- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شاپالاق شابىت شاقىرمايدى*
نۇربولات ءابدىقادىر
2015.07.02 11:06 كەلۋ قاينارى : حالىق تورابى
كورەرمەندەردەگى ءبىر ادەت كوپ جىلدان بەرى ءبىر وزگەرمەي – اق قويدى. سوندا بۇل قانداي ادەت؟ ول – ورىنسىز سوعىلاتىن جابايى شاپالاق. ەستىر قۇلاققا تۇرپايى، جانىڭىزدى جەلپىندىرمەيتىن، كوڭىلىڭىزگە كەلەتىن، توعىشار، ويسىز شاپالاق.
سوڭعى جىلدارى، حالىقتىڭ رۋحاني جان دۇنيەسىنە ازىق بولارلىق باي مازمۇندى، الۋان فورمالى قوعامدىق قيمىلدار، ماسەلەن، اۆتونوميالى رايوندىق، وبلىستىق، ايماقتىق، اۋداندىق، سونداي – اق ديۆيزيالىق اقىندار ايتىسى، ارىسى اۋىلعا دەيىنگى ءار دارەجەلى ورىنداردىڭ جىل باسى ناۋرىزدى تويلاۋى، اقىن – جازۋشىلاردىڭ شىعارماشىلىق كەشتەرى، باسقا دا ادەبيەت – كوركەمونەر نومىرلەرى جانە دە مەرەكە – مەيرامدارداعى كونسەرتتەردىڭ ءجيى وتكىزىلە باستاعانى بەلگىلى جاعداي. وسى بارىستا، ارينە، تامىلجىعان ءتاتتى اۋەنگە تولى اسەم اندەر شىرقالىپ، بۋىنى جوق بيشىلەر بۇراتىلا بيگە باسىپ، دومبىرادا كۇمبىرلى كۇيلەر تارتىلىپ، قوبىزدىڭ قوڭىر ءۇنى جۇرەك قىلىڭىزدى تەربەپ، كومەيىنەن كوركەم ءسوزدىڭ اسىل مارجاندارى توگىلگەن اقىندار جىردىڭ سەلىن لەكىتە تولقىتىپ، جان سارايىڭىزعا جارىق، جۇرەك – جۇيكەڭىزگە جىلۋلىق باعىش ەتەدى. «شىركىن!» دەپ تامساناسىز، ءبىراق تا كەيبىر كەلەڭسىزدىكتەردى كوزىڭىزبەن كورىپ، قۇلاعىڭىزبەن ەستىگەندە «اتتەگەن – اي!» دەپ وكىنەسىز.
ءمالىم ونەرپاز نۇرعيسا تىلەنديەۆتىڭ «اققۋ» كۇيىن نەمەسە قۇرمانعازى ساعىربايەۆتىڭ «سارى ارقاسىن» ناشىنا كەلتىرە قۇيقىلجىتىپ ورىنداپ وتىر دەلىك، كۇيدىڭ كومپوزيتسياسى شيەلىنىسىپ بارىپ شارىقتاۋ شەگىنە كوتەرىلگەندە، كورەرمەندەردىڭ تۇيىقسىز شاتىرلاعان بىركەلكى ەمەس شاپالاعى كۇيدى ءبارىبىر كومىپ كەتەدى دە، ءبىر جولا ەستىرتپەي تاستايدى. بيدە دە سول، ارەدىكتەگى توسىن ءبىر قيمىلعا ورىنسىز شاپالاق سوعىلادى دا، ءبيدى جەتەكتەپ وتىرعان مۋزيكانى تۇنشىقتىرىپ كەتەدى. ال، اقىننىڭ تاپقىر ايتىلعان الدە ءبىر سوزىنە بولا تاعى دا شاپالاق ۇرىلىپ، جالعاستى تىڭدالۋعا كەرەك سوڭعى ءسوزى ۇعىلماي قالادى. ءاننىڭ ورتاسىندا، بىردە ءانشىنىڭ داۋىسى شىعانداپ شىقسا بولعانى – تاعى دا شاپالاق! سونداعى، بىزدەگى بۇل - نە شاپالاق؟
قازىرگى كورەرمەندەردەگى مۇنداي ويسىز شاپالاقتار (كوپكە توپىراق شاشۋدان اۋلاقپىز) بىردەن سول ونەرگە، ەكىنشىدەن ونەر يەسىنە قۇرمەتسىزدىك. بۇلعۇرلى رۋحاني جۇتاڭدىق شەتەلدەردەگى وزگە ۇلتتاردا، قازاقستان قازاقتارىندا دا جوق. ولار ونداي كۇيكى شاپالاقتى جەك كورەدى. قۇرمەت شاپالاعى ءنومىر ورىندالىپ بىتكەن سوڭ بارىپ بىركەلكى قايتالانسا جاراسادى. ويتكەنى شۋىلعا تولى داڭعازا شاپالاقتىڭ شابىت شاقىرمايتىنىنا حالىق كۋا.
(*«ىلە كەشى» گازەتىنىڭ 2006 – جىلى 22 – مامىر كۇنگى سانى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
