- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قازاقستاننىڭ ءبيدايى جۇڭگو ارقىلى ۆەتنامعا تۇڭعىش رەت شىعارىلدى
2017.02.06 15:34
«جەر شارى ۋاقىت گازەتىنىڭ» تورىنان اۋدارعان سەنبەك اۋەسقان ۇلى. قازاقستاننان 720 توننا ءبيداي تيەپ كەلگەن ءبىر پويەز الاتاۋ ساعاسى ارقىلى ەلىمىز شەكاراسىنا ءوتىپ، مەجەلى ۋاقىتتا، ياعني 5 – اقپاندا جۇڭگو – قازاقستان (ليانيۇنگاڭ) زات اينالىسى وتكەرمە بازاسىنا جەتتى. بۇل ءبيداي ەرتەڭ (6 – اقپاندا) جياڭسۋ ولكەسىنىڭ ليانيۇنگاڭ كەمەجايىندا كەمەگە تيەلىپ، ۆەتنامعا جونەلتىلەدى. بۇل ــ قازاقستان ءبيدايىنىڭ تۇڭعىش رەت جۇڭگو جەرى ارقىلى شىعىس وڭتۇستىك ازيا بازارىنا شىعارىلۋى، سونداي – اق جۇڭگو – قازاقستان ەكى ەلدىڭ شەكارادان استىق وتكىزۋ حاۋىپسىز جولىنىڭ رەسمي اشىلعانىنىڭ بەلگىسى.
تانىستىرۋعا قاراعاندا، «ءبىر بەلدەۋ، ءبىر جول» ستراتەگيالىق جۇلگەسىندە جۇڭگو ۇكىمەتى «جاڭا ەۋرازيا ۇلى قۇرلىق كوپىرىنىڭ شىعىس جيەگىندەگى ليانيۇنگاڭ كەمەجايىنىڭ مۇشە ەلدەرگە زات اينالىسى، قامبادا ساقتاۋ جاقتارىنان قىزمەت وتەۋىن» ورتاعا قويعان. وسىدان كەيىن جۇڭگو – قازاقستان ەكى ەلدىڭ قاتىستى تاراۋلارى «جاڭا ەۋرازيا ۇلى قۇرلىق كوپىرىندەگى حالىقارالىق زات تاسىمالىن كۇشەيتۋ جۇلگەلىك كەلىسىمىنە» قول قويعان، وندا ەكى جاقتىڭ ليانيۇنگاڭ كەمەجايىنىڭ ابزالدىعىنان، سونداي – اق قازاقستان تەمىر جول تاسىمالى جەدەل جەتكىزۋ توبىنىڭ زات تاسىمالى، زات قاينارىن ۇيىمداستىرۋ جاقتارىنداعى ابزالدىعىنان پايدالانىپ، جاڭا ەۋرازيا ۇلى قۇرلىق كوپىرىنىڭ زات اينالىسىن بىرگە جەبەۋ بەلگىلەنگەن. وسى رەتتە قازاقستان ءبيدايىنىڭ ەلىمىز ارقىلى ءساتتى جونەلتىلۋى اتالعان كەلىسىمنىڭ بەلسەندىلىكپەن تياناقتانعانى سانالادى. ۇعىسۋعا قاراعاندا، 2017 – جىلى قازاقستاننان 500 مىڭ تونناعا جۋىق ءبيداي ليانيۇنگاڭ كەمەجايى ارقىلى شىعىس وڭتۇستىك ازيا بازارىنا شىعارىلادى ەكەن.
قازاقستاننىڭ نەگىزگى استىق داقىلدارى ءبيداي، جۇگەرى، ارپا سياقتىلاردى قامتيدى، ءبيدايىنىڭ جىلدىق ءتۇسىمى 20 ميلليون توننا اينالاسىندا. 2009 – جىلى جۇڭگو، قازاقستان ۇكىمەتتەرى قازاقستان استىعىن جۇڭگو ارقىلى ءۇشىنشى ەلگە شىعارۋ كەلىسىمىن جاساسقان بولاتىن. وسى بىرنەشە جىلدا، اسىرەسە، جۇڭگو – قازاقستان (ليانيۇنگاڭ) زات اينالىسى وتكەرمە بازاسى رەسمي ىسكە قوسىلعان سوڭ، جۇڭگو، قازاقستان ەكى ەلدىڭ جوعارى جىگىندەگىلەر شەكارادان استىق وتكىزىپ تاسىمالداۋعا ايرىقشا ءمان بەردى. 2015 – جىلى جەلتوقساندا ەكى جاق باسشىلارىنىڭ قاتىناسۋىمەن جۇڭگو مەملەكەتتىك ساپا تەكسەرۋ باس مەكەمەسى مەن قازاقستان اۋىل شارۋاشىلىق مينيسترلىگى «قازاقستان ءبيدايىن جۇڭگوعا تاسىمالداۋداعى وسىمدىك كارەنتين تالاپتارى توقتامىنا» قول قويىسىپ، قازاقستان ءبيدايىن جۇڭگوعا تاسىمالداۋداعى جانە جۇڭگو شەكاراسىنان وتكىزۋدەگى تالاپتاردى ايقىندادى، ليانيۇنگاڭ مەملەكەتتىك ساپا تەكسەرۋ باس مەكەمەسى جاعىنان قازاقستان ەكسپورت ەتكەن استىق جۇڭگو شەكاراسى ارقىلى سىرتقا شىعارىلاتىن وتكەل ەتىپ تۇراقتاندىرىلدى. 2016 – جىلى 11 – تامىزدا ليانيۇنگاڭ وتكەلى قازاقستاننان ەكسپورت ەتىلگەن ءبيدايدى شەكارادان شىعارۋ جوباسىن اتقارىپ، مەملەكەتتىك ساپا تەكسەرۋ باس مەكەمەسىندەگى مامانداردىڭ تەكسەرۋىنەن وتكىزىپ، ءبيدايدى شەكارادان وتكىزۋدەگى تەحنيكالىق ماسەلەلەردى ءساتتى شەشتى.
جۇڭگو ارقىلى شىعارعاندا قازاقستان ءبيدايىنىڭ وندىرىلگەن جەردەگى باعاسى دارەجەلەس اۆستراليا بيدايىمەن سالىستىرعاندا تونناسىنا 45 دوللار ارزان بولادى، اۆستراليا ءبيدايىنىڭ شىعىس وڭتۇستىك ازياعا جەتكىزىلۋىنە شامامەن 30 كۇن قاجەت، ال قازاقستان ءبيدايى تەمىر جول، تەڭىز جولى ارقىلى شىعىس وڭتۇستىك ازياعا 20 كۇندە جەتىپ بولادى، وسىلايشا قازاقستان ءبيدايى ۇقساس تۇردەگى بيدايمەن باعا، تاسىمال لەنياسى جاقتارىنان ءبىرشاما كۇشتى بازار باسەكەلىك قۋاتىنا يە، سونداي – اق ورتا ازيا، ورتا ەۆروپا تاسىمال پويەزدەرىنىڭ ءبىر باعىتتا كوبىندە بوس قايتۋ ماسەلەسى دە شەشىلەدى.
قازاقستان ءبيدايىنىڭ جۇڭگو ارقىلى ءۇشىنشى ەلگە شىعارىلۋى ليانيۇنگاڭدى قازاقستاننىڭ، ءتىپتى ورتا ازيانىڭ شىعىسقا تاۋار شىعارۋىنداعى بىردەن - ءبىر تەڭىز جولىنا اينالدىردى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
