جۇڭگو مەن قازاقستاننىڭ مادەنيەت سالاسىنداعى قارىم – قاتىناسىن ءان اۋەنىمەن جاڭا بەلەسكە كوتەردى
ديماش اسقاق انىمەن اراعا كوپىر سالدى
حالىق گازەتى رىن شانشان، كاڭ يان (حالىق تورابى اۋداردى)
2017.04.14 14:00 كەلۋ قاينارى : حالىق تورابى
ونىڭ ەلى ــ قازاقستان، ءوزى 90 – جىلداردىڭ تۇلەگى.
ول جۇڭگونىڭ ونەر ساحناسىندا اسقاقتاتا ءان شىرقاپ، از ۋاقىتتىڭ ىشىندە – اق سانسىز جانكۇيەرلەردىڭ قولداۋىنا يە بولدى.
ول ەكى ەل اراسىنداعى مادەنيەت اۋىس – كۇيىسى مەن حالىق تىلەگىنىڭ توعىسۋىنا كوپىر بولۋ ءۇشىن بارىنشا تالپىندى.
«ءبىر بەلدەۋ، ءبىر جول» حالىقارالىق سەلبەستىك فورۋمىنا تاعى ءبىر – اي ۋاقىت قالدى، وسى ساتكە وراي مادەنيەتتىڭ جارشىسى بولعان جاس جىگىتپەن تانىسايىق.
ونىڭ ەسىمى ــ ديماش.
ــ رەداكتوردان
كوك كوستيۋم كيگەن جىگىت باياۋ باسىپ، باران تارتقان ساحنانىڭ ورتاسىنا كەلىپ، كۇيزەلىستى كۇڭىرەنىسپەن باستالاتىن «Adagio» ءانىن ناشىنا كەلتىرە شىرقاي جونەلدى. كۇيساندىقتان قۇيقىلجىعان مۋزيكا اۋەنى اققۋدىڭ مامىعىنداي مايدا داۋىسپەن جارىسا كوتەرىلدى.
حۋنان تەلەارناسىنىڭ «ءانشىمىن» اتتى باعدارلاماسىنىڭ 6 – كەزەگىندە 500 كورەرمەننىڭ تاڭداۋىمەن، بىرىنشىلىك سول ساحناداعى ەڭ جاس ءانشى ديماشقا بۇيىردى.
ديماشتىڭ اتى – ءجونى ــ ديماش قۇدايبەرگەن ۇلى. 1994 – جىلى جۇڭگومەن كورشىلەس جاتقان قازاق ەلىندە دۇنيە ەسىگىن اشقان. قازاقتىڭ اتا سالتى بويىنشا، ديماش اتاسى مەن اجەسىنىڭ قولىندا وسكەن. اتاسى دومبىراشى، اجەسى ءانشى، اتا – اناسى دا ايگىلى مۋزيكانتتار ەدى. وسىنداي وتباسىندا ەرجەتكەن ديماش تا كىشكەنتايىنان ءان – كۇيگە اۋەس بولدى.
ديماش 2010 – جىلى 16 جاسىندا حالىقارالىق ءان باسەكەسىندە اعا جۇلدەگەرلىكتى قانجىعاسىنا بايلادى، 2015 – جىلى قازاندا تۇركيانىڭ ستامبول قالاسىندا وتكىزىلگەن «ابۋ TV» ازيا كولەمىندەگى حالىقارالىق مۋزيكا فەستيۆالىنا قازاقستان اتىنان قاتىناستى، قازاق ەلىندە جانكۇيەرلەر ديماشتى ەلدىڭ ماقتانىشى دەپ قارايدى. ول ءتۇرلى ءان ستيلدەرىنە جاتتىعىپ، كەڭ تارالعان اندەردى، ەۆروپاشا اۋەندەردى جانە ءتۇرلى قۇلپىرما ءۇندى اندەردى ايتۋ تاسىلدەرىن مەڭگەردى. اناسى: ديماشتىڭ وزدىگىنەن ۇيرەنۋ قابىلەتى جوعارى، داۋىس اۋماعىن كەڭەيتۋگە دە ءوزى جاتتىققان، ءتورت وكتاۆا اراسىندا ەمىن – ەركىن شىرقاي الادى، - دەيدى. ءتۇرلى تىلدەردەگى وپەرالاردى شىرقاۋ ءۇشىن، ديماش نەمىس، ۋكراين، تۇرىك تىلدەرىن ۇيرەنگەن. قازىر ول حانزۋ ءتىلىن ۇيرەنۋ ءۇشىن قولىنان حانزۋشا سوزدىگىن تاستامايدى.
مۋزيكادا مەملەكەت پەن ءتىل شەكاراسى بولمايدى. ديماشتىڭ جۇڭگودا ءان شىرقاۋى ونىڭ جۇڭگولىق كورەرمەندەرمەن تانىستىعىنىڭ باستاماسى، ءارى قازاقستاندى جۇڭگوعا، جۇڭگونى قازاقستانعا تانىستىرۋعا كوپىر بولدى دەۋگە بولادى.
جۋىردا قازاقستانداعى 2 – ءىرى تەلەۆيزيا ــ حابار تەلەارناسى «ءانشى» باعدارلاماسىن كورسەتۋ رۋحساتىن الدى، 15 – ءساۋىر كۇنى كەشكى ساعات 8دە (بەيجيڭ ۋاقىتى كەشكى ساعات 10دا) جاساندى سەرىك ارقىلى حۋنان تەلەۆيزياسىمەن بىردەي ۋاقىتتا شەشۋشى جارىستى تىكەلەي ەفيردە تاراتادى. شەشۋشى جارىس كۇنى ديماش ءان ايتىپ بولعان سوڭ، حابار تەلەارناسى تەلەبايلانىس ارقىلى جارىستىڭ جاعدايىن حابارلايدى. حابار تەلەارناسى جورالار القاسى باستىعىنىڭ ورىنباسارى رينات كەرتايەۆ وسى سەلبەستىككە قول قويىلا سالىسىمەن ءوزىنىڭ تۆيتتەردەگى جەكە پاراقشاسىندا بۇل حاباردى جاريالادى، قازاقستان حالىقارالىق اقپارات اگەنتتىگى دە وسى جايلى بىرنەشە حابار جاريالادى. جارتىلاي شەشۋشى جارىستا قازاقستاننىڭ جۇڭگودا تۇراتىن باس ەلشىسىنىڭ وقۋ – اعارتۋ، مادەنيەت اقىلشىسى قايرات تا ستۋدياعا كەلىپ، ديماشقا قولداۋ كورسەتتى.
ديماش قازاقستاندىقتاردىڭ ماقتانىشى، ولار ديماش ارقىلى جۇڭگولىق انشىلەرمەن، جۇڭگو مادەنيەتىمەن ىشكەرىلەي تانىستى. قازاقستاندىق توردوس: جۇڭگونىڭ ەستراداسى تارتىمدى ەكەن، ديماش جۇڭگونىڭ كوركەمونەرىمەن تانىسۋىمىزعا دانەكەر بولدى، - دەيدى.
جۇڭگو مادەنيەتىن تانىستىرۋ ەلشىسى رەتىندە، ديماش چىڭدۋعا بارىپ، مەملەكەت اسىلىمىز مىسىق ايۋدى كوردى، چىڭدۋداعى ءداستۇرلى كوشەلەردى ارالاپ، چىڭدۋداعى مادەنيەتتىڭ ءمان – ماڭىزىمەن تانىستى. ديماش چىڭدۋداعى ساپارىن ۇنەمى ەسكە الادى، وتە – موتە، چىڭدۋداعى مۋزيكالىق ورتا وعان ەرەكشە اسەر قالدىرىپتى. قارت ونەرپازداردىڭ، بالالاردىڭ ونەرى، بەتقالقا قۇبىلتۋ ونەرى سىندى جۇڭحۋانىڭ ءداستۇرلى كوركەمونەرى مەن مۋزيكا ونەرى ونىڭ ەسىنەن بەرىك ورىن الىپتى.
ديماش اسەم اۋەنى مەن جاي ءىس - ارەكەتتەرى ارقىلى ەكى ەل اراسىنداعى مادەنيەت اۋىس – كۇيىسىن جانە ەكى ەل حالقىنىڭ تىلەگىن توعىستىردى. جارىس بارىسىندا ول قازاقستان مەن جۇڭگونىڭ مۋزيكاسىن بىرنەشە رەت توعىستىرا ورىنداپ سىناپ كوردى، ناتيجەسىنىڭ ءساتتى بولعانىن كوردىك. الداعى جەردە ول جۇڭگودا جيى ونەر كورسەتەدى، جۇڭگولىق انشىلەردەن ۇيرەنگەنى مەن ءوزىنىڭ جۇڭگودان كورگەن – بىلگەندەرىن قازاقستان حالقىنا جەتكىزەدى. قازاق ەلىنەن كەلگەن جاس ءانشى الداعى ساپارىندا ءوزىنىڭ ارمانىنا تالماي قانات قاعىپ، ءان اۋەنىن اسقاقتاتا بەرەدى دەپ سەنەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
