- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاس استانا − استانا قالاسىنا ساپار
ءتىلشىمىز جۋ ميڭجۇن
2014.03.21 16:40 كەلۋ قاينارى : ءتاڭىرتاۋ تورابى
شينجياڭدىقتاردىڭ قازاقستاندى ءبىلۋى كوبىندە الماتى قالاسىنان باستاۋ العان. الايدا قازاقستاننىڭ قازىرگى استاناسى − استانا قالاسى اۋىزعا الىنعاندا ونى شىنىمەن بىلەتىندەر بالكىم از بولار. شينجياڭ گازەتى مەكەمەسىنىڭ «ورتاق جىبەك جولى» «جىبەك جولى ەكونوميكالىق بەلدەۋى» حابارلاۋ گرۋپپاسىنداعىلار 10 - ناۋرىز كۇنى الەمدەگى ەڭ جاس مەملەكەت استاناسى − استانا قالاسىنا ات باسىن بۇرىپ، بۇل ارانىڭ دامۋى مەن وزگەرىسىنە كۋا بولدى.
استانا قالاسى قازاقستان رەسپۋبليكاسىنىڭ جاڭا استاناسى، «سولتۇستىك استانا» دەپ تە اتالادى، بۇرىنعى اتى اقمولا، كەزىندە ەۆروپاعا جانە رەسەيگە باراتىن ماڭىزدى قالاشىق بولاتىن. 1997 - جىلى استانا كوشىرۋ جونىندە ۇيعارىم جاسالعاننان كەيىن، اتى «استانا» دەپ وزگەرتىلگەن.
استانا قالاسىنىڭ بىزگە قالدىرعان تۇڭعىش اسەرى: جاس ءارى ومىرشەڭدىك كۇشكە تولى، كوپ نەگىزدى، ءتۇرلى مادەنيەت فاكتورى شوعىرلانعان قاسيەتى بولدى. استانا قالاسىنىڭ كوشەلەرىن ارالاساڭىز، قۇرىلىستارىنىڭ ەۆروپانىڭ ءىرى قالالارىنان قالىسپايتىنىن بايقايسىز. ەڭسەلى دە ساۋلەتتى مەشىتتەر، ايبىندى حريستيان شىركەۋلەرى، جۇڭگونىڭ ءزاۋلىم مۇناراشا عيماراتتارى سياقتى تۇرلىشە قۇرىلىس سلوبى وسى ەلدىڭ مادەنيەتىنىڭ كوپ نەگىزدىگىن، دارقاندىعىن ايگىلەدى.
مول جاراتىلىستىق بايلىققا سۇيەنىپ، قازاقستاننىڭ ەكونوميكاسى جەدەل دامىپ، استانا قالاسى دامۋ ۇستىندەگى قازاقستاننىڭ سيمۆولىنا اينالدى. قالا رايونىنان حالىقارالىق اۋەجايعا بارا جاتقان جولدا ەسىل وزەنىنىڭ سول جاق جيەگىندەگى ەكونوميكالىق اشۋ رايونىن جانە بوي كوتەرگەن قۇرىلىس شوعىرىن كورەسىز. بۇلار وسى قالانىڭ شەكسىز ومىرشەڭدىك كۇشكە يە بۇگىنگى تاڭىن ايگىلەۋمەن بىرگە، قالانىڭ جارقىن بولاشاعىن دا اڭعارتىپ وتىرعانداي.
تىلشىلىك جۇمىسىمىزعا جاقىننان كومەكتەسىپ شوفەر بولعان اسقار 10 جىلدىڭ الدىندا ىلە قازاق اۆتونوميالى وبلىسىنىڭ كۇنەس اۋدانىنان استانا قالاسىنا كەلگەن ەكەن. ول بىزگە: «استانانىڭ جاعدايىن بىلۋدە، اۋەلى، ازىق - تۇلىگىمەن تانىسۋ كەرەك. حالىقتارى تۇرمىستان ءلاززاتتانۋدى بىلەدى، اسىرەسە، تاماقتان ەشتەمەسىن ايامايدى. العاش كەلگەندە تۇرمىس ادەتىنە بىردەن ۇيلەسە المادىم. ءبىر ۇيدە 4 جان سانى بار ءبىز سياقتى شاڭىراقتىڭ ءبىر قىس جەيتىن ازىعىن بىزبەن جان سانى ۇقساس ءبىر ءۇيلى جان ءبىر ايدا - اق جەپ تاۋىسادى. كوشەدەگى ادامداردى قاراساڭىز بىرىنەن - ءبىرى وتكەن سەمىز، - دەدى.
اسقار ءبىزدى الدىمەن جەمىس - جيدەك تولايىم بازارىنا ەرتىپ باردى. قىستا بۇل ارادا ادامنىڭ قاراسى از ەكەن. تولايىم دۇكەندەرىنەن اۆتوكولىككە جەمىس - جيدەك تيەپ جاتقان ادامداردى كورەسىز. جەمىس - جيدەكتەر جاھاننىڭ جەر - جەرىنەن كەلەدى ەكەن. ۇعىسۋعا قاراعاندا، بۇل ارادا جۇڭگونىڭ الماسى، بانانى، برازيليانىڭ جاڭعاعى، مالايزيانىڭ اناناسى، ت. ب لار بار ەكەن. ءتۇستى قىزىل بۇرىشتىڭ دا جەمىس - جيدەك رەتىندە تولايىم ساتىلىپ جاتقانىن بايقاپ، سۇراستىرا كەلسەك شينجياڭنان اكەلىنگەن ەكەن، ساۋداسى دا جاقسى كورىنەدى.
استانالىقتار تاماقتانۋعا، قورشاعان ورتانى قورعاۋعا، ورتا تازالىعىنا ەرەكشە ءمان بەرەدى. مەيلى كوكونىس، جەمىس - جيدەك بازارى، الدە سيىر، قوي ەتى، پىسقان تاعامدار بازارى بولسىن، تازالىعى ەرەكشە قاتاڭ ۇستالادى. تاۋارلار بازارعا كىرۋدەن بۇرىن قاتاڭ تەكسەرىلەدى، تاۋارلار ساتىلۋ بارىسىندا دا تازالىعىن تەكسەرۋگە ارناۋلى جاۋاپتى قىزمەتكەرلەر تەكسەرۋ جۇرگىزىپ وتىرادى. ازىق - تۇلىك ساتاتىنداردىڭ تۇگەلدەي اق حالات كيىپ، قاريدارلارعا ىقىلاسپەن قىزمەت وتەپ جاتقانىن كوردىك. بۇل اراداعى ساۋداگەرلەر كوپ ۇلتتان قۇرام تاپقان، جەرگىلىكتى قازاقتار، سونىمەن بىرگە ورىس، وزبەك، تاجىك، كورەيلەر دە بار ەكەن.
ءتىلشى كيىم - كەشەك تولايىم بازارىنادا باردى، ءتىل جاعىنداعى فاكتوردى ەسكەرمەگەندە، قۇددى شينجياڭداعى بەلگىلى ءبىر كيىم - كەشەك تولايىم بازارىندا جۇرگەندەي كۇي كەشەدى ەكەنسىز، مۇنداعى سان الۋان كيىمدەر، نەگىزىنەن، ورتان قول ونىمدەر كورىندى، بىزگە شوفەر جانە اۋدارماشى بولىپ جاقىننان جاردەمدە بولىپ جۇرگەن اسقار بۇل كيىم - كەشەكتەردىڭ جۇڭگودان اكەلىنەتىندىگىن، كوبىنىڭ جۇڭگو شينجياڭىنان الماتىعا جەتكىزىلەتىندىگىن ايتتى.
ارينە، استاناداعى ۋاكىلدىك سيپاتقا يە قۇرىلىس − «حان شاتىرى» ساۋدا، كوڭىل اشۋ ورتالىعىنا بارا قالعانىڭىزدا، ايقىن پارىقتى بايقاي الاسىز. حان شاتىرى ءداۋىر اعىمىن، سونداي - اق استانا حالقىنىڭ تۇرمىستان ءلاززات الاتىن داعدىسىن ايگىلەپ تۇرعانداي ەدى. اتالعان قۇرىلىستى ۇلى بريتانيالىق ايگىلى ساۋلەتشى نورمان فوستەر جوبالاعان، قۇرىلىسقا قازاقستان، رەسەي، تۇركيا، ۇلى بريتانيا، گەرمانيا ەلدەرىنىڭ سەرىكتەستىكتەرى ات سالىسىپ، قۇرىلىس جۇمىسىنا 5 جىل ۋاقىت جۇمسالعان. 95 مەتر بيىكتىكتەگى حان شاتىرىنىڭ ىشىندە دۇنيە جۇزىندەگى ايگىلى ونىمدەردەن سىرت، كينوحانا، شاعىن گولف دوپ الاڭى، بالالار ويىن الاڭى جانە دەنە تاربيە، كوڭىل اشۋ قۇرىلعىلارى ورناتىلعان. حان شاتىرىنىڭ توبەسى ەرەكشە ءمولدىر ماتەريالدان جاسالعان، توبەدەن نۇرى تىكە ءتۇسىپ، قىستىڭ قاقاعان ايازىندا دا سارايعا جىلى شۋاق شاشىپ تۇرادى ەكەن.
اسقار قازاقستان ەلىندە اۆتوكولىكسىز جۇرۋگە بولمايتىندىعىن ايتتى، سەبەبى، قازاقستاندا جانار مايدىڭ ءار ليترىنىڭ باعاسى ەلىمىزدىڭ تەڭ جارتىسىنداي عانا، باعاسى ارزان، سوندىقتان استاناداعى تۇرعىندار وتباسىندا، كەم دەگەندە، بىردەن اۆتوكولىك بولادى، ول تۇرمىسقا قولايلىلىق اپەرۋدىڭ سىرتىندا، ءبىر ءتۇرلى تۇرمىس داعدىسىنا اينالعان، مەرەكە، مەيرامداردا استانالىقتار اۆتوموبيلدەرىن ايداپ، تۇرمىستان ءلاززات الۋعا قۇشتار.
استانا كوشەسىندە جۇرگەنىڭىزدە دەنە تاربيە سارايى، تەاترحانا، مۋزيكا سارايى، كورمە سارايى، مۇراجاي، اسەمونەر سارايى سياقتى وسى زامانعى قۇرىلىستار بىردەن كوزگە تۇسەدى، استانا حالقى تابيعات انا سيلاعان مول ماتەريالدىق بايلىقتان يگىلىكتەنۋدەن سىرت، ولاردىڭ رۋحاني قاجەتى دە قاناعات تاپتى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
