- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ءبىر بەلدەۋ، ءبىر جول» شينجياڭ ساياحات ىستەرىنىڭ تەز وركەندەۋىنە سەرپىن بەردى
2016.05.26 10:43 كەلۋ قاينارى : شينجياڭ گازەتى
جاقىندا ءۇرىمجى قالالىق ساياحات مەكەمەسى جىبەك جولى ەكونوميكالىق بەلدەۋى بويىنداعى 100 نەشە كاسىپورىن مەن قالانىڭ «ءبىر بەلدەۋ، ءبىر جول» ساياحات كورىنىس رايونى بىرلەسكەن ءماجىلىسىن ۇرىمجىدە وتكىزىپ، جاڭا كەزەكتى ساياحات سەلبەستىگىنە سەرپىن بەرۋدى تالقىلادى. التاي ايماعى دا دۇنيە ساياحات قالاسى بىرلەستىگىن، مەملەكەتتىك ساياحات مەكەمەسىنىڭ ماماندارىن، كاسىپتىك قىزمەتكەرلەردى ۇسىنىس ەتىپ، مەملەكەت اتتاعان ساياحات سەلبەستىگىن، ساياحاتتى جانداندىرۋ جانە جوعارى تەحنيكالىق ساياحات كاسىبىن تۇلعالاۋدى تالقىلادى. «جىبەك جولى ەكونوميكالىق بەلدەۋىندەگى باتىسقا ەسىك اشقان الدىڭعى بازا» بولۋ ساناتىندا شينجياڭنىڭ جىبەك جولى ەكونوميكالىق بەلدەۋىندەگى ورنى اناعۇرلىم كورنەكتىلەندى.
شينجياڭ ۇيعۇر اۆتونوميالى رايوندىق ساياحات مەكەمەسىنىڭ جاۋاپتىسى بىلاي دەدى: تاريحتا شينجياڭ جىبەك جولىنىڭ ماڭىزدى تورابى بولعان، قازىر شينجياڭدا مەملەكەتتىك 1 - دارەجەلى شەكارا وتكەلدەن 17سى، حالىقارالىق اۋەجايدان ەكەۋى بار، شينجياڭ ەلىمىزدەگى باتىس ەلدەرىنە ەڭ جاقىن رايون، جول باسىمدىلىعى ەڭ كۇشتى، «ءبىر بەلدەۋ، ءبىر جول» ستراتەگياسى شينجياڭ ءۇشىن ماڭىزدى مانگە يە.
ساناققا قاراعاندا، جىبەك جولى ەكونوميكالىق بەلدەۋىندە 28 مەملەكەت بار، دۇنيە جۇزىلىك جاراتىلىستىق مادەنيەت مۇرالارى 200دەن اسادى ەكەن، دۇنيە جۇزىلىك مۇرالار شوعىرلانعان بۇل ساياحات جەلىسىندە 193 ۇلت جاسايدى، جەلى مول، الۋان ءتۇرلى، كوپ تۇردەگى ساياحات ونىمدەرىن جاراتۋعا اناعۇرلىم ۇيلەسەدى ەكەن.
ماماندار بىلاي دەدى: جىبەك جولى ەكونوميكالىق بەلدەۋى جەلىسىندە ستانبول، تەگەران، تاشكەنت، ءۇرىمجى، شي - ان سياقتى دۇنيە جۇزىنە ايگىلى ساياحات قالالارى بار، حالىقتىق اۆياتسيا قاتىناسى جۇيەسى دە العاشقى قادامدا تۇتاستىرىلدى، شينجياڭ جىبەك جولى ەكونوميكالىق بەلدەۋىندەگى وزەكتى رايون بولۋ ساناتىندا جەلىدەگى مەملەكەتتەرمەن بولعان سەلبەستىگىن جەدەلدەتىپ، شينجياڭدى حالىقارالىق ماڭىزدى ساياحات جولى ەتىپ قۇرىپ شىعۋى كەرەك.
جۇڭگو جاستار ساياحات كووپەراتيۆى شينجياڭ حالىقارالىق ساياحات كووپەراتيۆى شەكتى سەرىكتەستىگى شەكارادان شىعارۋ ءبولىمىنىڭ ديرەكتورى جاڭ يۋمىن: «ءبىر بەلدەۋ، ءبىر جول» ستراتەگياسى ورايىن مىقتى يگەرىپ، ساياحاتتى الدىن الا كوركەيتۋ ارقىلى جىبەك جولى ەكونوميكالىق بەلدەۋى ساياحاتشىلار جينالۋ - تارقالۋ ورتالىعى قۇرىلىسىن تەزدەتىپ، جىبەك جولى بويىنداعى مەملەكەتتەردىڭ ساۋدا، مادەنيەت، ساياحات بارىس - كەلىسىنە تۇرتكى بولىپ، جىبەك جولى بويىنداعى مەملەكەتتەردىڭ قوعامدىق، ەكونوميكالىق، مادەنيەت دامۋىن ىلگەرىلەتىپ، جىبەك جولى ەكونوميكالىق بەلدەۋى ساياحات سەلبەستىگى تەكشەسىن تەزدەن قۇرىپ شىعىپ، جىبەك جولى ەكونوميكالىق بەلدەۋى سارا جەلىلەرىن بىرگە سالۋ كەرەك، - دەدى.
2013 - جىلى ءۇرىمجى ەكونوميكالىق اشۋ رايونىندا جىبەك جولى ەكونوميكالىق بەلدەۋى ساياحات نىساندارى قۇرىلىسى باستالدى، ءۇرىمجى جوعارى قارقىندى تەمىر جولى ۆوكزالى ساياحات وتكەلى قۇرىلىسىنا ءبىر ميلليارد 400 ميلليون يۋان قارجى قوسىلىپ، 2014 - جىلى قۇرىلىس باستالعان ەدى. بۇل جىبەك جولى ەكونوميكالىق بەلدەۋى ساياحاتشىلار جينالىپ، تارقالۋ ورتالىعى نىسانىنىڭ باستالعاندىعىن كورسەتەدى. اتالعان نىسانعا قارجى قوسقان شينجياڭ ساياحاتقا قارجى قوسۋدى دامىتۋ شەكتى سەرىكتەستىگىنىڭ باس ديرەكتورى سۇڭ جيانچىڭ: بۇل نىسانعا ءبىر ميلليارد يۋان قارجى قوسىلدى. بۇل مەملەكەت ستراتەگياسى ءۇشىن ايتقاندا، باس نىسان سانالمايدى، الايدا جىبەك جولى ەكونوميكالىق بەلدەۋى ساياحاتشىلار جينالىپ، اتتانۋ ورتالىعى ءۇشىن ايتقاندا، باستاماشى نىسان سانالادى، ول جىبەك جولى ەكونوميكالىق بەلدەۋى جەلىسىندەگى قالالاردا جىبەك جولى ەكونوميكالىق بەلدەۋى ساياحاتشىلار جينالىپ، تارقالۋ ورتالىعى قۇرىلىسىنا تۇرتكى بولدى، الدا اناعۇرلىم جاقسى ناتيجەگە قول جەتكىزۋى مۇمكىن، - دەدى.
قاشقار قالاسى «ءبىر بەلدەۋ، ءبىر جول» ستراتەگياسى ورايىن مىقتى يگەرىپ، وڭتۇستىك شينجياڭ جىبەك جولى مادەنيەتى جانە ۇلتتىق سالت - سانا ساياحات كورىنىسىن بارلىققا كەلتىردى. قاشقار قالالىق ساياحات مەكەمەسىنىڭ باستىعى، قاشقار كونە قالا كورىنىس رايونى باسقارۋ كوميتەتىنىڭ ورىنباسار باستىعى لي شيا بىلاي دەدى: «ءبىر بەلدەۋ، ءبىر جول» ستراتەگياسىنىڭ باتىسقا، وڭتۇستىك ازيا، ورتا ازيا، باتىس ازيا ساۋدا ورتالىقتارىنا ەسىك اشۋ ورايىنان پايدالانىپ، ماڭىزدى ساياحات كورىنىس رايوندارى قۇرىلىسىن تەز اتقارىپ، ساياحات جۇيەسى قۇرىلىسىن ونان ارى كەمەلدەندىرىپ، وزگەشە باۋراۋ قۋاتىنا يە قاشقار ساياحات ماركاسىن جاراتىپ، قاشقاردى جىبەك جولى ەكونوميكالىق بەلدەۋىندەگى ماڭىزدى ساياحات وزەگىنە اينالدىرۋىمىز كەرەك.
قورعاس قالاسى باتىسقا ەسىك اشۋ اياق الىسىن جەدەلدەتىپ، نەشە ميلليون يۋان قارجى قوسىلعان جۇڭگو - قازاقستان قورعاس حالىقارالىق شەكارا سەلبەستىگى ورتالىعى ورتا ازيا كورىنىسى ساياحاتىن، شەكارالىق زات ساتىپ الۋ ساياحاتىن، ەمدەلۋ ساياحاتىن قۇردى. قازىر قورعاس قالاسى شەكارانى گۇلدەندىرۋ، حالىقتى اۋقاتتاندىرۋ، ءتۇزىلىس مەحانيزمى رەفورماسى، ساۋدا قۇرىلىمىن رەتتەۋ، ابزال كاسىپ سالاسىنىڭ دامۋىنا تۇرتكى بولۋ، ساياحاتتا ەسىك اشۋ قابىلەتىن كۇشەيتۋ، نەگىزدىك قۇرىلعىلار قۇرىلىسىن نىعايتۋ، قازىنا - باجى ىستەرىن كۇشەيتۋ، اقشا اينالىمىندا جاڭالىق اشۋ قيلىمدارىن ورىستەتىپ، قورعاس قالاسىن جىبەك جولى ەكونوميكالىق بەلدەۋى ساياحاتشىلار جينالىپ، تارقالۋ ورتالىعىنا اينالدىرۋعا قۇلشىنۋدا.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
