بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

قازاقستاندا پرەزيدەنت سايلاۋى وتكىزىلدى

2015.04.27 14:12     كەلۋ قاينارى : حالىق تورابى


  حالىق گازەتى، 26 – ءساۋىر، الماتى. (حۋاڭ ۋەندي) قازاقستاندا 26 – ساۋىردە پرەزيدەنت سايلاۋى وتكىزىلدى، حالىق قازىرگى پرەزيدەنت نازاربايەۆ قاتارلى ءۇش كانديداتقا داۋىس بەردى. سايلاۋدا قازاقستاندا ەل ءىشى –سىرتىنان بولىپ 9700 سايلاۋ ۋچاسكەسى دايىندالىپ، 9 ميلليون 500 مىڭنان استام سايلاۋشى تىركەۋگە الىندى.

  گازەتىمىز ءتىلشىسى الماتىداعى 379 – ءنومىرلى سايلاۋ ۋچاسكەسىنە بارىپ كوزدەن كەشىردى. بۇل سايلاۋ ۋچاسكەسى قالاداعى بەلگىلى ورتا مەكتەپكە ورنالاستىرىلعان، سايلاۋ ۋچاسكەسىندە سايلاۋشىلار كەزەكپەن، ءتارتىپتى تۇردە داۋىس بەردى. سايلاۋ اۋماعىنىڭ جاۋاپتىسى كارىپوۆا تىلشىگە بۇل سايلاۋ اۋماعىنان 2990 ادامنىڭ داۋىس بەرۋگە تىركەلگەنىن، جۇرتشىلىق داۋىس بەرۋدە قىزعىندى بولعانىن ايتتى.

  3 كانديدات مىنالار: «نۇر ورتان» حالىقتىق دەموكراتيالىق پارتياسى ۇسىنعان كانديدات، قازىرگى پرەزيدەنت نازاربايەۆ، قازاقستان كوممۋنيستىك – حالىقتىق پارتياسى ورتالىق كوميتەتىنىڭ باس سەكراتارى سىزدىقوۆ، قازاقستان كاسىپوداقتار فەدەراتسياسىنىڭ ءتوراعاسى قۇسايىنوۆ.

  ەۆروپا حاۋىپسىزدىك ۇيىمى، تاۋەلسىز ەلدەر دوستاستىعى، شاڭحاي ىنتىماقتاستىق ۇيىمى قاتارلى حالىقارالىق ۇيىمدار مەن 30 نەشە مەملەكەتتەن كەلگەن مىڭنان استام حالىقارالىق باقىلاۋشىلار سايلاۋدى سىرتتاي باقىلادى. قازاقستان سايلاۋ زاڭى بويىنشا، جالپى سايلاۋشىلاردىڭ %50تەن استامىنىڭ داۋىسىنا يە بولعان كانديداتتىڭ پرەزيدەنتتىكە سايلانۋ تولىمدىلىعى بولادى؛ ەگەر كانديداتتاردىڭ ەشقايسى %50تەن استام داۋىسقا يە بولا الماسا، وندا ەڭ كوپ داۋىسقا يە بولعان ەكى كانديداتقا ەكىنشى رەت داۋىس بەرىلىپ، ەڭ كوپ داۋىسقا يە بولعان كانديدات جەڭىسكە جەتكەن ەسەپتەلەدى.

  حالىق تورابى، 27 - ءساۋىر، بەيجيڭ. قازاقپاراتتىڭ حابارلاۋىنشا، قازاقستان ورتالىق سايلاۋ كوميسسياسىنىڭ ءتوراعاسى قۋاندىق تۇرعانقۇلوۆ: سايلاۋدىڭ الدىن - الا ناتيجەلەرىنە قاراعاندا، نۇرسۇلتان ءابىش ۇلى نازاربايەۆ 97.7 پايىز، ءابىلعازى قالياكپار ۇلى قۇسايىنوۆ 0.7 پايىز، تۇرعىن ىسقاق ۇلى سىزدىقوۆ 1.6 پايىز داۋىسقا يە بولدى، - دەگەن.

  الدا ءارقايسى وبلىستار مەن استانا جانە الماتى قالالارىنان كەلىپ تۇسكەن حاتتامالارعا ساي، ەڭ سوڭعى دەرەكتەر ناقتىلاناتىن بولادى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.