حالىق تورابى، 26 – مامىر، بەيجيڭ. جۇڭگونىڭ قازاقستاندا تۇراتىن ەلشىحاناسى 23 – مامىر قازاقستاننىڭ ەلورداسى استانا قالاسىندا جۇڭگو – قازاقستان ەكى ەل مەديا ۋاكىلدەرىنىڭ كەزدەسۋ جينالىسىن وتكىزدى. جۇڭگونىڭ قازاقستاندا تۇراتىن باس ەلشىسى جاڭ حانحۇي كەزدەسۋ جينالىسىنا قاتىناستى ٵرى ءسوز سويلەدى. جۇڭگو مەن قازاقستاننىڭ 20 نەشە مەديالارىنىڭ 40تان استام ۋاكىلى سول كۇنگى قيمىلعا قاتىناستى.
ەلىمىزدىڭ باس ەلشىسى جاڭ حانحۇي كەزدەسۋگە كەلگەن ۋاكىلدەرگە «ءبىر بەلدەۋ، ءبىر جول» حالىقارالىق سەلبەستىك جينالىسىنىڭ بەيجيڭدە ءساتتى وتكىزىلگەندىگىن ەگجەي- تەگجەيلى تانىستىردى، قازاقستان پرەزيدەنتى نازاربايەۆتىڭ ۇسىنىسپەن جۇڭگوداعى جينالىسقا قاتىناسقانداعى تابىستارى مەن ماڭىزدىلىعىن جوعارى باعالادى، سونىمەن بىرگە، ەكى ەل ارا جوعارى جىكتەگىلەردىڭ بارىس - كەلىسىنىڭ جيىلەي تۇسەتىندىگىن دە اڭعارتتى.
جاڭ حانحۇي كەزدەسۋ جينالىسىندا جۇڭگو مەن قازاقستاننىڭ ءوندىرىس قۋاتىندىق سەلبەستىگى، گۋمانيتارلىق اۋىس- كۇيىسى، جۇڭگونىڭ استانا الەمدىك كورمەسىنە بەلسەندىلىكپەن قاتىناساتىندىعى، ازيا قارجىلاندىرۋ بانكەسىنىڭ دامۋى تۋرالى، سونداي – اق قازاقستان مەديالارى كوڭىل ءبولىپ وتىرعان حالىقارالىق، وڭىرلىك ءتۇيىندى ماسەلەلەر جونىندە تىلشىلەردىڭ سۇراۋىنا جاۋاپ بەردى.
كەلۋ قاينارى: حالىق تورابى