- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اسەم الماتىنى تاماشالاۋ ءۇشىن شينجياڭنان 100 مينۋتتا ۇشىپ بارا الاسىز
جۇڭگودان قازاقستانعا ساياحات ارناۋلى جەلىسى اشىلدى
2016.07.05 14:44 كەلۋ قاينارى : حالىق تورابى
حالىق تورابى اۋداردى. ءتاڭىرتاۋ تورابىنىڭ حابارلاۋىنشا، شينجياڭنان قازاقستانعا ساياحاتتايتىن ەڭ جاڭا ساياحات اۋە جەلىسى 3 – شىلدە كۇنى ءۇنحاتتىڭ دوستار اۋماعىندا تارالدى. ءۇنحاتتا توردوستار «ۇرىمجىدەن الماتىعا 100 مينۋتتا بارۋعا بولادى ەكەن، بارىپ كورگىم كەلىپ تۇر»، «قازاقستاننىڭ ۇنى، جەمىس – جيدەگى، بالى وتە تاماشا» دەگەن سياقتى لەبىزدەر قالدىردى، ءتىلشى حاباردى جولداعانعان دەيىن، ءۇنحات تەكشەسىندە جاريالانعان جاڭا ساياحات جەلىسىن 2000نان استام ادام كورگەن. اقپاراتقا نەگىزدەلگەندە، العاش جولعا شىعاتىن توپتىڭ ساياحات جەلىسى A، B ەكى جول بويىنشا بولادى، الدىڭعىسى قازاقستاننىڭ الماتى قالاسى مەن استانا قالاسىنا ساياحات بولىپ، ءۇش رەت ۇشۋعا تۋرا كەلەدى، كەيىنگىسى قازاقستاننىڭ الماتى، استانا، وسكەمەن قالالارىنا ساياحات بولىپ، 4 رەت ۇشۋعا تۋرا كەلەدى، ەكى توپتا دا ساياحات ۋاقىتى 8 كۇن. بۇل جۇڭگو – قازاقستان اراسىندا توپتىق ساياحاتتاۋدا كەدەننەن ءوتۋدىڭ قولايلى بولعانىن كورسەتەدى، الدا قازاقستانعا بارىپ ساياحاتتاۋشىلارءتىپتى دە كوپ قولايلىلىقتاردان يگىلىكتەنەتىن بولادى.
ۇعىسۋعا قاراعاندا، 2015 – جىلى جەلتوقساندا مەملەكەتتىك ساياحات مەكەمەسى قازاقستان رەسپۋبليكاسىنىڭ قارجىلاندىرۋ جانە دامىتۋ مينيسترلىگىمەن جۇڭگو ازاماتتارىنىڭ قازاقستانعا توپتىق ساياحاتتاۋىنا قولايلىلىق جاراتۋ تۋرالى ەستەمەسىنە قول قويعاننان بەرى، شەكارالىق ساياحات ۇزدىكسىز دامىدى. مەملەكەتتىك ساياحات مەكەمەسىنىڭ جۋىردا جاريالاعان ۇقتىرۋىنا قاراعاندا، 15 – شىلدەدەن باستاپ جۇڭگودان 3 ~ 50 ادامدىق ساياحات ۇيىرمەسىن قازاقستانعا اپارىپ ساياحاتتاتۋ سىندى قىزمەت وتەۋ ءتۇرى ورىستەتىلدى.
قازىر شينجياڭنان جاقىن شەتەلدەرگە ساپارلاي باراتىندار موڭعۇليا، رەسەي، پاكيستان، ءۇندىستان، وزبەكستان قاتارلى ەلدەردى تاڭدايدى. ءتىلشى جۇڭگودان قازاقستانعا توپتىق ساپارلاۋ سىندى قىزمەت وتەۋ ءتۇرىنىڭ ىسكە قوسىلعانى تۋرالى ساياحات سالاسىنداعى بىلىكتى مامان، جۇڭگو ساياحات توپ سەرىكتىگى (شياڭگاڭ) شينجياڭ ساياحات شەكتى سەرىكتىگىنىڭ شۋجيى، باس ديرەكتورى جاۋ شيۋحۇڭمەن سۇحباتتاستى.
ءتىلشى: بۇرىن قازاقستانعا ساپارلاي باراتىندار قانداي جولدارمەن باراتىن؟ قازىر ساياحات سەرىكتىكتەرىنىڭ توپتىق ساياحات قىزمەت وتەۋى ساياحاتشىلارعا قانداي تيىمدىلىك اكەلەدى؟
جاۋ شيۋحۇڭ: بۇرىن قازاقستانعا بارۋ ءۇشىن تۋىسشىلاۋ، كورمەگە قاتىناسۋ، ساۋدا ىستەرى قاتارلى جولدارمەن بارۋعا بولاتىن، قازىر توپتىق ساياحاتقا رۋحسات بەرىلۋى ءتىپتى دە قولايلىلىق تۋدىردى. ۇرىمجىدەن استاناعا تەك 2 ساعات 40 مينۋتتا ۇشىپ بارۋعا بولادى، الماتىعا تەك ءبىر ساعات 40 مينۋتتا بارۋعا بولادى.
ءتىلشى: قازىر جۇڭگودان قازاقستانعا ساياحات ۇيىرمەسىمەن بارۋدا تەك شينجياڭداعى ساياحات ۇيىرمەلەرىمەن عانا بارۋعا بولا ما؟ باسقا ولكەلەردەن ساياحات ۇيىرمەسىمەن بىرگە قازاقستانعا ساياحاتتاۋعا بولا ما؟
جاۋ شيۋحۇڭ: جۇڭگونىڭ باسقا ولكەلەرىنەن دە ۇشۋعا بولادى، تەك شەكارادان شىعۋ ۇقىعى بولسا بولعانى، ءبىراق، شينجياڭنان جولعا شىعۋ قولايلى.
ءتىلشى: سىزشە بۇل حالىقارالىق ساياحات جەلىسىنىڭ اشىلۋى شينجياڭنىڭ شەكارادان شىعىپ ساياحاتتاۋ كاسىبىن دامىتۋدا قانداي ءمان الادى؟
جاۋ شيۋحۇڭ: شينجياڭنىڭ شەكارا اتتاعان ساياحاتىنا بەلسەندى ىلگەرىلەتۋ رولىن اتقارادى، قازاقستاندىقتاردى شينجياڭعا كەلىپ ساياحاتتاۋعا باۋرايدى، ەكى جاقتى ساياحاتتا ساياحاتشىلار قاينارىن ءوزارا الماستىرۋدا بەلسەندى رول اتقارادى.
ءتىلشى: بۇل ساياحات جەلىسىنىڭ نارىقتاعى بولاشاعىنا قالاي قارايسىز؟ جۋىردان بەرگى ۇيىرمەگە جازىلۋ جاعدايى قالاي؟
جاۋ شيۋحۇڭ: جاڭا ساياحات جەلىسىنىڭ بارلىعى دا بىرتىندەپ جۇرتتى باۋرايدى. قازىر كوپشىلىك قازاقستاندى ونشا ءتۇسىنىپ كەتپەيدى، ساياحاتتاپ بارىپ كەلگەندەردەن ەستىگەننەن كەيىن، باسقالار دا ساياحاتتاي بارۋعا قىزىعادى دەپ سەنەمىن. قازاقستان ــ بارىپ كورۋگە تاتيتىن ەل، بۇل ەلدە بايىرعى مادەنيەت پەن وسىزامان مادەنيەتى ۇشتاسقان، ءتۇرلى مادەنيەتتەر توعىسقان، مەن بۇل ەلدى وتە ۇناتامىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
