بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

ساپالىق بايلانىس(14)

2012.05.23 11:12    

  4. رۋحتىڭ ءمانى

  رۋح ماتەريانىڭ تۋىندىسى، ءبىراق ول ماتەرياعا جاتپايتىن، ماتەريانىڭ ادام ميىنداعى ساۋلەسى. رۋح ماتەريالدىق ءتۇس الماعاندىقتان، ونى كوزبەن كورىپ، قولمەن ۇستاۋعا كەلمەيدى. سوندا، رۋح قالاي كەلىپ شىققان؟

  رۋح ماتەرياعا جاتپاعانىمەن، ونىڭ جاراتىلىسى ماتەريامەن قاتىستى. اشالاپ ايتاتىن بولساق، رۋح تىرشىلىكتىك تەكتەردىڭ شىنايى تۋىندىسى. ياعىني، تىرشىلىكتىك تەكتەر سانالاتىن تۇلعا، ورتا، ءتۇر، ءومىر رۋحتىڭ بارلىققا كەلۋىن تۋدىرعان ماتەريالدىق سەبەپ. بالكىم، وسى تۇجىرىم كوكەيگە سيمايتىن قايشىلىقتىق ماسەلەلەردىڭ ءورتتى وشاعى بولىپ سەزىلۋى مۇمكىن. ويتكەنى، رۋح ميدىڭ بەينەلەيتىن ەرەكشەلىگى بولا تۇرا، قالايشا تىرشىلىكتىك تەكتەر سانالاتىن تۇلعا، ورتا، ءتۇر، ءومىر سياقتىلاردى رۋحتىڭ تەكتىك ماسەلەسىنە زورلاپ تاڭامىز؟ ارينە، تىرشىلىكتىك تەكتەر سانالاتىن تۇلعا، ورتا، ءتۇر، ءومىر رۋحتى بەينەلەپ بەرە المايدى، الايدا ولار رۋحتىڭ جارىققا شىعۋىنىڭ تۇپكىلىكتى سەبەبى. ەگەر وسى تىرشىلىكتىك تەكتەر بولماسا، وندا رۋحتىڭ بولعانىنان ءسوز اشۋ قيىن بولار ەدى. ياعىني، تىرشىلىكتىك تەكتەر رۋحتىڭ ناقتىلى مازمۇندارعا يە بولۋىنىڭ كەپىلى.

  تىرشىلىك اتاۋلى ماتەرياعا سايادى. سول ءۇشىن ولاردىڭ بويىنان جاراتىلىس تەگى مەنمۇندالاپ تۇرادى. الايدا، جاراتىلىس ءتورت تەگى تىرشىلىكتىڭ بويىنان تىكە كورىنبەي، وزگەرگەن فورمادا بوي كورسەتەدى. ياعىني تىرشىلىكتىڭ وزدىك تەگىن قالىپتاستىرادى. تىرشىلىكتىڭ وزدىك تەگى جاراتىلىس تەگىنىڭ سايكەستى تۋىندىسى بولىپ، تىرشىلىك دۇنيەسىنىڭ بىرلىگىن قۇرايدى.

  تىرشىلىكتىڭ زاتتىق تەگى – تۇلعا (Tu)؛

  تىرشىلىكتىڭ الەمدىك تەگى – ورتا (O)؛

  تىرشىلىكتىڭ جازمىشتىق تەگى – ءتۇر (Tr)؛

  تىرشىلىكتىڭ بولمىستىق تەگى – ءومىر (Om).

  بۇدان تىس تىرشىلىكتىڭ ءولى نارسەلەردەن وزگەشەلىگى، وندا رۋح (R) بولادى. رۋح – تىرشىلىكتىڭ بەسىنشى تەگى ەسەپتەلىنەدى.

  تىرشىلىكتىڭ وزدىك تەگى تىرشىلىك دۇنيەسىن ءبىر بۇتىندەيتىن بىرلىك. تىرشىلىك دۇنيەسى بىرلىك ىشىندە ءبىر بۇتىندەلەدى، ءورىس جايادى، بارىس-كەلىس جاسايدى، تىرشىلىك ەتەدى. وسى تىرشىلىك دۇنيەسىنىڭ ءومىر ءسۇرۋ فورماسى رۋحتىڭ تىرشىلىك وزدىك تەكتەرىمەن ورگانيكالىق ۇشتاسۋىن بەلگىلەگەن. رۋحتىڭ كەلىپ شىعۋى تىرشىلىكتىڭ بىرلىك جۇيەسىن قامتاماسىزداندىرۋىنىڭ كەپىلى، سونداي-اق رۋحتىڭ بىرلىكتىك ءمانىنىڭ الۋاندىعىنىڭ العى شارتىن ازىرلەيدى.

  تىرشىلىكتىڭ وزدىك تەگىنىڭ بايلانىسى وتە كۇردەلى، سونىڭ ىشىندەگى رۋح پەن تىرشىلىكتىڭ وزدىك تەگىنىڭ بايلانىسىن اشالاپ الاتىن بولساق، تومەندەگىدەي ورنەك كەلىپ شىعادى.

  XR،RX جانە RR

  XR ورنەك رۋح پەن تىرشىلىك وزدىك تەگىنىڭ بايلانىسى بولىپ، رۋحتىق ەرەكشەلىكتىڭ تىرشىلىك وزدىك تەگى جاعىنان كورىنۋىن كورسەتەدى، ياعىني رۋحتىڭ بەينەلەيتىن رۋحتىق ەرەكشەلىگى تىرشىلىك وزدىك تەگىنە باعىنىشتى بولادى؛ RX ورنەك تىرشىلىك وزدىك تەگى مەن رۋحتىڭ بايلانىسى بولىپ، تىرشىلىك وزدىك تەگى رۋح جاعىنان كورىنۋىن كورسەتەدى، ياعىني تىرشىلىك وزدىك تەگىنىڭ بەينەلەيتىن وزدىك تەگى رۋحقا باعىنىشتى بولادى؛ RR ورنەك رۋح پەن رۋحتىڭ بايلانىسىن كورسەتەدى. جوعارىداعى ورنەكتەردەن جالپى 9 شەشىم شىعادى. ولاردى جاياتىن بولساق، تومەندەگىدەي تۇرلەنەدى:

  TuR،OR ،TrR ،OmR ،RTu ، RO،RTr ،ROm ، RR.

  جوعارىداعى 9 شەشىمدى «رۋحتىڭ ءمانى» دەيمىز. ولار رۋحتىڭ جالپىلىق ەرەكشەلىكتەرىنىڭ جيىنتىعى، سونداي-اق رۋحتى جان-جاقتىلى كورنەكتەندىرىپ تۇرعان رۋحتىڭ شىنايى مازمۇنى ەسەپتەلەدى. تومەندە رۋحتىڭ ءمانىن جەكە-جەكە تانىستىرامىز.TuR ورنەك تۇلعا مەن رۋحتىڭ تاۋەلدىلىك بايلانىسى. ماعىناسى: رۋحتىڭ تۇلعا جاعىنان كورىنۋى بولىپ، شەشىمى تۇيسىك بولادى. ادامدا بەس ءتۇرلى تۇيسىك بار، ولار: كوزبەن كورۋ، قۇلاقپەن ەستۋ، مۇرىنمەن يىسكەۋ، تىلمەن ءدام ايىرۋ، تەرىمەن سەزىنۋ. وسى بەس ءتۇرلى تۇيسىك ادامنىڭ ءبۇتىن دەنەسىنە تەگىس تاراعان، ءارى رۋحتى بەينەلەپ بەرەدى. سوندىقتان، تۇيسىك تۇلعانىڭ بويىنان كورىنگەن رۋح.

  OR ورنەك ورتا مەن رۋحتىڭ تاۋەلدىلىك بايلانىسى. ماعىناسى: رۋحتىڭ ورتا ىشىنەن كورىنۋى بولىپ، شەشىمى تانىم بولادى. ادامنىڭ تانىمى اتا-انا تاربيەسى، مەكتەپ تاربيەسى جانە قوعامدىق ورتادان كەلەدى. ادامداردىڭ قابىلدايتىن تانىمى ادامداردىڭ جاساپ وتىرعان ورتاسىندا ايتەۋ بار نارسە بولىپ، ادامداردىڭ قابىلداۋ دەڭگەيىنىڭ ۇقساماستىعىنا قاراي وڭدى-سولدى تانىم قالىپتاسادى. تانىم تۇگەلدەي ورتادا بار، ءار ءتۇرلى فورمادا ساقتالادى، ءارى ءار ءتۇرلى جولمەن تاراتىلادى. ادامنىڭ تانىمى دا ورتانىڭ اسەرىندە كۇن سايىن وزگەرىپ، جاڭالانىپ تۇرادى. سوندىقتان، تانىم ورتا ىشىنەن كورىنگەن رۋح.

  TrR ورنەك ءتۇر مەن رۋحتىڭ تاۋەلدىلىك بايلانىسى. ماعىناسى: رۋحتىڭ ءتۇر قاتىناسىنان كورىنۋى بولىپ، شەشىمى مۇددە بولادى. ادامدار اراسىنداعى باسەكە، كۇرەس مۇددەنى وزەك ەتەدى. مۇددە بولماسا، ادامدار ارا باق تالاستىق، پايدا قۇمارلىق، جاۋىزدىق دەگەندەردىڭ قاراسى كورىنبەيدى. مۇددە ۇلكەن جاقتان جەكە ادامنىڭ مۇددەسى، ۇيىم نەمەسە كوللەكتيۆتىڭ مۇددەسى، ۇلت نەمەسە ەلدىڭ مۇددەسى، ادامزاتتىڭ مۇددەسى بولىپ تۇرلەنەدى. مەيلى جەكە ادام نەمەسە باسقالارى بولسىن، بارلىعى دا ءتۇردىڭ ناقپا-ناق بەينەسى. سوندىقتان، مۇددە ءتۇر قاتىناسىنان كورىنگەن رۋح.

  OmR ورنەك ءومىر مەن رۋحتىڭ تاۋەلدىلىك بايلانىسى. ماعىناسى: رۋحتىڭ ءومىر تارتىسىنان كورىنۋى بولىپ، شەشىمى وي بولادى. ادامنىڭ كىسىلىك ومىرىندە ءاردايىم قيلى-قيلى ويلار تۋىندايدى. ماسەلەن، جوعارىلاپ وقۋ، قىزمەت تابۋ، تۇرمىستانۋ، ءۇي ساتىپ الۋ، ۇرپاق تاربيەلەۋ، ساياحاتقا شىعۋ قاتارلىلار. ادامنىڭ ويى ءار كۇنى تۋىندايدى، كۇن سايىن جاڭالانىپ تۇرادى، ماڭگىلىك تولاستاپ بەرمەيدى. سوندىقتان، وي ءومىر تارتىسىنان كورىنگەن رۋح.

  RTu ورنەك رۋح پەن تۇلعانىڭ تاۋەلدىلىك بايلانىسى. ماعىناسى: تۇلعانىڭ رۋح جاعىنان كورىنۋى بولىپ، شەشىمى كوڭىل بولادى. كوڭىل ادامداردىڭ دەنساۋلىعى، كۇي-جايى، دەمالىسى، تۇرمىس ريتىمى سياقتىلارمەن قاتىستى بولادى. ادام سىرقاتتانعاندا نەمەسە شارشاعاندا، ادامنىڭ كوڭىلى باسەڭ بولادى دا ادامنىڭ دەنەسى ءجۇرىس تۇرىسى قولايسىز اۋىر تارتادى. كەرىسىنشە ادامنىڭ دەنى ساۋ نەمەسە دەمالىسى جايلى بولسا، ادامنىڭ كوڭىلى جادىراڭقى بولادى دا ادامنىڭ دەنەسى ەلپەك جەڭىل قوزعالادى. كوڭىل رۋحتى ارقاۋ ەتەدى، تۇلعا ارقىلى بەينەلەنەدى. سوندىقتان، كوڭىل رۋح جاعىنان بەينەلەنگەن تۇلعا.

  RO ورنەك رۋح پەن ورتانىڭ تاۋەلدىلىك بايلانىسى. ماعىناسى: ورتانىڭ رۋح جاعىنان كورىنۋى بولىپ، شەشىمى سانا بولادى. سانا ادامنىڭ تاربيەسى، مادەنيەتى، ماعلۇماتى، داعدىسى سياقتى جاقتاردى قامتيتىن كەڭ ماعىنالى ۇعىم. ادامنىڭ قوعامدىق ورتاداعى ءجۇرىس-تۇرىسى، ءسوز-سويلەمى، ءىس-ارەكەتى سول ادامنىڭ ساناسىنىڭ قانداي بولۋىمەن تىكە قاتىستى. ماسەلەن، تاربيە كورگەن سانالى ادامدار الەۋمەتتىك ورتادا باسقا ادامدارمەن ءمالىم سەبەپپەن كەلىسپەستىك جاعدايعا ۇشىراسا، ءىستى ۇدەتپەي باسەڭدەتۋگە بەيىم بولادى. ال تاربيەسى از ادامدار ءىستى ودان ارى ۋشىقتىرىپ ۇلعايتۋدى ماقتان كورەدى. سوندىقتان، سانا رۋح جاعىنان بەينەلەنگەن ورتا.

  RTr ورنەك رۋح پەن ءتۇردىڭ تاۋەلدىلىك بايلانىسى. ماعىناسى: ءتۇردىڭ رۋح جاعىنان كورىنۋى بولىپ، شەشىمى مىنەز بولادى. ادام مەن ادام اراسىنداعى تۇرلىك جاقتاعى پارقى ەكى جاقتىلى كورىنەدى، ولار: زاتتىق جانە رۋحاني پارىق. وسى رۋحاني جاقتاعى پارقى مىنەز بولىپ، ادامداردىڭ ءتۇرلى-تۇستىلىگىن كەلتىرىپ شىعادى. ماسەلەن، قۋ، اقكوڭىل، جۋاس، تەنتەك، ءمۇلايىم، قاتىگەز سياقتىلار. ەگەر ادام ءوسىپ-جەتىلۋ بارىسىندا، قاراپايىم ورتادا جالاڭ نارسەلەرمەن شۇعىلدانىپ وتسە، وندا ول ادامنىڭ مىنەزى دەگەندەي قاراپايىم جەتىسەدى. كەرىسىنشە كۇردەلى ورتادا تۇرلىشە نارسەلەرمەن شۇعىلدانسا، وندا ول ادامنىڭ مىنەزى شىنىمەن كۇردەلى تولىسادى. سوندىقتان، مىنەز رۋح جاعىنان بەينەلەنگەن ءتۇر.

  ROm ورنەك رۋح پەن ءومىردىڭ تاۋەلدىلىك بايلانىسى. ماعىناسى: ومىردىڭ رۋح جاعىنان كورىنۋى بولىپ، شەشىمى سەزىم بولادى. ادام كىسىلىك ومىردە بىردە قۋانىپ، ەندى بىردە جۇبانىپ جاتادى. ادامنىڭ ءومىرى سەزىمگە تولى كەلەدى. ەگەر ادامدا سەزىم بولماسا، وندا ءومىردىڭ قىزىعى دا قالمايدى. ماسەلەن، ماحابات سەزىمى، شاتتىق سەزىمى، قايعىرۋ سەزىمى. سوندىقتان، سەزىم رۋح جاعىنان بەينەلەنگەن ءومىر.

  RR ورنەك رۋح پەن رۋحتىڭ تاۋەلدىلىك بايلانىسى. ماعىناسى: رۋحتىڭ رۋح جاعىنان كورىنۋى بولىپ، شەشىمى سەنىم بولادى. ادامدار تىرلىك جاساعاندا كوپتەگەن نارسەلەرگە سەنىم ورناتادى. ماسەلەن، اتا-اناعا قۇرمەت، بالالارعا مەيىر، ماحاباتقا ادالدىق، ۇيرەنۋگە قۇلشىنىس، قىزمەتكە شوگەلدىك سياقتى سەنىمدەرى. سوندىقتان، سەنىم رۋح جاعىنان بەينەلەنگەن رۋح.

جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.