جۇڭگو – قازاقستان ازىق – تۇلىك شەكارا حاۋىپسىزدىك وتكەلى تۇتاستىرىلدى

2017.02.06 16:01   كەلۋ قاينارى : حالىق تورابى

　　حالىق تورابى، 6 – اقپان، بەيجيڭ. 5 – اقپان، قازاقستاننان كەلگەن 720 توننا ءبيدايدى تيەگەن جۇك پويەزى جۇڭگو – قازاقستان (ليانيۇنگاڭ پورتى) زات تاسىمالى وتكەرمەلەۋ بازاسىنا جەتتى، بۇل ءبيداي جياڭسۋدىڭ ليانگۇڭ پورتىنان كەمەگە تيەلىپ تەڭىز ارقىلى ۆيەتنامعا جەتكىزىلمەك. بۇل قازاقستان ءبيدايىنىڭ تۇڭعىش رەت جۇڭگو شەكاراسىنان ءوتىپ، شىعىس وڭتۇستىك ازيا بازارىنا كىرۋى، بۇل ورتا ازيانىڭ ەلىمىز ارقىلى ءۇشىنشى ەلگە زات تاسىمالداۋ جۇيەسىنىڭ العاشقى قادامدا قۇرىلۋىنان دەرەك بەرەدى، ءسويتىپ جۇڭگو – قازاقستان ازىق – تۇلىك شەكارا حاۋىپسىزدىك وتكەلى رەسمي تۇتاستىرىلدى.

　　قازاقستان ءبيدايىن جۇڭگو شەكاراسى ارقىلى تاسىمالداۋ ونى باسقا ەلدىڭ بيدايىمەن سالىستىرعاندا باعا جانە تاسىمالداۋ جاعىندا بازارداعى باسكەلىك قۋاتىن ارتتىرىپ قالماستان، ورتا ازيا، ورتا ەۆروپا جۇك تاسىمالى بارىسىندا جۇك قورابىنىڭ شىعارىلۋى كوپ، قايتۋى از، قايتۋ بارىسىندا بوس قايتۋ سالىستىرماسىنىڭ جوعارى بولۋى ماسەلەسىن شەشتى. مەجە ەسەپكە قاراعاندا، 2017 – جىلى قازاقستان 500 مىڭ توننا ءبيدايدى ليانيۇنگاڭ پورتى ارقىلى شىعىس وڭتۇستىك ازيا بازارىنا كىرگىزبەك.

　　كەلۋ قاينارى: حالىق تورابى