مىڭ جيانجۋ، گو شىڭكۇندەر جەكە – جەكە قازاقستان مەملەكەتتىك حاۋىپسىزدىك كوميتەتىنىڭ ءتوراعاسى ابىقايەۆبەن كەزدەسىپ، كەڭەس وتكىزدى

2015.11.05 16:01   كەلۋ قاينارى : حالىق تورابى

　　حالىق تورابى، 5 – قاراشا، بەيجيڭ. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ساياسي- زاڭ كوميتەتىنىڭ شۋجيى مىڭ جيانجۋ 4 – قاراشا كۇنى دياۋيۇيتاي مەملەكەتتىك مەيمانسارايىندا قازاقستان مەملەكەتتىك حاۋىپسىزدىك كوميتەتىنىڭ ءتوراعاسى ابىقايەۆبەن كەزدەستى.

　　مىڭ جيانجۋ: ەكى مەملەكەت باسشىلارىنىڭ تىكەلەي جەبەۋىمەن، جۇڭگو مەن قازاقستاننىڭ جان – جاقتىلى ستراتەگيالىق سەرىكتەستىك قاتىناسى بارعان سايىن جەدەل دامۋدا. جۇڭگو جاق قازاقستانمەن زاڭ اتقارۋ، اماندىق تاراۋلارىمەن بولعان سەلبەستىكتى ونان ارى كۇشەيتىپ، «ءۇش ءتۇرلى كۇشكە» سوققى بەرۋ، ەسىرتكى ساۋدالاۋ قىلمىسكەرلەرى قاتارلى مەملەكەت اتتاعان ۇيىمدى تۇردەگى قىلمىستىق توپقا سوققى بەرۋ جاعىنداعى ىستەستىك ورەسىن ۇزدىكسىز جوعارىلاتۋ ارقىلى، ەكى مەملەكەتتىڭ دامۋى مەن جىبەك جولى ەكونوميكا بەلدەۋىن كوركەيتۋگە تاماشا ورتا جاراتۋدى قالايدى،-دەدى.

　　سول كۇنى، مەملەكەتتىڭ كەڭەستىڭ مۇشەسى، قوعام حاۋىپسىزدىك مينيسترى گو شىڭكۇن بەيجيڭدە ابىقايەۆبەن كەڭەس وتكىزدى. گو شىڭكۇن: ەكى جاقتىڭ ەكى مەملەكەت باسشىلارىنىڭ كەلىسىمگە كەلگەن ورتاق پىكىرىن مۇقيات تياناقتاندىرىپ، زاڭ اتقارۋ مەن اماندىق قورعاۋ جاعىنداعى ىستەستىكتى ءتىپتى دە كۇشەيتىپ، ەكى مەملەكەت پەن وڭىرلەردىڭ حاۋىپسىزدىگى مەن ورنىقتىلىعىن قورعاپ، جىبەك جولى ەكونوميكالىق بەلدەۋ قۇرىلىسى مەن قازاقستان جاقتىڭ «نۇرلى جول» جاڭا ەكونوميكا ساياساتىن ۇشتاستىرۋدى جەدەلدەتۋدى ءۇمىت ەتەتىندىگىن ءبىلدىردى.

　　كەلۋ قاينارى: حالىق تورابى