استىقتى ۇنەمدەپ، ونىمدىلىكتى جوعارىلاتۋعا دەم بەرۋ قاجەت
حالىق تورابىنىڭ ءتىلشىسى لي چياۋچۋ
2024.03.11 15:26 كەلۋ قاينارى : حالىق تورابى
مەملەكەتتىك ساياسي كەڭەس مۇشەسى، جاڭا ءۇمىت توبىنىڭ القالار باستىعى ليۋ يۇڭحاۋ. سۇحبات قابىلداۋشى بەرگەن سۋرەت
مال شارۋاشىلىعى كاسىبى ارىسىن ايتقاندا استىق حاۋىپسىزدىگىنە سايادى، بەرىسىن ايتقاندا بۇقارانى ەتپەن، جۇمىرتقامەن، سۇتپەن قامداۋ حاۋىپسىزدىگىنە سايادى. جۋىرداعى جىلداردان بەرى، ورتالىقتىڭ 1 – ءنومىرلى قۇجاتىنىڭ بارلىعىندا بۇكىل تىزبەك بويىنشا استىقتى ۇنەمدەپ، زياندى ازايتۋ قاتارلى مەملەكەتتىڭ استىق حاۋىپسىزدىگىنە كەپىلدىك ەتۋ جاعىنداعى ماڭىزدى شارالار ايتىلىپ كەلەدى.
مەملەكەتتىك ساياسي كەڭەس مۇشەسى، جاڭا ءۇمىت توبىنىڭ القالار باستىعى ليۋ يۇڭحاۋ حالىق تورابىنىڭ ءتىلشىسىنىڭ سۇحباتىن قابىلداعان كەزدە بىلاي دەدى: مال شارۋاشىلىعىنىڭ جوعارى ساپالى دامۋىن ىلگەرىلەتۋ مەن استىقتى ۇنەمدەپ، زياندى ازايتۋ جاعىندا سيفرلى تەحنيكا وراسان زور كومەسكى كۇشكە يە. الايدا، قازىر باعىمشىلىقپەن شۇعىلداناتىن كاسىپورىنداردىڭ ەت باعاسىنداعى تولقۋدىڭ ىقپالىنا ۇشىراۋى ءبىرشاما زور بولعاندىقتان، قوسىلىمدى بارىنشا ارتتىرۋى قيىن بولىپ وتىر، ونىڭ ۇستىنە، قاتىستى قولداۋ ساياساتى ءالى دە جەتكىلىكسىز.
ليۋ يۇڭحاۋ مىناداي ۇسىنىس بەردى: سيفرلاندىرىلعان بيولوگيالىق ساپالى تۇقىم جەتىلدىرۋدە جاڭالىق جاراتۋ جۇيەسىن ورنالاستىرۋدى جەدەلدەتۋ، قورەكتىك جاعىنداعى دەربەستەندىرىلگەن ساندى مالىمەت قويماسىن دايىنداۋعا قولداۋ كورسەتۋ، جەم ازىرلەۋگە ساياتىن دەتالداردى زەرتتەۋ جانە پايدالانۋ، مال جانە ءۇي قۇستارى باعىمشىلىعى جاعىنداعى سيفرلاندىرىلعان تەكشە مەن زەردەلى اسپاپتاردى زەرتتەۋ جانە جالپىلاستىرۋ قاتارلى جاقتاردا ساپالى تۇقىم جەتىلدىرۋ، جەم – ءشوپ جانە باعىمشىلىقتى باسقارۋ تۇيىندەرىندە استىقتى ۇندەمدەۋدىڭ كومەسكى قۋاتىن جەدەل ىسكە قوسۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
