جۇڭگو – قازاقستان كاسىپورىندارى جەم – ءشوپ سالاسىنداعى سەلبەستىك نىساندارىنا قول قويدى

شينجياڭنىڭ مال شارۋاشىلىعىن دامىتۋدا جايىلىم مەن مال باسىنىڭ تەڭگەرىمسىزدىگى ماسەلەسىن جەڭىلدەتەدى

2017.05.17 13:44   كەلۋ قاينارى : حالىق تورابى

　　حالىق تورابى، 17 – مامىر، بەيجيڭ. «شينجياڭ گازەتىنىڭ» حابارلاۋىنشا، 14 – مامىر كۇنى «ءبىر بەلدەۋ، ءبىر جول» حالىقارالىق سەلبەستىك فورۋمىنىڭ «ساياسات جاعىندا اۋىس – كۇيىس جاساۋ مەن ستراتەگيالىق تۇرعىدان سايكەسۋدى كۇشەيتۋ» جونىندەگى پاراللەل تاقىرىپتى ماجىلىستەن ۇعىسۋعا قاراعاندا، ءتاڭىرتاۋ اۋىل شارۋاشىلىعىن دامىتۋ شەكتى سەرىكتەستىگىنىڭ جوراسى جياڭ ۋەي مەن قازاقستان اۋىل شارۋاشىلىق ونىمدەرىن ەكسپورت ەتۋ قوعامىنىڭ باستىعى باۋىرجان كۇيىس قايتاراتىن جانۋارلارعا ارنالاتىن 500 مىڭ توننا جەم – ءشوپتى دايىنداۋ نىسانىنا قارجى قوسۋ تۋرالى ستراتەگيالىق سەلبەستىك بويىنشا قارجىلاندىرۋ كەلىسىمشارتىنا قول قويدى.

　　بۇل شينجياڭداعى كاسىپورىنداردىڭ وسى رەتكى فورۋمدا قول قويعان بىردەن – ءبىر نىسانى. ۇعىسۋعا قاراعاندا، بۇل نىسانعا جيىنى 50 ميلليون ا ق ش دوللارى قوسىلادى، سالىنىپ بولعاننان كەيىن، جىلىنا 500 مىڭ توننا مانەرلەنگەن تۇيىرشىك جەم – ءشوپتى يمپورت ەتىپ، ەلىمىزدىڭ يمپورت ەتكەن جەم – ءشوپ باعاسىن بارىنشا ارزانداتادى.

　　جياڭ ۋەي: «ءبىر بەلدەۋ، ءبىر جول» دارىپتەمەسىنىڭ ىقپالىمەن نىسانداردىڭ ۇدەرىسى وتە تەز بولۋدا. جوعارىداعى نىساندى بىلتىر قىركۇيەكتە ورتاعا قويعاننان باستاپ، جۋىردا قول قويعانعا دەيىن تەك بىرنەشە اي ۋاقىت ءوتتى، بۇل نىساندى ءۇش مەرزىم بويىنشا اتقارۋدى جوسپارلاپ وتىرمىز، ءبىرىنشى مەرزىمدە 50 ميلليون ا ق ش دوللارى قارجى قوسۋدى جوسپارلادىق، ەكى جاقتىڭ سەلبەستىگىنىڭ ۇزدىكسىز تەرەڭدەۋىنە ىلەسە، نىسانعا قوسىلاتىن قارجى الدا ارتا تۇسەتىن بولادى. اتالعان نىسان شينجياڭنىڭ مال شارۋاشىلىعىن دامىتۋدا جايىلىم مەن مال باسىنىڭ تەڭگەرىمسىزدىگى سىندى كەمىستىكتى تولىقتىراتىن بولادى، - دەدى.

　　كەلۋ قاينارى: حالىق تورابى