بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

قازاقستاننىڭ قارجى قوسۋ ورتاسىن تانىستىرۋ جيىنى بەيجيڭدە وتكىزىلدى

2016.10.21 14:08     كەلۋ قاينارى : حالىق تورابى


  حالىق تورابى، 21 – قازان، بەيجيڭ. قازاقستاننىڭ قارجى قوسۋ ورتاسىن تانىستىرۋ جيىنى 21 – قازان كۇنى تۇستەن بۇرىن بەيجيڭ كورمە سارايىندا وتكىزىلدى. جيىندى جۇڭگونىڭ ءوندىرىس ورىندارىن شەتەلدە دامىتۋ قوعامى مەن قازاقستاننىڭ مەملەكەتتىك ەكسپورت جانە قارجىلاندىرۋ مەكەمەسى (KAZNEX INVEST) ۇيىمداستىردى. جۇڭگو مەن قازاقستاننىڭ فينانس قۇرىلىمدارى مەن كاسىپورىندارىنىڭ ۋاكىلدەرى جيىنعا قاتىناستى.

  جيىندا قازاقستان اۋىل شارۋاشىلىق مينيسترىنىڭ ورىنباسارى گۇلميرا يسايەۆا ءسوز سويلەپ، قازاقستاننىڭ اۋىل شارۋاشىلىق سالاسىنا قارجى قوسۋداعى ابزالدىلىقتار مەن ءتيىمدى ساياساتتاردى اتاپ ءوتىپ، جۇڭگولىق كاسىپكەرلەردى قازاقستاننىڭ اۋىل شارۋاشىلىعى سالاسىنا قارجى قوسۋعا شاقىردى. قاتىستى مالىمەتتەرگە سۇيەنسەك، قازاقستاننىڭ اۋىل شارۋاشىلىعى سالاسى قارجى قوسۋشىلاردى ەڭ باۋرايتىن سالالاردىڭ ءبىرى بولىپ وتىر. جۇڭگو مەن قازاقستان اۋىل شارۋاشىلىعى سالاسىنداعى سەلبەستىكتى اناعۇرلىم كەڭەيتىپ، حاۋىپسىز، ورگانيكالىق، ەكولوگيالىق ازىقتىقتاردى ءوندىرۋ جانە مال شارۋاشىلىعى جاقتارىندا سەلبەستىكتى نىعايتۋ مۇمكىندىگىنە يە. ەكى ەل اراسىندا اۋىل شارۋاشىلىعى جاعىندا، وتە – موتە، اۋىل شارۋاشىلىعى ونىمدەرىن مانەرلەۋ جاعىندا سەلبەستىك جاساۋداعى كومەسكى كۇشى زور.

  جۇڭگونىڭ ءوندىرىس ورىندارىن شەتەلدە دامىتۋ قوعامى حالىقارالىق سەلبەستىك ءبولىمىنىڭ مەڭگەرۋشىسى ۋاڭ كىۋىن ءسوز كەزەگىندە: 2014 – جىلى جەلتوقساندا جۇڭگو مەن قازاقستان اراسىندا ءوندىرىس قۋاتى جاعىندا سەلبەستىك ورىستەتكەننەن بەرى، قازىرگە دەيىن 10 رەت كەڭەس وتكىزىلىپ، ەكى ەل ۇكىمەتى اراسىندا 51 نىسان اتقارىلدى، مۇنىڭ ىشىندە اۋىل شارۋاشىلىعى سالاسىنداعى بىرنەشە نىساندار قامتىلعان، بۇلاردىڭ اراسىندا اۋىل شارۋاشىلىعى ونىمدەرىن مانەرلەۋ نىساندارى بار، جۇڭگو مەن قازاقستان ەكى ەل ۇكىمەتى اۋىل شارۋاشىلىعى سالاسىنداعى ىنتىماقتاستىققا ءمان بەرىپ وتىر، وسى جولى قازاقستاننىڭ اۋىل شارۋاشىلىعى مينيسترىنىڭ ورىنباسارى جيىنعا ارنايى كەلىپ قاتىناسىپ، قازاقستاننىڭ اۋىل شارۋاشىلىعى سالاسىنداعى قارجى قوسۋ ورتاسىن تاپتەشتەي تانىستىردى، قازاقستاننىڭ اۋىل شارۋاشىلىعى سالاسىنا قارجى قوسۋعا ىنتا بىلدىرۋشىلەرگە كوپتەگەن تيىمدىلىكتەر جاسالعان، - دەدى.

  قازاقستاننىڭ مەملەكەتتىك ەكسپورت جانە قارجىلاندىرۋ مەكەمەسىنىڭ (KAZNEX INVEST) جۇڭگوداعى ۋاكىلدىك باسقارماسىنىڭ جاۋاپتىسى قۋانىش امانتاي قازاقستاننىڭ بارلىق سالالارداعى قارجى قوسۋ ورتاسىن جالپى جاقتان تانىستىرىپ وتكەن سوڭ، اتالعان مەكەمەنىڭ اتقارۋشى ديرەكتورى ديميتري تەكاچەنكو، سولتۇستىك قازاقستان وبلىسى باستىعىنىڭ ورىنباسارى احمەتوۆ قاتارلى قاتىستى ورىنداردىڭ باسشىلارى مەن سەرىكتەستىك ديرەكتورلارى، فينانس قۇرىلىمدارىنىڭ جاۋاپتىلارى وزدەرىنە قاتىستى سالالار بويىنشا قارجى قوسۋ ورتاسىن ءبىر – بىرلەپ تانىستىردى.

  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.