بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

ساپالىق بايلانىس(19)

2012.05.23 11:12    

  مۇددەلىك مالىمەت. اقپار: رۋح مۇددەسى مەن مي ۇيتقىسىنىڭ بايلانىس تۋىندىسى. مۇددەلىك مالىمەتتەر مي ۇيتقىسىنىڭ قوزعاۋىمەن ميدىڭ ويلاۋ جۇيەسىنە اقپار بولىپ قابىلدانادى. اقپاردىڭ ءمانى ينفورماتسيا، ونى مالىمەت قامبالارىنا كوشىرۋگە، سونداي-اق ەلەكتروماگنيت تولقىن فورماسىندا تاسىمالداۋىمىزعا كەلەدى. ماسەلەن، ساۋدا جۇمىسىنداعى توۆارلاردىڭ اتى، مولشەرى، باعاسى، وندىرىلگەن ورنى...سياقتى مۇددەلىك مالىمەتتەر اقپار بولادى. ميدىڭ ويلاۋ جۇيەسى مۇددەلىك مالىمەتتەردى اقپاردىڭ بىرلىكتىك ءتۇيىنى ارقىلى قابىلدايدى. سىر: رۋح مۇددەسى مەن مي جۇيەسىنىڭ بايلانىس تۋىندىسى. مۇددەلىك مالىمەتتەر مي ۇيتقىسىنىڭ قوزعاۋىندا اقپار بولىپ قابىلدانعاننان كەيىن، مي جۇيەسىنىڭ جايعاستىرۋىمەن ميدىڭ ويلاۋ جۇيەسىنە سىر بولىپ جازىلىپ ساقتالادى. سىر قۇپيالىعى سىرتقا جايىلمايتىن ينفورماتسيا. ماسىەلەن، اسكەري ىستەر قۇپيالىعى، ساۋدا قۇپيالىعى. ميدىڭ ويلاۋ جۇيەسى مۇددەلىك مالىمەتتەردى سىردىڭ بىرلىكتىك ءتۇيىنى ارقىلى جازىپ ساقتايدى. ءباس: رۋح مۇددەسى مەن مي قابىلەتىنىڭ بايلانىس تۋىندىسى. مۇددەلىك مالىمەتتەر مي جۇيەسىنىڭ جايعاستىرۋىمەن سىر بولىپ ساقتالعاننان كەيىن، مي قابىلەتىنىڭ وياتۋىمەن ميدىڭ ويلاۋ جۇيەسىندە ءباس بولىپ بەينەلەنەدى. ءباس ادامدار ارا باقتالاستىق باسەكەنى كورسەتەدى. ماسەلەن، ايەل زاتى قاشان بولماسىن كيىمدەرىن تۇرلەندىرىپ كيۋدى، بەزەنۋ بۇيىمدارىن ءون-بويىنا جىلتىراتىپ تاعۋدى جاقسى كورەدى. مىنە بۇل ايەلدەردىڭ باقتالاستىق ءباسىنىڭ قىر كورسەتەتىن ءبىر بەينەسى. ميدىڭ ويلاۋ جۇيەسى مۇددەلىك مالىمەتتەردى ءباستىڭ بىرلىكتىك ءتۇيىنى ارقىلى بەينەلەپ بەرەدى. ىنساپ: رۋح مۇددەسى مەن مي قىزمەتىنىڭ بايلانىس تۋىندىسى. مۇددەلىك مالىمەتتەر مي قابىلەتىنىڭ وياتۋىمەن ءباس بولىپ كورىنگەننەن كەيىن، مي قىزمەتىنىڭ قاجەتىمەن ميدىڭ ويلاۋ جۇيەسىندە وڭ-سولىن تەڭشەيتىن ىنساپ بولىپ جۇمىس وتەيدى. ىنساپ ادامداردىڭ ىشكى وي دۇنيەسىنىڭ رازىلىعىن، قاناعاتىن، شۇكىرلىگىن بەينەلەيتىن ۇعىم. ماسەلەن، ادامنىڭ تابيعاتى اشكوز بولىپ جارالعان، ەشقاشاندا دۇنيەگە قاناعات ەتۋدى ءجون سانامايدى. تەك الىنە باعىپ، ىنساپتىڭ تەجەۋىندە باسقالارمەن تەپە-تەڭدىك قاتىناس ورناتىپ، سەلبەستىك جاساۋ جولىمەنەن تيەسەلى تىرلىگىن ەنشىلەيدى. ميدىڭ ويلاۋ جۇيەسى مۇددەلىك مالىمەتتەردى ىنساپتىڭ بىرلىكتىك ءتۇيىنى ارقىلى قاجەتىمىزگە جاراتادى. قورتىپ كەلگەندە، مۇددەلىك مالىمەتتەر ميدىڭ ويلاۋ جۇيەسىندە اقپار بولىپ قابىلدانادى، سىر بولىپ جازىلىپ ساقتالادى، ءباس بولىپ بەينەلەنەدى، ىنساپ بولىپ قاجەتكە جارايدى.

  وي مالىمەتى. قام: رۋح ويى مەن مي ۇيتقىسىنىڭ بايلانىس تۋىندىسى. وي مالىمەتتەرى مي ۇيتقىسىنىڭ قوزعاۋىندا ميدىڭ ويلاۋ جۇيەسىنە قام بولىپ قابىلدانادى. قام ادامداردىڭ كۇندەلىك تۇرمىسى مەن ومىرىندەگى ۇشىراسقان ماسەلەلەرى مەن شەشۋگە ءتيىستى ىستەرىن كورسەتىپ بەرەدى. ادامداردىڭ كىسىلىك ءومىرى قاممەن بىتە قايناسقان. ءبىرىن تىندىرسا، ەكىنشىسى مەنمۇندالاپ ەتەككە ورالا كەتەدى، ماڭگىلىك تىنىم تاپپايدى. ماسەلەن، ادامدار ءاردايىم ىشەر اسىن دايىنداۋ، كيەر كيىمىن بۇتىندەۋ، ۋاعىندا قىزمەتكە شىعۋ، ۇلكەندەرگە كۇيىنۋ، ۇرپاقتاردى ماپەلەپ ءوسىرۋ سياقتى تولىپ جاتقان كۇندەلىك كۇيبىڭدەردىڭ قامىندا جۇرەدى. ميدىڭ ويلاۋ جۇيەسى وسى وي مالىمەتتەرىن قامنىڭ بىرلىكتىك ءتۇيىنى ارقىلى قابىلدايدى. مىندەت: رۋح ويى مەن مي جۇيەسىنىڭ بايلانىس تۋىندىسى. وي مالىمەتتەر مي ۇيتقىسىنىڭ قوزعاۋىندا قام بولىپ قابىلدانعاننان كەيىن، مي جۇيەسىنىڭ جايعاستىرۋىمەن ميدىڭ ويلاۋ جۇيەسىندە مىندەت بولىپ جازىلىپ ساقتالادى. مىندەت ادامداردىڭ كۇندەلىك ىستەيتىن ىستەرى جايىندا الدىن-الا تۇزىلگەن جوبا-جوسپارى. ماسەلەن، ادامدار ءبىر كۇندىك، ءبىر اپتالىق، ءبىر ايلىق سياقتى جۇمىستارعا جوسپار ءتۇزىپ، ورنالاستىرۋلار جاسايدى دا، رەتى كەلگەندەرىن ءبىر-بىرلەپ ورىندايدى. ميدىڭ ويلاۋ جۇيەسى وسى وي مالىمەتتەرىن مىندەتتىڭ بىرلىكتىك ءتۇيىنى ارقىلى جازىپ ساقتايدى. امال: رۋح ويى مەن مي قابىلەتىنىڭ بايلانىس تۋىندىسى. وي مالىمەتتەرى مي جۇيەسىندە مىندەت بولىپ ساقتالعاننان كەيىن، مي قابىلەتىنىڭ وياتۋىندا امال بولىپ بەينەلەنەدى. امال ءىستى باستاۋ، ءجۇرگىزۋ، سوڭىنا شىعارۋ بارىسىندا ۇشىراسقان قيىن، كۇردەلى ماسەلەلەرىنە قولدانعان ۇتىمدى شارالارىن، ايلا تاسىلدەرىن كورسەتەدى. ماسەلەن، كاسىپكەرلەر، تيجاراتشىلار ساۋداسىنىڭ جاقسى ءجۇرىۋى ءۇشىن، كوبىنەسە ءوڭى سۇلۋ، ءتىلى مايدا، مىنەزى جۇمساق، قىلىعى جاعىمدى، تۇسىنىگى تەرەڭ، جانى تازا، كيىم كيىسى رەتتى، ىسكە شەبەر جاستاردى بەت قالقا ەتىپ، ماڭىزدى ورىنعا قويىپ ىستەتەدى. ميدىڭ ويلاۋ جۇيەسى وي مالىمەتتەرىن امالدىڭ بىرلىكتىك ءتۇيىنى ارقىلى بەينەلەپ بەرەدى. شەشىم: رۋح ويى مەن مي قىزمەتىنىڭ بايلانىس تۋىندىسى. وي مالىمەتتەرى مي قابىلەتىنىڭ وياتۋىندا امال بولىپ بەينەلەنگەننەن كەيىن، مي قىزمەتىنىڭ قاجەتىمەن ميدىڭ ويلاۋ جۇيەسىندە شەشىم بولىپ قىزمەتىن وتەيدى. شەشىم ادامداردىڭ ىستەمەكشى بولعان ءىسى جايىنداعى سوڭعى تالعامى مەن ناقتىلى قيمىلى. ماسەلەن، ادامداردىڭ ماگازيننەن وزىنە قاجەتتى توۆارلاردى ساتىپ الۋىنىڭ ءوزى شەشىمنىڭ ناقتىلى كورىنگەن ءبىر بەينەسى بولادى. ميدىڭ ويلاۋ جۇيەسى وي مالىمەتتەرىن شەشىمنىڭ بىرلىكتىك ءتۇيىنى ارقىلى قاجەتكە جاراتادى. قورتىپ كەلگەندە، وي مالىمەتتەرى ميدىڭ ويلاۋ جۇيەسىندە قام بولىپ قابىلدانادى، مىندەت بولىپ جازىلىپ ساقتالادى، امال بولىپ بەينەلەنەدى، شەشىم بولىپ قاجەتكە جارايدى.

  كوڭىل مالىمەتى. ءنار: رۋح كوڭىلى مەن مي ۇيتقىسىنىڭ بايلانىس تۋىندىسى. كوڭىل مالىمەتتەرى مي ۇيتقىسىنىڭ قوزعاۋىندا ءنار بولىپ ميعا قابىلدانادى. ءنار ادامداردىڭ رۋحاني ازىعى، ول كوبىنەسە دەمالۋ، ۇيقتاۋ، مۋزيكا تىڭداۋ، تەلە فيلىم كورۋ، سپورت قيمىلىمەن شۇعىلدانۋ، سەرۋەندەۋ، ساياحاتتاۋ سياقتى جولدارمەن قابىلدانىپ، ميدى تىنىشتاندىرادى. ماسەلەن، ادامدار كوڭىل جەتەر اعايىندارىمەن وڭاشادا باس قوسىپ، بۇكپەسىز ءازىل-قالجىڭدارىن ايتىسىپ وتىرعاندا، ايتىلاتىن قىزىق اڭگىمەلەر ءنار بولىپ قابىلدانادى. ميدىڭ ويلاۋ جۇيەسى كوڭىل مالىمەتتەرىن ءناردىڭ بىرلىكتىك ءتۇيىنى ارقىلى قابىلدايدى. ءسات: رۋح كوڭىلى مەن مي جۇيەسىنىڭ بايلانىس تۋىندىسى. كوڭىل مالىمەتتەرى مي ۇيتقىسىنىڭ قوزعاۋىندا ءنار بولىپ قابىلدانعاننان كەيىن، مي جۇيەسىنىڭ جايعاستىرۋىمەن ميدىڭ ويلاۋ جۇيەسىندە ءسات بولىپ جازىلىپ ساقتالادى. ادامنىڭ كوڭىلدى، كوڭىلسىز كەشىرمەلەرى ءسات بولىپ ساقتالادى. ماسەلەن، ادامداردىڭ باسىنان كەشكەن ىستەرى، قىزىقتارى، كەزدەسۋلەرى ءسات بولىپ ساقتالادى. ميدىڭ ويلاۋ جۇيەسى كوڭىل مالىمەتتەرىن ءساتتىڭ بىرلىكتىك ءتۇيىنى ارقىلى جازىپ ساقتايدى. پەيىل: رۋح كوڭىلى مەن مي قابىلەتىنىڭ بايلانىس تۋىندىسى. كوڭىل مالىمەتتەرى مي جۇيەسىنىڭ جايعاستىرۋىندا ءسات بولىپ ساقتالعاننان كەيىن، مي قابىلەتىنىڭ وياتۋىمەن كوڭىل مالىمەتتەرى پەيىل بولىپ بەينەلەنەدى. پەيىل ادامداردىڭ ىڭكارى، قۇشتارى سياقتى كوڭىل-كۇيىن بەينەلەيدى. ماسەلەن، ادامداردىڭ پەيىلى تارتىپ، تۇسپەسى تۇسكەندە، سونداي قيىن جۇمىستاردى ءاپ-ساتتە وڭاي شەشىپ، تەز ارادا تىندىرادى. ميدىڭ ويلاۋ جۇيەسى كوڭىل مالىمەتتەرىن پەيىلدىڭ بىرلىكتىك ءتۇيىنى ارقىلى بەينەلەيدى. دەن: رۋح كوڭىلى مەن مي قىزمەتىنىڭ بايلانىس تۋىندىسى. مي قىزمەتىنىڭ ورنالاستىرۋىمەن كوڭىل مالىمەتتەرى دەن بولىپ قىزمەتىن وتەيدى. دەن ادامداردىڭ دەنساۋلىعى، كۇتىنۋى، ءوزىن رەتتى ۇستاۋى، تازا ءجۇرۋى سياقتى جاقتارمەن قاتىستى بولادى. ماسەلەن، كىنالى ءىس ىستەپ قويعان ادامدار جايبىراقات ۋاقىتتىڭ وزىندە ءبىر ءسات تىنىش وتىرا المايدى، ەڭ بولماعاندا تيق ەتكەن تىقىردان الاقىزىپ شوشيدى. جايشىلىقتا ولار تاماقتى تويىپ جەي المايدى، تۇندە مازاسىزدانىپ ۇيقىسى دا قاشادى. ميدىڭ ويلاۋ جۇيەسى كوڭىل مالىمەتتەرىن دەننىڭ بىرلىكتىك ءتۇيىنى ارقىلى قاجەتكە جاراتادى. قورتىپ كەلگەندە، كوڭىل مالىمەتتەرى ميدىڭ ويلاۋ جۇيەسىندە ءنار بولىپ قابىلدانادى، ءسات بولىپ جازىلىپ ساقتالادى، پەيىل بولىپ بەينەلەنەدى، دەن بولىپ قاجەتكە جارايدى.

  سانا مالىمەتى. ءتالىم: رۋح ساناسى مەن مي ۇيتقىسىنىڭ بايلانىس تۋىندىسى. سانا مالىمەتتەرى مي ۇيتقىسىنىڭ قوزعاۋىندا ميدىڭ ويلاۋ جۇيەسىنە ءتالىم بولىپ قابىلدانادى. ءتالىم ادامداردىڭ اق پەن قارا، دۇرىس پەن بۇرىس، وڭ مەن سول، جاقسى مەن جامان، شىن مەن جالعان، اۋىر مەن جەڭىل، اسىل مەن جاسىقتى پارىقتاۋ قابىلەتى. ماسەلەن، اتا-انالار بالالارىنىڭ دۇرىس، اقاۋسىز ءوسىپ جەتىلۋى ءۇشىن، ۇنەمى اقىلىن ايتىپ دۇرىس تاربيەسىن بەرەدى. ميدىڭ ويلاۋ جۇيەسى سانا مالىمەتتەرىن ءتالىمنىڭ بىرلىكتىك ءتۇيىنى ارقىلى قابىلدايدى. اقىل: رۋح ساناسى مەن مي جۇيەسىنىڭ بايلانىس تۋىندىسى. سانا مالىمەتتەرى مي ۇيتقىسىنىڭ قوزعاۋىمەن ءتالىم بولىپ قابىلدانعاننان كەيىن، مي جۇيەسىنىڭ جايعاستىرۋىندا اقىل بولىپ ساقتالادى. ادامنىڭ قابىلدايتىن اقىلى ءبىر-ءبىر تامشىدان قورلانىپ جينالاتىن اسىل قازىنا. ماسەلەن، كوپتى كورگەن دانالاردىڭ ءومىر بويى تىرناشتاپ جيعان اسىلدارى تۇگەپ بەرمەس كەن ىسپەتتى. ميدىڭ ويلاۋ جۇيەسى سانا مالىمەتتەرىن اقىلدىڭ بىرلىكتىك ءتۇيىنى ارقىلى جازىپ ساقتايدى. ار: رۋح ساناسى مەن مي قابىلەتىنىڭ بايلانىس تۋىندىسى. سانا مالىمەتتەرى مي جۇيەسىنىڭ جايعاستىرۋىندا اقىل بولىپ ساقتالعاننان كەيىن، مي قابىلەتىنىڭ وياتۋىمەن ار بولىپ بەينەلەنەدى. ار ادامداردىڭ ۇياتى، نامىسى، ادامدىق قاسيەتى، ازاماتتىق بەلگىسى. ماسەلەن، قوعامدا ادامداردىڭ ابىرويىن تىكتەپ، قادىرىن ساقتاپ ءجۇرۋى ءاربىر ادامنىڭ ازاماتتىق بورىشى. سول ءۇشىن ادامدار ءسوز-ارەكەتكە وتە ديقات ەتەدى. ويتپەگەندە، دورەكى ءسوز، وعاش قىلىقتار ادامنىڭ سارمايداي ساقتاپ كەلگەن ار-ۇياتىن ءبىر جولدا اپتەر-تاپتەرىن شىعارادى. ميدىڭ ويلاۋ جۇيەسى سانا مالىمەتتەرىن اردىڭ بىرلىكتىك ءتۇيىنى ارقىلى بەينەلەپ بەرەدى. ەس: رۋح ساناسى مەن مي قىزمەتىنىڭ بايلانىس تۋىندىسى. مي قىزمەتىنىڭ قاجەتىمەن سانا مالىمەتتەرى ەس بولىپ قىزمەتىن وتەيدى. ەس ادامداردىڭ سەرگەك، جاندى بولۋىنىڭ بەلگىسى. ماسەلەن، ەسى بار ادامدار الەۋمەتتىك ورىنداردا، ءتۇسىن سالىپ، ءوڭىن بۇزىپ، ارىن توكپەيدى، ءتىپتى سونداي قيىن سىندىق ساتتەرگە كەز بولعاندا دا اقىلعا جەڭدىرىپ سابىر ساقتاي الادى. ميدىڭ ويلاۋ جۇيەسى سانا مالىمەتتەرىن ەستىڭ بىرلىكتىك ءتۇيىنى ارقىلى قاجەتكە جاراتادى. قورتىپ كەلگەندە، سانا مالىمەتتەرى ميدىڭ ويلاۋ جۇيەسىندە ءتالىم بولىپ قابىلدانادى، اقىل بولىپ جازىلىپ ساقتالادى، ار بولىپ بەينەلەنەدى، ەس بولىپ قاجەتكە جارايدى.

  مىنەز مالىمەتى. ونەگە: رۋح مىنەزى مەن مي ۇيتقىسىنىڭ بايلانىس تۋىندىسى. مىنەز مالىمەتتەرى مي ۇيتقىسىنىڭ قوزعاۋىمەن ميدىڭ ويلاۋ جۇيەسىنە ونەگە بولىپ قابىلدانادى. ونەگە دەگەنىمىز ادامداردىڭ بويىنداعى وزگەلەردەن وزگەشە كورىنەتىن تاماشا، اسىل قاسيەتتەرىن كورسەتەدى. ادامدار باسقالاردىڭ ونەگەسىن قابىلداۋ ارقىلى ءوز كەمىستىگىن تولىقتايدى. ماسەلەن، ادامدار كۇن سايىن باسقالاردىڭ ارتىقشىلىقتارىن قابىلدايدى، ۇلىلاردىڭ اسىل قاسيەتتەرىن ۇيرەنەدى، شولپانداردىڭ ادەمى قىلىقتارىن ەلىكتەيدى، سونىمەن ءوز بويىنا بىرتىندەپ سىڭىرەدى. ميدىڭ ويلاۋ جۇيەسى مىنەز مالىمەتتەرىن ونەگەنىڭ بىرلىكتىك ءتۇيىنى ارقىلى قابىلدايدى. داعدى: رۋح مىنەزى مەن مي جۇيەسىنىڭ بايلانىس تۋىندىسى. مىنەز مالىمەتتەرى مي ۇيتقىسىنىڭ قوزعاۋىمەن ونەگە بولىپ قابىلدانعاننان كەيىن، مي جۇيەسىنىڭ جايعاستىرۋىمەن ميدىڭ ويلاۋ جۇيەسىندە داعدى بولىپ جازىلىپ ساقتالادى. داعدى ادامداردىڭ ۇنەمىلىك شۇعىلدانىپ جۇرەتىن ىستەرىنە دەگەندەي قانىق بولاتىندىقتان، سول ءىستى كۇردەلى ويلانباي-اق، ءوزىنىڭ داعدىلانعان ادەتىنە باسىپ، ءىسىن شەبەرلىكپەن جۇرگىزە بەرەتىن حادەتىن كورسەتەدى. ماسەلەن، قار شاڭعى، مۇز شاڭعىنى العاش ۇيرەنۋشىلەر كوپ ماشىق جاساۋ ارقىلى، قار شاڭعى نەمەسە مۇز شاڭعىنىڭ ارەكەت زاڭدىلىعىنا جاتىلىپ، ۇيرەنشىكتى داعدى قالىپتاستىرادى، سونان بارىپ قار شاڭعى نەمەسە مۇز شاڭعىنى ەمەن-ەركىن مەڭگەرەتىن بولادى. ميدىڭ ويلاۋ جۇيەسى مىنەز مالىمەتتەرىن داعدىنىڭ بىرلىكتىك ءتۇيىنى ارقىلى جازىپ ساقتايدى. باپ: رۋح مىنەزى مەن مي قابىلەتىنىڭ بايلانىس تۋىندىسى. مىنەز مالىمەتتەرى مي جۇيەسىنىڭ جايعاستىرۋىمەن داعدى بولىپ ساقتالعاننان كەيىن، مي قابىلەتىنىڭ وياتۋىندا باپ بولىپ كورىنەدى. باپ ادامداردىڭ نازىك قاسيەتى بولىپ، ونىڭ ءالسىز بۋىنى نەمەسە تالماۋ جەرى بولادى، وسى ءالسىز بۋىنى نەمەسە تالماۋ جەرى ادامدار مىنەزىندە باپ تالعايدى. ماسەلەن: ادام مىنەزىنىڭ بابى كۇشتى كەلەدى، ياعىني مىنەز باپقا بىتەدى. قالاي تاربيەلەسەڭ سولاي جەتىسەدى. بۇل قۇتتى باعبانشىنىڭ اعاشتىڭ قىڭىر-قيسىق وسكەن بۇتاقتارىن ۇنەمىلىك قىرقىپ باپتاۋىمەن ۇقساس ءىس. باعبانشى اعاش بۇتاقتارىن قالاي قىرقىپ جوندەسە، قىرقىلعان اعاش باعبانشىنىڭ كۇتكەنىندەي بولىپ تولىسىپ وسەدى. ميدىڭ ويلاۋ جۇيەسى مىنەز مالىمەتتەرىن باپتىڭ بىرلىكتىك ءتۇيىنى ارقىلى بەينەلەيدى. پيعىل: رۋح مىنەزى مەن مي قىزمەتىنىڭ بايلانىس تۋىندىسى. مي قىزمەتىنىڭ قاجەتىمەن مىنەز مالىمەتتەرى پيعىل بولىپ قىزمەتىن وتەيدى. پيعىل ادامداردىڭ نارسەلەرگە ۇستانعان پوزيتسياسى. ادامداردىڭ ءار نارسەگە ۇستايتىن پوزيتسياسى ۇقساس بولا بەرمەيدى. ادامدار ءبىر نارسەگە جىلى پوزيتسيا ۇستاسا، ەكىنشى ءبىر نارسەگە وتە قاتقىل كەلەدى. ماسەلەن، ادامدار ءوزى ۇناتاتىن ادامدارىنا جىلى قاباقپەن قارايدى، ال ۇناتپاعان ادامدارىنا جاراتپاعان بەينە كورسەتەدى. ميدىڭ ويلاۋ جۇيەسى مىنەز مالىمەتتەرىن پيعىلدىڭ بىرلىكتىك ءتۇيىنى ارقىلى قاجەتكە جاراتادى. قورتىپ كەلگەندە، مىنەز مالىمەتتەرى ميدىڭ ويلاۋ جۇيەسىنە ونەگە بولىپ قابىلدانادى، داعدى بولىپ جازىلىپ ساقتالادى، باپ بولىپ بەينەلەنەدى، پيعىل بولىپ قاجەتكە جارايدى.

جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.