ميرزيەيەۆ وزبەكستاننىڭ پرەزيدەنتى بولدى

2016.12.06 14:50   كەلۋ قاينارى : حالىق تورابى

　　حالىق تورابى، 6 – جەلتوقسان، بەيجيڭ. 5 – جەلتوقسان كۇنى، سايلام بەلەتى العاشقى ساناقتان وتكەننەن كەيىن، وزبەكستان رەسپۋبليكاسى ورتالىق سايلاۋ كوميتەتى ەركىن دەموكراتتار پارتياسىنىڭ كانديداتى ميرزيەيەۆ 15 ميلليوننان استام داۋىسقا يە بولىپ، 88.61 پايزدىق داۋىس سالىستىرماسىمەن پرەزيدەنت سايلاۋىندا جەڭىسكە جەتكەنىن جاريالادى. وزبەكستان زاڭى بويىنشا، رەسمي ناتيجەسى 10 كۇن ىشىندە جاريالانادى.

　　بۇل رەتكى پرەزيدەنت سايلاۋىنا داۋىس بەرۋ جەرگىلىكتى ۋاقىت 4 – جەلتوقسان تاڭعى ساعات 6دا باستالىپ، كەشكى ساعات 20دا اياقتالدى. وزبەكستان مەملەكەت بويىنشا 9383 داۋىس بەرۋ بەكەتىن قۇردى، سونىمەن قاتار 44 مەملەكەتتەگى ەلشىحانا قاتارلى سىرتقى قارىم – قاتىناس ورگاندارىندا داۋىس بەرۋ بەكەتىن قۇردى. 37 مىڭنان استام باقىلاۋشى قىزمەتكەر بۇل رەتكى سايلاۋدى باقىلادى، مۇنىڭ ىشىندە 600ى حالىقارالىق باقىلاۋشى.

　　ميرزيەيەۆ 1957 - جىلى تۋىلعان، جيزاك وبلىسىنىڭ باستىعى، سامارحان وبلىسىنىڭ باستىعى جانە پرەمەر – مينيستر قاتارلى مىندەتتەر وتەگەن. بيىل 2 – قىركۇيەك كۇنى وزبەكستاننىڭ پرەزيدەنتى كاريموۆ ميىنا قان قۇيىلىپ، ەمدەۋ ءونىم بەرمەي قازا بولعان. وزبەكستان ەڭ جوعارى كەڭەسىنىڭ زاڭ جاساۋ پالاتاسى مەن پارلامەنت بىرىككەن ءماجىلىسى 8 – قىركۇيەك كۇنى پرەمەر – مينيستر ميرزيەيەۆدى پرەزيدەنت مىندەتىن ۋاقىتتىق اتقارۋعا تاعايىنداعان بولاتىن.

　　كەلۋ قاينارى: حالىق تورابى