شي جينپيڭ پاكيستاننىڭ جاڭادان تاعايىندالعان زۇڭتۇڭى زارداريعا قۇتتىقتاۋ تەلەگرامماسىن جولدادى
2024.03.11 15:35 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 10 – كۇنى، بەيجيڭ. 3 - ايدىڭ 10 - كۇنى مەملەكەت ءتوراعاسى شي جينپيڭ اسيف زارداريعا تەلەگرامما جولداپ، ونىڭ پاكيستاننىڭ زۇڭتۇڭى بولىپ سايلانعانىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن پاكيستان − جاقسى كورشى، جاقسى دوس، جاقسى سەرىك، جاقسى باۋىرلاس، ەكى ەلدىڭ ”بولاتتاي بەرىك دوستىعى“ − تاريحتىڭ تالعامى، ەكى ەل حالىقتارىنا ءتان باعالى بايلىق. تاياۋ جىلداردان بەرى ەكى ەلدىڭ جوعارى جىكتەگىلەرى ءجيى بارىس - كەلىس جاساپ، ەكى جاق ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى قولداپ كەلدى، جۇڭگو - پاكيستان ەكونوميكالىق ءدالىزى قۇرىلىسىندا سۇبەلى تابىستارعا قول جەتكىزىپ، ەكى ەل قارىم - قاتىناسى جوعارى دەڭگەيدە دامىدى.
شي جينپيڭ بىلاي دەپ دارىپتەدى: قازىر دۇنيە ءجۇزىنىڭ 100 جىلدىق وزگەرىس جاعدايى جەدەل قۇبىلىپ، جۇڭگو – پاكيستان قارىم - قاتىناسىنىڭ ستراتەگيالىق ءمانى اناعۇرلىم كورنەكتىلەندى. مەن جۇڭگو - پاكيستان قارىم - قاتىناسىنىڭ دامۋىنا ايرىقشا ءمان بەرەمىن، زارداري زۇڭتۇڭمەن بىرگە قۇلشىنىپ، جۇڭگو مەن پاكيستاننىڭ ءداستۇرلى دوستىعىن ساۋلەلەندىرىپ، ءار سالاداعى ناقتى سەلبەستىكتى ىلگەرىلەتىپ، جۇڭگو مەن پاكيستاننىڭ بارلىق جاعدايدا بىردەي ستراتەگيالىق سەلبەستىك سەرىكتەستىك قارىم - قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتىپ، جۇڭگو مەن پاكيستاننىڭ جاڭا داۋىردەگى اناعۇرلىم تىعىز تاعدىرلاس ورتاق تۇلعاسىن جەدەل قۇرىپ، ەكى ەل حالىقتارىن اناعۇرلىم ويداعىداي باقىتقا كەنەلتۋدى قالايمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
