- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو - قازاقستان قورعاس حالىقارالىق شەكارا سەلبەستىك ورتالىعى جەدەل دامىدى
2014.03.25 13:41 كەلۋ قاينارى : ءتاڭىرتاۋ تورابى
جۇڭكى حالىقارالىق ساۋدا ورتالىعىنىڭ باس مەڭگەرۋشىسى پۋ ميڭحۋا كاسىپورىننىڭ تيجارات جاعدايىنا ايالداعاندا قۋانا: جۇڭگو - قازاقستان قورعاس حالىقارالىق شەكارا سەلبەستىك ورتالىعىنىڭ جەدەل دامۋىنا ساي، سەرىكتەستىگىمىزدىڭ شارۋاشىلىق جاعدايى جاقسارا ءتۇستى. 1 - مەرزىمدىك قۇرىلىستا سالىنعان 660 ساۋدا دۇكەنىنىڭ %80ى مايعا بەرىلدى، قازىرگە دەيىن ىرگە تەپكەن ساۋدا كاسىپورنى 500دەن استى، تاۋار تۇرلەرى مول، ساۋدامىز كۇسەتتەنە ءتۇستى، - دەدى.
جۇڭكى حالىقارالىق ساۋدا ورتالىعىنىڭ قۇرىلىسى 2012 - جىلى ساۋىردە باستالعان، سەلبەستىك ورتالىعىندا تۇڭعىش توپتا قۇرىلىس باستاعان نىسانداردىڭ ءبىرى، 2013 - جىلى 15 - قىركۇيەكتە قالىپتى تيجاراتىن باستاعان. پۋ ميڭحۋا: قىسقا عانا ءبىر جىلدا نىسان قۇرىلىستارىن سالۋ، ساۋداگەر شاقىرىپ، جۇمىس جۇرگىزۋ قىزمەتتەرى اياقتالدى، مۇنى سەلبەستىك ورتالىعىنىڭ قارىشتاپ دامىعان ومىرشەڭدىك كۇشىنەن بولە قاراۋعا بولمايدى، - دەدى.
سەلبەستىك ورتالىعى جۇڭگو - قازاقستان ەلدەرىنىڭ باسشىلارى تانىم بىرلىگىنە كەلگەن مەملەكەتتىڭ ستراتەگيالىق نىسانى ءارى جۇڭگونىڭ ەل اتتاپ قۇرعان تۇڭعىش ەكونوميكا، ساۋدا، قارجى قوسۋ سەلبەستىك ورتالىعى. اتالعان ورتالىق جۇڭگو - قازاقستان شەكاراسىندا. 2006 - جىلى ماۋسىم ايىندا قۇرىلىس باستالعاننان بەرى جۇڭگو - قازاقستان ەلدەرى جەكە - جەكە ورتالىقتىڭ جۇمىس جۇرگىزۋ تۇلعاسىن قۇرىپ، قاتىستى جوبالاۋ جۇمىستارىن اياقتاتتى ءارى ساۋداگەر شاقىرۋ كەزەڭىنە قادام تاستادى. 2012 - جىلى 18 - ساۋىردە كەدەندىك جابىق تيجارات جۇرگىزدى.
مەملەكەت سەلبەستىك ورتالىعىنا، سونداي - اق سايكەستى رايوندارىنا ەرەكشە تيىمدىلىك ساياسات جاساپ، ەلىمىز قازىر اتقارىپ وتىرعان ەكسپورت ونىمدەردى مانەرلەۋ رايونىنا جانە باجىسىز اۋماققا قاراتىلعان وزەكتى ساياساتتى وعان شوعىرلاندىردى: ەلىمىزدەن اتالعان ورتالىققا كىرگەن نەگىزدىك قۇرىلعىلار قۇرىلىسىنا پايدالانىلاتىن زاتتىق ماتەريالدار مەن ورتالىقتاعى كاسىپورىنداردىڭ مەنشىكتى جابدىقتارىنان الىناتىن باجى ەكسپورت ساۋدا ساياساتى بويىنشا قايتارىلدى؛ كاسىپورىندار قازاقستاننان نەگىزدىك قۇرىلعىلار قۇرىلىسىنا پايدالانىلاتىن زاتتىق ماتەريالداردى جانە رايون ىشىندەگى قۇرىلعىلارعا قاجەتتى جابدىقتارىن يمپورت ەتىپ، اتالعان ورتالىقتىڭ جۇڭگو وڭىرىنە كىرگىزسە باجىسىز اۋماق ساياساتى بويىنشا كەدەن باجىسى جانە يمپورت بۋىنىنداعى ارتقان قۇن باجىسى الىنبادى؛ ساياحاتشىلار اتالعان ورتالىقتان ەلىمىز شەكاراسىنا كىرسە ءار ادام كۇنىنە ءبىر جولدا 8000 يۋاندىق قۇنعا يە باجى الىنبايتىن بۇيىمداردى الىپ كەتۋىنە بولدى...
وسى تيىمدىلىك ساياساتتاردىڭ شىعارىلۋىنا بايلانىستى سەلبەستىك ورتالىعى ساۋدا، زات اينالىمى، فينانس، ساياحات، ءماجىلىس - كورمە سياقتى ءتۇيىندى كاسىپتەردى كۇش سالا دامىتىپ، جۇڭگو مەن قازاقستان سەلبەستىك ورتالىعىنىڭ يمپورت - ەكسپورت تاۋارلار كورمەسى، كوكتەمگى ساپار ۇلتتىق سالت - سانا ساياحات مەرەكەسى سياقتى قيمىلداردى تابىستى وتكىزدى.
قازىر سەلبەستىك ورتالىعىنا تاۋار كورمەسى، جۇلدىز دارەجەلى قوناق ساراي، اس - سۋ، كوڭىل اشۋ، ساۋدا قۇرىلعىسى، فينانستىق قىزمەت وتەۋ سالالارىن قامتىعان 22 ءتۇيىندى نىسان ىرگە تەۋىپ، 14 نىسان قۇرىلىس باستادى، بۇعان قوسىلعان قارجى 23 ميلليارد 450 ميلليون يۋانعا جەتىپ، 6 ساۋدا نىسانىنىڭ قۇرىلىسى ىسكە قوسىلىپ، 405 دۇكەن ىرگە تەپتى.
ۇعىسۋعا قاراعاندا، 2013 - جىلى سەلبەستىك ورتالىعىنان كىرىپ - شىققاندار 429 مىڭ ادامعا (رەت)، اۆتوكولىكتەر 100 مىڭ 900گە (رەت)، زاتتىق ماتەريال 809 مىڭ تونناعا جەتىپ، ساۋدا سوماسى 300 ميلليون دوللاردان اسقان. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
