بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

زاڭ بىلسەڭ زارداپ شەكپەيسىڭ

ىسپانديار سولتاش ۇلى

2012.07.11 08:27     كەلۋ قاينارى : حالىق تورابى

  قازىر كەڭ بايتاق اۋىل-قىستاقتاردان قالا-قالاشىقتار مەن زاۆود-كەندەرگە، كاسىپورىندار مەن ەگىس الاڭدارىنا بارىپ ءتۇرلى جۇمىس ورىندارىندا جالدانىپ ەڭبەك ەتىپ جۇرگەن ۇلتىمىز ازاماتتارى ىشىندە زاڭ ارقىلى وزدەرىنىڭ ءتيىستى ۇقىق-مۇددەلەرىن قورعاي بىلەتىندەر دە، قورعاي بىلمەيتىندەر دە، ءتىپتى، بىلە تۇرا ءوز مۇددەسىنىڭ وزگەلەر جاعىنان قالاي اياق استى ەتىلىپ جاتقانىمەن ەش جۇمىسى بولمايتىن ءيىس الماستار دا بار. كەيدە، اۋەلى، ولاردا ورىن تەۋىپ وتىرعان زاڭ بىلمەۋ جاعدايىنىڭ ادامدى اشىندىراتىنى سول، جۇمىس ۇستىندە حاۋىپسىزدىك شارالارى تولىق قامتاماسىزداندىرىلماعاندىعى سەبەپتى ءتۇرلى شىرعالاڭدارعا ۇشىراپ، و دۇنيەلىك بولعان ازاماتتاردىڭ تۋىس-تۋعاندارى سول قايتىس بولعان ادامداردىڭ سوڭىنان ىزدەپ بارادى دا، جۇمىس ورىندارىنىڭ «قامقورلىق ىستەپ، كومەك رەتىندە بەرىپ وتىرمىز» دەپ الداۋسىراتقان بولماشى قارجىسىنا قاناعاتتانىپ، شىرعالاڭ سەبەبىنىڭ جالعاستى قۋزالماۋىن قۋاتتايتىن وتىنىشتەرگە كوپ ويلانىپ، تولعانباي-اق قول قويا سالادى. ءسويتىپ، ولار كونە ءداستۇرلى كوزقاراس بويىنشا «تاعدىردىڭ جازۋى سولاي بولدى» دەپ قاراپ، زاڭداسۋدى وزدەرىنە ارتىق جۇمىس سانايدى. قاراپايىم اۋىل ادامدارىنىڭ وسىلاي ىستەيتىنىن ءبىلىپ العان جۇمىس ورىندارىنىڭ كەيبىر ارانى اشىلعان قۋاياق قالتالى قوجايىندارى جۇمىس ۇستىندە ءجۇرىپ جاراقات العان، مۇگەدەك بولعان، قايتىس بولعان ادامدارعا ۇلكەن جاۋاپكەرشىلىكپەن قاراپ، قينالىپ جاتپاي-اق بولماشى تولەم تولەپ قۇتىلا سالۋعا ابدەن جاتىلىپ العان. ەگەر وسىنداي جاعدايدا «ءسوز شىنىنا، پىشاق قىنىنا توقتايدى» دەمەكشى، ءسىز زاڭنان تولىق ساۋاتتى بولىپ، ءوز ۇقىق-مۇددەڭىزدى زاڭ ارقىلى قورعاۋعا تاباندىلىق ىستەسەڭىز، الگىندەي نيەتى كەتكەن قۋاياق قالتالى قوجايىندار ءوزىنىڭ ەكونوميكالىق نەمەسە باسقا دا باسىمدىلىعىنان پايدالانىپ، ءسىزدى قانشا مۇجىقسىنعانىمەن، ءىسىڭىز زاڭدى بولسا، اقىرى ءسىز جەڭىپ شىعاسىز.

  سول سەبەپتى ءتۇرلى جۇمىس ورىندارىنا بارىپ ەڭبەگىن ساتۋشى ازاماتتارىمىزعا ــ قالتالى قوجايىندارمەن مىندەتتى تۇردە ەڭبەك توقتام شارتىن جاساسىپ، توقتامعا قول قويعان كەزدە ءوز ۇقىق-مۇددەلەرىنىڭ ەگجەي-تەگجەيلى تولىق جازىلۋىنا بارىنشا كوڭىل ءبولۋىن، وزدەرىنىڭ جۇمىس ورىندارىنداعى ەڭبەكشىگە ءتان ۇقىعى مەن مۇددەسىن قورعايتىن بىردەن-ءبىر زاڭدىق كۇشكە يە حۇجات ــ ەڭبەك توقتام شارتى ەكەنىن، ەگەر جۇمىس ورنى قوجايىنىمەن ارادا الدە قانداي كەلىسپەستىك تۋىلىپ جاتسا، وزدەرىنىڭ زاڭدى ۇقىعىن قورعايتىن سىپاتتاما دا وسى ەڭبەك توقتام شارتى بولاتىنىن ەرەكشە ەسكەرتكىمىز كەلەدى. سوندىقتان ازاماتتارىمىز جۇمىس ورنى قوجايىندارىمەن ەڭبەك توقتام شارتىنا وتىرعان كەزدە استە سەلقوستىققا سالىنىپ، كوڭىلشەكتىك ىستەمەي، ەڭبەك توقتام شارتىن جازۋ بارىسىندا ءوزىنىڭ زاڭدى ۇقىعى مەن مۇددەسىنىڭ «ەڭبەك توقتام زاڭىنىڭ» قاتىستى تارماقتارى بويىنشا بۇركەمەلەنبەي جان-جاقتىلى اشىق جازىلۋىن مۇقياتتىلىقپەن قاداعالاۋلارى قاجەت.

  ادامدىق ءمورال بەلگىلى دەڭگەيدە سولعىن تارتىپ، قاتال نارىقتىق قاتىناستار وكتەم ورىندى يەلەپ، كوپ نازارى كوبىنەسە اقشاعا اۋعان قازىرگى باسەكەلى قوعامدا، ادامدار ارا تانىس-بىلىستىك، اعايىنشىلىق قاتىناستا ءىستىڭ كوبىندە ءسىز ويلاعانداي وڭىنا باسا بەرمەيتىنىن، ءوز ۇقىق-مۇددەڭىزدى تەك قانا زاڭدىق بەلگىلەمەلەرگە ساي، ءوزىڭىز قورعاۋعا ءتيىستى ەكەندىگىڭىزدى ەستەن شىعارماۋىڭىز كەرەك.

  رەال ومىردە ءسىز ۇقىق-مۇددەگە ساياتىن ماسەلەلەردە ۇتساڭىز دا، ۇتىلساڭىز دا بايلىعىڭىزدى، بەت-بەدەلىڭىزدى، ۇلت ايرىمىڭىزدى ايتىپ جاتۋىڭىزدىڭ پالەندەي قاجەتى جوق. ويتكەنى نەگىزگى زاڭىمىزدا «ازاماتتاردىڭ زاڭ الدىندا تەرەزەسى تەڭ» دەپ قانا كورسەتىلگەن. انە سوندىقتان ءسىز ءوز مۇددەڭىزدى قورعاۋعا تۋرا كەلگەندە، داۋگەرىڭىزبەن «سەن اناداي، مەن مىناداي بولعاندىقتان، ماعان باسىمدىلىق ىستەپ وتىرسىڭ» دەپ اۋىز اۋىرتىپ، بەت جىرتىسىپ، ايعايلاسىپ جاتپاي-اق، «ءار ەكى جاق تا ۇقساس ۇقىققا يە ادامبىز، سوندىقتان زاڭعا جۇگىنىپ، زاڭدى قارۋ ەتە وتىرىپ ادامدىق، ازاماتتىق تۇرعىدا تۇرىپ قانا سىپايى سويلەسەيىك» دەۋىڭىز قاجەت.

  ءسىزدىڭ زاڭدى بىلمەۋىڭىز ءسىزدى ءارقانداي جاۋاپكەرشىلىكتەن قۇتىلدىرا المايدى. كۇندەلىكتى ومىردە كەيبىر ازاماتتارىمىز «...دەپ ويلاپ جۇرسەم، ءسويتىپ قالىپتى عوي» دەگەن سياقتى جاۋاپكەرشىلىگى جوق، جالتارعان سوزدەردى كوپ ايتادى. ەلىمىزدىڭ زاڭدارىندا «زاڭ بىلمەگەندەرگە، زاڭ ەرەجەلەرىن تولىق تۇسىنبەيتىندەرگە مىناداي كەشىرىم جاسالادى» دەگەن تارماق مۇلدە جوق. سول سەبەپتى زاڭ بىلمەۋدىڭ سالدارىنان وتكىزگەن ءارقانداي زاڭسىز ءىسىڭىزدى زاڭنىڭ مۇلدە كەشىرمەيتىندىگىن ايقىن ءتۇسىنۋىڭىز قاجەت.

  رەال تۇرمىستا زاڭ ءسىزدىڭ جالىنىپ جاعداي ايتۋىڭىزدى، قارادۇرسىندىكپەن كۇش كورسەتۋىڭىزدى، بۋىنسىز جەردەن پىشاق سالۋىڭىزدى، شىندىقتى بۇرمالاپ بۇلتاقويلىققا سالىنۋىڭىزدى قۇپتامايدى، ول تەك اقىلعا قونىمدى زاڭدىق فاكتىلەرمەن عانا ادامداردى يلاندىرۋدى قۋاتتايدى. ماسەلەن، ىشكى ولكەدەگى بەلگىلى ءبىر اۋداننىڭ قالاشىعىندا كومىر تاسىپ بارا جاتقان اۆتوكولىكتەن ءبىر ۇلكەن كومىر كەسەگى ءتۇسىپ جول بويىندا كەتىپ بارا جاتقان ادامعا ءتيىپ، ول ادام قۇتقارۋعا كەلمەي قايتىس بولعان، اقى يەلەرى ەش داۋ-جاڭجال شىعارماي-اق، زاڭدىق قاعيدالار نەگىزىندە شوفەرعا تولەم تولەتۋمەن بىرگە، كوشە باسقارۋ ورنىنان دا لايىقتى تولەم تولەتىپ العان. ال بۇنىڭ كەرىسىنشە، رايونىمىزداعى بەلگىلى قىستاقتىڭ ءبىر ﺗﯘﺭﻋﯩﻨﻰ ﻛﻪﺷﻜﻰ ﺍﭘﺎﻕ-ﺳﺎﭘﺎﻗﺘﺎ ءﻭﺯﯨﻨﯩﯔ ﺗﺮﺍﻛﺘﻮﺭﯨﻦ جۇرگىزىپ، ﻗﯘﻡ-ﺷﺎﻋﯩﻞ ﺍﻟﯩﭗ ﻛﻪﻟﻪ ﺟﺎﺗﻘﺎﻥ ﺟﻮﻟﯩﻨﺪﺍ، اراق ءىشىپ ﻣﻮﺗﻮﺗﺴﻴﻜﻞ جۇرگىزگەن بىرەۋ ﺗﯘﻳﯩﻘﺴﯩﺰ ونىڭ ﺗﺮﺍﻛﺘﻮﺭىنا ءوزى ﻛﻪﻟﯩﭗ ﺳﻮﻋﯩﻼﺩﻯ دا، تاباندا ﺟﺎﻥ ﯗﺯﻩﺩﻯ. قىستاق تۇرعىنى ﻭﻗﻴﻌﺎﻧﻰ ﺯﺍﯓ ﻭﺭﯨﻨﺪﺍﺭﯨﻨﺎ ﻣﺎﻟﯩﻤﺪﻩﮔﻪﻧﺪﻯ ﺑﯩﻼﻱ ﻗﻮﻳﯩﭗ، ﻧﺎﻕ ﻣﺎﻳﺪﺍﻧﺪﻯ ﺳﺎﻗﺘﺎﻣﺎﻱ ﺗﺮﺍﻛﺘﻮﺭﯨﻦ جۇرگىزىپ ﻗﺎﺷﯩﭗ ﻛﻪﺗﻪﺩﻯ. سوڭعى ناتيجەدە ﻗﺎﺗﯩﻨﺎﺱ ﻗﺎﻋﻴﺪﺍﺳﻰ ﻣﻪﻥ ﺯﺍﯓ-ءﺗﯘﺯﯨﻤﺪﻯ ﺗﻮﻟﯩﻖ ﺑﯩﻠﻤﻪﮔﻪندىگى ﺳﻪﺑﻪﭘﺘﻰ قىستاق تۇرعىنى ﺑﺎﺭﻟﯩﻖ ﺗﻮﻟﻪﻣﺪﻯ ءﻭﺯ ﯗﺳﺘﯩﻨﻪ ﺍﻟﯩﭗ، ﺯﺍﯓ ﺑﯩﻠﻤﻪۋدىڭ ﺯﺍﺭﺩﺍﺑﯩﻦ ﺗﺎﺭتادى.

  جايشىلىق ومىردە ءتۇرلى قاقتى-سوقتى ادىلەتسىزدىكتەرگە، مۇيىزدەۋلەرگە ۇشىرايتىنىمىز جاسىرىن ەمەس. سوندىقتان دا ءار ادام ءوزىنىڭ زاڭدا بەلگىلەنگەن ازاماتتىق ۇقىعىن جەتىك ءبىلىپ الۋى كەرەك. ءسىزدىڭ بۇكىل تىنىس-تىرشىلىگىڭىز، ءومىر ءسۇرۋ سالتىڭىز دۇنيە ەسىگىن اشقاننان تارتىپ، باسىڭىز قۇبىلاعا قاراعانعا دەيىنگى ادامدىق ۇقىعىڭىز بارلىعى زاڭنىڭ قورعاۋىندا بولاتىنى اركەز ەسىڭىزدە بولسىن.

  قازىر قوعامدا وزدەرىنىڭ كۇن كورىس تىرشىلىك قامى ءۇشىن، قالتالى قوجايىندارعا جالدانىپ ەڭبەك ەتىپ جۇرگەن ازاماتتارىمىزدىڭ ىشىندە زاڭ بىلەتىندەرى زاڭدا بەلگىلەنگەن جۇمىس ۋاقىتى بويىنشا ەڭبەك ىستەپ، ءتيستى ەڭبەك اقىسىن الىپ، ونى يگىلىكتى ىسىنە جاراتىپ جۇرسە؛ ال زاڭ-ءتۇزىمدى تولىق ءتۇسىنىپ بىلمەيتىندەرى جۇمىس ۋاقىتىنىڭ ۇزىن-قىسقالىعىمەن ەش ەسەپتەسپەي، تاڭنىڭ اتقانى مەن كۇننىڭ باتقانىنا قاراپ قانا ارتىق ەڭبەك ەتەتىنىن، ارتىق جۇمىس ۋاقىتىنا ۇستەمە اقى تىلەمەيتىنىن، «ءبۇيتىپ نەگە زيان تارتىپ ءجۇرسىڭ، باۋىرىم؟» دەسەڭىز، «وي اعاسى، ەردىڭ كۇشى ەسەكتىڭ ارتىنان شىققان جەل ەمەسپە، <ەڭبەك توقتامى> دەپ ەسەپتەسىپ اۋرە بولىپ قايتەمىز، ەسەپ كورسەتكەنىڭىزبەن دە ءبارىبىر قوجايىننىڭ ايتقانى ءجون بولادى» دەپ، ءوزىنىڭ قالاي قانالعانىمەن جۇمىسى بولمايتىنىن، اۋەلى، قالتالى قوجايىننىڭ «سەن كۇشتىسىڭ» دەپ ارقاسىنان ءبىر قاققانىنا ءماز بولىپ قايداعى ادام توزگىسىز اۋىر، لاس جۇمىستاردى ىستەيتىنىن، ءسويتىپ، ارتىق ىستەگەن جۇمىس ۋاقىتى ءۇشىن قوسىمشا جالاقى تىلەمەيتىنىن كورىپ ءجۇرمىز. كەيدە، اۋەلى، سول ازاماتتاردىڭ ماردىمسىز جالاقىلارىنىڭ ءوزى دەر ۋاعىندا قولدارىنا ءتيىپ تۇرسا تاعى ءجون دەرسىڭ، كەيبىر كانىككەن، قۇلقىنى زور قوجايىندار ءتۇرلى سىلتاۋلارمەن الگى جالاقىنىڭ ءوزىن ەش ۇيالماي-اق جاركەمدەۋگە، جونىپ اراسىنان جوڭقا تۇسىرۋگە تىرىسادى، نە ونى الاياقتىق ىستەپ مۇلدەمگە بەرمەي كەتۋدىڭ قامىن قاراستىرادى. ءدال وسىنداي جاعدايلارمەن ەڭبەك اقىسىن ۋاعىندا تولىق الا الماي، شىنايى زاڭدى جوقشىسىن تابا الماي، تالاي بوساعانى توزدىرىپ، ارادا تالاي قۋاياقتىڭ الدام قالتاسىنا ءتۇسىپ، قالتالارى ونان ارى قاعىلىپ، ەڭسەلەرىن كوتەرە الماي جۇرەتىن اعايىندارىمىز دا از ەمەس.

  قازىر ەلىمىزدە ءتۇرلى زاڭ-ءتۇزىم ءوزىنىڭ دۇرىس ارناسىمەن ءار ادامدى، ءار ۇلتتى الالاماي تەڭ اتقارىلۋدا. تەڭسىزدىك قايدا دەسەڭىز، ول ءاربىر ادامنىڭ سول زاڭ-تۇزىمنەن شەبەرلىكپەن يگىلىكتەنۋ يقۋاتىندا بولىپ وتىر. سوندىقتان ماسەلەنى وسى جاعىنان قاراستىرۋعا تۋرا كەلەدى. كۇندەلىكتى ومىردە ءبىر ءبولىم ادامدار ءوز مۇددەسى ورەسكەل بۇزىلعان جاعدايدا عانا زاڭ-تۇزىمگە نازار اۋدارادى، بۇلاي ىستەۋ وتكەن ءىستىڭ وكىنىشتى جاقتارىن تولىقتاۋعا قالايدا جەتكىلىكسىزدىك ەتەدى. سول سەبەپتى ازاماتتار زاڭدى ۇيرەنۋدى، زاڭدى ءبىلۋدى، ونى ۇيرەنىپ، ءبىلىپ قانا قويماي، وزىنە قارۋ ەتۋدى ەشقاشان ەستەرىنەن شىعارماۋى كەرەك. ماسەلەن، ۇلتىمىز ومىرىندە زاڭ-ەرەجەلەرگە نەمقۇرايدى قاراۋدىڭ سالدارىنان ءتۇرلى تيپتەگى توقتام قاعازدارىنا ەش ويلانباي قول قويا سالىپ ومىرلىك زيان تارتاتىن، ءتىپتى، وزگە تىلدە جازىلعان توقتامنىڭ ءبىر ءارىبىن ءوزى تانىپ-بىلمەي تۇرىپ، «مىناۋ بىلاي جازىلدى» دەگەن سوزگە ايرانداي ۇيىپ قول قويا سالاتىن، ءوزىنىڭ سالاۋاتىن، اتى-ءجونىن ايعاقتايتىن مالىمەتتەردى دۇرىستاپ مۇقيات جازباعاندىعى سەبەپتى كەيدە ازاماتتىق كۋالىك پەن نوپوس، كەيدە ازاماتتىق كۋالىك پەن بانكە سياقتى ورىنداردىڭ كارتۋچكاسى ءوزارا سايكەسپەي سارپالداڭعا تۇسەتىن، بىرنەشە وتباسى ءبىر عانا وتباسى نوپوسىمەن وتىرىپ ءتۇرلى تيىمدىلىكتەردەن ايرىلاتىن، نەكەلەنگەن جۇبايلار نەكە كۋالىگىن ۋاعىندا الماي، جاڭا تۋىلعان نارەستەلەر دەر كەزىندە نوپوسقا تىركەلمەي، سوڭى اۋرە-سارساڭعا اينالاتىن، زاڭ-ەرەجەنىڭ قالىپتى قيسىنىمەن تابيعي بىتۋگە ءتيىستى جۇمىستى «پارامەن، تانىس-بىلىستەردىڭ بەت-بەدەلىمەن بىتىرەمىن» دەپ ورىنسىز جەم بولاتىن جاعدايلار ءجيى ۇشىراپ جاتادى. وسىنىڭ كوبى زاڭ بىلمەۋدەن، بىلسەدە زاڭ قۇدىرەتىنە نەمقۇرايدى قاراپ، ونى تولىق تۇسىنبەۋدەن، بار زاڭدى قارۋ ەتىپ ونى ءوز قاجەتىنە يگىلىكتەنە الماۋدان تۋىندايتىن ماسەلەلەر.

  شينجياڭدى قاۋىرت اشۋ ۇلى ينجەنەرياسىنا بايلانىستى بىلايعى تۇستا، ۇلتىمىز شوعىرلى قونىستانعان وڭىرلەردە ءىرى تيىپتەگى زاۆود، كەندەر مەن كاسىپورىندار، ەگىس الاڭدارى مەن ساياحات تۇيىندەرى ارت-ارتىنان قۇرىلىپ، كولەمى جاعىنان قازىرگى دەڭگەيدەن الدە قايدا زورايىپ، سانى جاعىنان قازىرگى دەڭگەيدەن الدە قايدا مولايىپ، كەڭ كولەمدە جۇمىس جۇرگىزبەكشى. الدى جۇمىس جۇرگىزىپ تە جاتىر. انە وسىنداي جاعدايدا ءوز ۇقىق-مۇددەڭىزگە قاتىستى ءىشىنارا ماسەلەلەر تۋىلىپ جاتسا، زاڭدى كوزگە ىلمەي قارادۇرسىندىككە باسىپ الىمسىنباعان الىپتى، مۇجىقسىنعان مىقتىنى تەك زاڭمەن عانا شاۋجايلاپ، زاڭمەن عانا جۇگىندىرىپ، زاڭمەن عانا يلاندىرىپ، زاڭمەن عانا فاكت جۇزىندەگى شىنايى تەڭدىككە جەتىپ، ءوز ۇقىق-مۇددەڭىزدى ءوزىڭىز قورعاپ قالۋىڭىزعا بولادى. كۇندەلىكتى ومىردە ءجيى كەزىگىپ جاتاتىن ءتىل، مادەنيەت، سالت-سانا سياقتى ۇلتتىق ەرەكشەلىككە ساياتىن ماسەلەلەرگە دە وسى زاڭمەن قورعانۋ ءتاسىلىن ايتۋعا بولادى. قورعانۋدىڭ باسقالاي مۇمكىندىكتەرى نەگىزىنەن جوققا تەڭ.

  قىسقاسى، رەال تۇرمىستا ازاماتتاردىڭ زاڭ بىلمەۋى سەبەپتى ەكىنىڭ بىرىندە ەسەسى كەتىپ كورىنگەنگە جەم بولاتىن جاعدايى ۇنەمى بەلەڭ بەرىپ جاتادى. سوندىقتان زاڭ ءبىلۋ ــ ءاربىر ازاماتتىڭ ازىرلەۋگە ءتيىستى ءبىر ءتۇرلى ادامدىق ساپاسى، ازاماتتىق بورىشى ەسەپتەلەدى. قازىرگى قوعامدا ازاماتتارعا تەك قانا بايىپ اۋقاتتانۋ، ونەر-ءبىلىم يگەرۋ ەكىنىڭ بىرىندە جەتكىلىكسىزدىك ەتەدى، مول ءبىلىم، زور قابىلەت، قوماقتى قارجىڭىز بولۋمەن بىرگە، زاڭدىق ساناڭىزدىڭ جوعارى بولۋى دا وتە ماڭىزدى. ويتكەنى ازاماتتاردىڭ جەكە مۇددەسىن قورعايتىن ەڭ قۇدىرەتى كۇشتى قارۋ ــ زاڭ. زاڭ بار جەردە زاڭسىزدىققا جول بەرىلمەيدى، زاڭ بۇزۋشىلىقتىڭ الدى الىنادى، تەڭدىك ەڭسە كوتەرىپ، ادىلدىك سالتانات قۇرادى، ءتارتىپ ورناپ، جاراسىمدىلىق ساقتالادى. ءوز ۇقىق-مۇددەڭىزدى تەك زاڭ ارقىلى عانا قورعاپ، فورما تۇرىندە ەمەس، فاكت جۇزىندەگى شىنايى تەڭدىككە، ەركىندىككە جەتەسىز. زاڭ بارلىق ادامدى، مەيلى ونىڭ كىم بولۋىنا، ايتالىق، ۇلتىنىڭ، ءال-اۋقاتىنىڭ، بەت-بەدەلىنىڭ، دارەجەسىنىڭ قانداي بولۋىنا قاراماستان، ازاماتتىق ۇقىقتان تەڭ يگىلىكتەندىرەدى. مەملەكەتتى زاڭمەن باسقارۋ ستراتەگياسى باسا دارىپتەلىپ وتىرعان قازىرگى تاڭدا، بارلىق ازامات زاڭدى مۇقيات ۇيرەنۋى، قانىق ءبىلۋى قاجەت. زاڭ بىلسەڭ، ءارقاشان ءجون بىلمەيتىن كەۋدەمسوق دوكەيلەردەن ورىنسىز قاقپاي كورمەيسىڭ، ورنى تولماستاي ويسىراپ، زار يلەپ زارداپ شەكپەيسىڭ، سان سوعىپ، جەر سيپاپ قالمايسىڭ. مىنە بۇل ءسىز انىق ءبىلىپ الۋعا ءتيىستى زاڭنىڭ قۇدىرەتى.

  "سوڭى"

  اۆتوردىڭ قىزمەت ورنى: التاي ايماقتىق پارتيا مەكتەبى

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.