- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
حالىقارالىق مەديتسينالىق قىزمەت وتەۋ «ءبىر بەلدەۋ، ءبىر جول» جەلىسىندە وتە ءوتىمدى بولۋدا
2016.05.26 10:43 كەلۋ قاينارى : شينجياڭ گازەتى
جاقىندا قازاقستاننان ۇرىمجىگە ارنايى ەمدەلۋگە كەلگەن ءۇمىت: مۇنداعى شيپاحانانىڭ جاعدايى جاقسى، شيپاگەرلەردىڭ دەڭگەيى دە جوعارى ەكەن، تىلدەن دە، تاماقتان دا قينالمادىم، - دەپ ءۇرىمجىنىڭ اۋا رايى مەن تاعامىنىڭ وزىنە ۇناعانىن ايتتى.
شينجياڭ مەديتسينا ۋنيۆەرسيتەتىنە قاراستى 1 - شيپاحانادا ەمدەلىپ جاتقان ءۇمىتتىڭ اياعى اۋىرعالى ءبىر تالاي جىل بولىپتى، جەل - قۇز رەۆماتيزمى دەپ ءدارى ءىشىپتى، ءبىراق ەش شيپا بولماعان، شينجياڭعا كەلىپ ەمدەلىپ قايتقان دوسى جۇڭگوعا بارىپ ەمدەلۋدى ۇسىنىس ەتەدى، «وسىندا كەلىپ تەكسەرىلگەن سوڭ بارىپ سۇيەك بوساۋ ناۋقاسى ەكەنىن ءبىلدىم، سوعان قارسى ءدارى بەردى، بىرنەشە كۇندە - اق ناۋقاسىم جەڭىلدەپ، ءتاۋىر بولىپ قالدىم»، - دەيدى ول.
ءۇمىت سياقتى ارنايى ەم ىزدەپ شينجياڭعا كەلگەن ورتا ازيالىق ناۋقاستار از ەمەس. بىلتىر جىل سوڭىندا ۇرىمجىدە ۇيىمداستىرىلعان «جىبەك جولى دەنساۋلىق مىنبەرىنىڭ» رەسمي مالىمەتى بويىنشا 2015 - جىلى شينجياڭ قابىلداعان شەتەلدىك ناۋقاس سانى 6000 ادام - رەتتەن اسقان.
ۇزاق جىل بويى شەتەلدىك ناۋقاستاردى قابىلداۋعا جاۋاپتى بولىپ كەلە جاتقان اۆتونوميالى رايوندىق جۇڭگوشا شيپاگەرلىك شيپاحاناسى VIP اۋرۋحاناسىنىڭ مەڭگەرۋشىسى لۇي شۋچيننىڭ تانىستىرۋىنا قاراعاندا، شينجياڭنىڭ ەمدەۋ ورەسى مەن قاتتى بولشەك قۇرىلعىلارى ىرگەلەس ەلدەردەن الدەقايدا وزىق ەكەن، شينجياڭنىڭ كوپتەگەن ەمدەۋ قۇرىلىمدارى مەن ەرەكشە ەمدەۋ نىساندارى ورتا ازياداعى 5 ەل مەن رەسەي، موڭعۇليا ەلدەرىندە ەل اۋزىنا ءىلىنىپ، تانىمال بولا تۇسكەن.
كورشىلەس ەلدەردىڭ نازارىنا ىلىنگەندىكتەن، جىبەك جولى ەكونوميكالىق بەلدەۋىنىڭ وزەكتى رايونى بولعان شينجياڭ «جىبەك جولى ەكونوميكالىق بەلدەۋىندە ەمدەۋگە قىزمەت وتەۋ ورتالىعىن» قۇرۋ ويىن ورتاعا قويدى. قازىر اۆتونوميالى رايوندىق حالىق شيپاحاناسى، شينجياڭ مەديتسينا ۋنيۆەرسيتەتىنە قاراستى 1 - شيپاحانا، اۆتونوميالى رايوندىق وسپە اۋرۋلار شيپاحاناسى، اۆتونوميالى رايوندىق جۇڭگوشا شيپاگەرلىك شيپاحاناسى سەكىلدى الەۋمەتتىك شيپاحانالاردىڭ بارلىعى شەتەلدىك ناۋقاستارعا «جاسىل ارنا» اشتى.
ۇكىمەت قاراماعىنداعى ەمدەۋ قۇرىلىمدارىنان تىس، جەكەشە شيپاحانالار مەن اۋرۋحانالار دا «ءبىر بەلدەۋ، ءبىر جول» ستراتەگياسىنىڭ اياسىندا دەنساۋلىق كاسىبىنىڭ دامۋ كومەسكى كۇشىن كوزدەي وتىرىپ، حالىقارالىق ەمدەۋ قىزمەت وتەۋىنە ارالاسا باستادى. جۇڭگو مەملەكەت مەنشىگىنە جاتپايتىن ەمدەۋ قۇرىلىمدارى قوعامىنىڭ ورىنباسار باستىعى، جيايىن توبىنىڭ باسالقاسى حۋاڭ ۋيدۇڭ بىلاي دەپ تانىستىردى: سوڭعى جىلدارى ورتا ازيا جانە توڭىرەكتەگى ەلدەردىڭ ەمدەۋ قىزمەت وتەۋىنە دەگەن سۇرانىسى ايرىقشا كۇشەيدى، 2003 - جىلدان بەرى قازاقستان، قىرعىزستان، رەسەي، ت.ب ەلدەردەن كەلىپ كەڭەس سۇراپ، ەمدەلگەندەر ورتا ەسەپپەن جىلىنا %30 ارتىپ وتىردى.
حالىقارالىق ەمدەۋ قىزمەت وتەۋگە جاۋاپتى شينجياڭ مەديتسينا ۋنيۆەرسيتەتىنە قاراستى 1 - شيپاحانانىڭ ىشكى اۋرۋلار ءبولىمىنىڭ (VIP) مەڭگەرۋشىسى جاڭ لي بۇل جونىندە بىلاي دەپ ۇسىنىس ەتەدى: شينجياڭنىڭ حالىقارالىق ەمدەۋ قىزمەت وتەۋى ءالى دە العاشقى كەزەڭدە تۇر، وراي بار، قيىندىق تا جوق ەمەس، ناقتى جۇمىس جۇرگىزگەندە، قىزمەت وتەۋ سۋبيەكتىلەرى، مەديتسينالىق قۇرىلىمدارعا كىرۋگە رۇقسات ەتۋ، حالىقارالىق ەمدەۋ اقىسىن تولەۋ سياقتى جاقتارداعى زاڭ - ەرەجەلەردى جەدەل كەمەلدەندىرۋگە تۋرا كەلەدى.
شينجياڭ «جىبەك جولى ەكونوميكالىق بەلدەۋى وزەكتى رايونىنىڭ ەمدەۋگە قىزمەت وتەۋ ورتالىعىنىڭ تۇلعالىق جوباسى» بويىنشا 2015 - جىلدان باستاپ، 2 - 5 جىل ۋاقىتپەن ينفورماتسيالىق ارنالاردى ءوزارا جالعاستىرۋدى ءتۇيىن ەتىپ، حالىقارالىق ەمدەۋگە قىزمەت وتەۋ سەلبەستىك مەحانيزمىندە جاڭالىق اشىپ، قولايلى، ۇتىمدى، تەلەمەديتسينالىق قىزمەت كورسەتۋ جەلىسىن قالىپتاستىرىپ، كورشىلەس ەلدەرمەن جانە جىبەك جولى ەكونوميكالىق بەلدەۋى جەلىسىندەگى ەلدەرمەن ەمدەۋ، دەنساۋلىق ساقتاۋ سالاسىندا ءوزارا پايدا جەتكىزىپ، ورتاق يگىلىككە كەنەلۋدى جۇزەگە اسىرادى.
اۋدارعان: ايجان قاميدوللا قىزى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
