- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قازاقستان ەكونوميكانى جانداندىرۋ ءۇشىن ءبىر توپ شارالاردى ورتاعا قويدى
2015.12.21 13:54 كەلۋ قاينارى : حالىق تورابى
حالىق تورابى، 21 – جەلتوقسان، بەيجيڭ. قازاقستان پرەزيدەنتى نازاربايەۆ جۋىردا سويلەگەن سوزىندە قازاقستاننىڭ دۇنيە ءجۇزى ەكونوميكاسىنىڭ تۇرالاۋىنىڭ ىقپالىنا ۇشىراپ وتىرعاندىعىن اتاپ كورسەتىپ، قازاقستان ۇكىمەتىنىڭ داعدارىسقا قارسى شارالاردى دايىنداپ بولعانىن باسا دارىپتەدى.
جۋىرداعى جىلداردان بەرى، بەلسەندى دە ورنىقتى قازىنالىق ساياساتتىڭ ارقاسىندا قازاقستان ەكونوميكاسى جەدەل دامىپ، حيميا ونەركاسىبى، جاساۋ كاسىبى قاتارلى سالالاردا ءونىم قۇنى 5 جىل ىشىندە زور مولشەردە ارتتى، 2014 – جىلى قازاقستاننىڭ ەل ءىشى ءوندىرىسى جالپى ءونىم قۇنى جان باسىنا ورتا ەسەپپەن 12 مىڭ ا ق ش دوللارىنان تۋرا كەلدى. دۇنيە جۇزىلىك ەكونوميكا تالقىسى قىركۇيەكتە جاريالاعان دۇنيە جۇزىندەگى ەلدەردىڭ باسەكەلىك قۋاتى قاتارىندا قازاقستان 42 – ورىنعا جايعاسىپ، تاريحتاعى ەڭ جوعارى ورەنى جاراتتى. قازاقستان بيىل دۇنيە جۇزىلىك ساۋدا ۇيىمىنا مۇشە بولىپ قابىلدانىپ، شەتەل قارجىسىن باۋراپ، ەكونوميكانى دامىتۋعا اناعۇرلىم ويداعىداي وراي جاراتتى.
الايدا، دۇنيە جۇزىلىك ەنەرگيا بازارىنىڭ تۇرالاۋى قاتارلى سەبەپتەرمەن 2015 – جىلى قازاقستان ەكونوميكاسىندا داعدارىس تۋىلدى، قازاقستان ۋاليۆتاسى ــ تەڭگەنىڭ باعامى جارتى جىل ىشىندە %50تەن استام قۇلدىرادى، مەملەكەتتىڭ التىن جانە شەتەل اقشاسى قورى دا نەداۋىر ازايدى. وسىنداي كۇردەلى جاعدايدا، نازاربايەۆ 30 – قاراشادا 2016 – جىلعا ارناپ، «قازاقستان جاھاندىق جاڭا جاعداي تۇسىندا: ارتتىرۋ، رەفورما جاساۋ، دامۋ» دەگەن تاقىرىپتا حالىققا جولداۋىن جاريالادى، جولداۋدا ەكونوميكالىق داعدارىسقا توتەپ بەرۋ شارالارىن وزەكتى مازمۇن ەتتى.
نازاربايەۆ قازاقستاننىڭ ەكونوميكادا قول جەتكىزگەن تابىستارىن تولىق تۇراقتاندىرۋمەن بىرگە، كوز الداعى ەكونوميكالىق جاعداي جونىندە مىناداي 5 ءتۇرلى رەفورما شاراسىن ورتاعا قويدى: فينانستى ورنىقتىرۋ، قازىنا ساياساتىن كەمەلدەندىرۋ، جەكەشەلەندىرۋدى جانە ەكونوميكانىڭ باسەكەگە قۋاتتىلىعىن ىلگەرىلەتۋ، شەتەل قارجىسىن باۋراۋ تەبىنىن ارتتىرۋ، قوعامدىق يگىلىكتى جاقسارتۋ. مەملەكەت كىرىسى ازايعاندىقتان، قازاقستان ۇكىمەتى مەجە ەسەپتى ىقشامداپ، قارجىلاندىرۋ ونىمدىلىگىن جوعارىلاتادى. باسەكەنى ىلگەرىلەتۋ ءۇشىن مەملەكەت الدا ارناۋلى زاڭ جاساپ، مونوپوليالاۋعا قارسى باقىلاۋدى كۇشەيتەدى، باجى الىناتىن وبيەكتىلەردى ازايتىپ، ورتاشا، شاعىن كاسىپورىنداردى سۇيەمەلدەۋدى كۇشەيتەدى. نازاربايەۆ قازاقستان ۇكىمەتىنىڭ الداعى 10 جىل ىشىندە ەكونوميكانىڭ ارتۋ قارقىنىن %5 اينالاسىندا ساقتاپ، 660 مىڭ قىزمەت ورنىمەن قامدايتىنىن ايتتى.
حالىققا جولداۋ جاريالانعاننان كەيىن، قازاقستان جۋىردا «مەملەكەتتىك ساتىپ الۋ زاڭى» «باجى ىستەر زاڭىنا وزگەرىس ەنگىزۋ جوباسى» قاتارلى زاڭدارعا ارت – ارتىنان قول قويدى. ال، قازاقستان پرەمەر – مينيسترى كارىم ءماسىموۆ جۋىردا ۇكىمەت قىزمەتى ءماجىلىسىن باسقارىپ اشىپ، «قازاقستان ۇكىمەتىنىڭ 2016 ~ 2018 – جىلدارداعى داعدارىسقا قارسى جوسپارىن» ماقۇلداپ، ەكونوميكالىق داعدارىسقا توتەپ بەرۋ جونىندە ىشكەرىلەي ورنالاستىرۋ جاسادى. قازاقستان حالىق شارۋاشىلىعى مينيسترى دوسايەۆتىڭ ايتۋىنشا، داعدارىسقا توتەپ بەرۋ جوسپارى ەكى ءبولىمدى قامتيدى: ونىڭ ءبىرى، حالىققا جولداۋدا ايتىلعان داعدارىسقا توتەپ بەرۋدىڭ بەس ءىرى باعدارى بولسا، ەندى ءبىرى، ەكونوميكانىڭ ارتۋىنا كەپىلدىك ەتۋ مەن قارىز الۋعا شابىتتاندىرۋ ءۇشىن جاسالعان ءتۇرلى شارالاردى تياناقتاندىرۋ بولىپ تابىلادى.
قازاقستان الماتى KIMEP ۋنيۆەرسيتەتىنىڭ پروفەسسورى تولەشوۆتىڭ حالىق گازەتىنىڭ سۇحباتىن قابىلداعاندا ايتۋىنشا، قازاقستان ۇكىمەتى ورتاعا قويعان ءبىرقىدىرۋ رەفورما شارالارى قازاقستان ەكونوميكاسىندا قازىر ساقتالىپ وتىرعان ماسەلەلەردى كورسەتتى، بۇل ماسەلەلەردى شەشۋ ءۇشىن شىعارىلعان قاتىستى شارالار مەملەكەتتىڭ نەگىزگى جاعدايىنا ۇيلەسەدى. ەگەر وسى ساياساتتار دايەكتى تياناقتاندىرىلسا، قازاقستان ەكونوميكاسىندا بۇرىلىس جاساۋدى جەبەپ، قازىرگى كەزەڭدەگى مەملەكەت ەكونوميكاسى ەنەرگيا سالاسىنا قالىپتان تىس ارقا سۇيەگەن جاعدايدان ارىلۋعا بولادى. (گازەتىمىزدىڭ 20 – جەلتوقساندا الماتىدان بەرگەن حابارى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
