جۇڭگو – قازاقستان مەديا فورۋمى استانادا وتكىزىلدى

2017.06.06 13:29   كەلۋ قاينارى : حالىق تورابى

　　حالىق گازەتى، 5 – ماۋسىم، استانا (جوۋ حانبو). ءتوراعا شي جينپيڭنىڭ قازاقستانعا ساپارلاي بارۋى ءارى شاڭحاي سەلبەستىك ۇيىمىنا مۇشە ەلدەردىڭ باسشىلار كەڭەسىنىڭ 17 – كەزەكتى ماجىلىسىنە، استانا مامانداندىرىلعان الەمدىك كورمەسىنىڭ اشىلۋ سالتىنا قاتىناسۋى قارساڭىندا، جۇڭگو – قازاقستان مەديا فورۋمى 5 – ماۋسىم كۇنى قازاقستاننىڭ ەلورداسى استانا قالاسىندا وتكىزىلدى. ەكى ەلدەگى نەگىزگى اقپارات قۇرالدارىنىڭ جاۋاپتىلارى اقپارات قۇرالدارىنىڭ ەكى ەلدىڭ دوستىق قارىم – قاتىناسى جانە ءار سالاداعى سەلبەستىگىن دامىتۋدا اتقاراتىن بەلسەندى رولىن ساۋلەلەندىرۋ جانە ەكى ەل اقپارات قۇرالدارى اراسىنداعى اۋىس – كۇيىستى كۇشەيتۋ تۋرالى جان – جاقتىلى تالقى وتكىزىپ، كەڭ اۋقىمدى تانىم بىرلىگىنە كەلدى.

　　ورتالىق ۇگىت ءبولىمى باستىعىنىڭ ورىنباسارى تو جىن مەديا فورۋمدا: ەكى ەل اقپارات قۇرالدارى جۇڭگو مەن قازاقستاننىڭ قارىم – قاتىناسىن دامىتۋدا، جۇڭگو مەن قازاقستاننىڭ دوستىعىن نىعايتۋدا بەلسەندى ۇلەس قوستى، ەكى ەل اقپارات قۇرالدارىنىڭ اراداعى اۋىس – كۇيىستى ونان ارى تەرەڭدەتىپ، جۇڭگو مەن قازاقستاننىڭ دوستىق حيكايالارىن تارتىمدى دا اسەرلى ەتىپ بايانداپ، جۇڭگو مەن قازاقستاننىڭ جان – جاقتىلى ستراتەگيالىق سەرىكتەستىك قارىم – قاتىناسىنىڭ دامۋىنداعى تىڭ ىلگەرىلەۋشىلىكتەر مەن جاڭا تابىستارىن، «ءبىر بەلدەۋ، ءبىر جولدى» بىرگە كوركەيتۋ جاعىنداعى تيپتىك وقيعالاردى ويداعىداي حابارلاپ، جۇڭگو مەن قازاقستاننىڭ دوستىعىنا كۋاگەر، سەلبەستىگىنە قوزعاۋشى بولۋىن ءۇمىت ەتەمىز، - دەدى.

　　ەكى ەل اقپارات قۇرالدارىنىڭ جاۋاپتىلارى ءتوراعا شي جينپيڭنىڭ مەملەكەتتىك ساپارىنا قاتىستى حابارلاردى بىرگە ويداعىداي ىستەپ، مۇنان بىلاي جوعارى دەڭگەيدەگى كەزدەسۋلەردى ۇزبەي ۇيىمداستىرىپ، تىلشىلەردى، رەداكتورلاردى، جۇرگىزۋشىلەردى ءوزارا ۇيرەنۋگە جىبەرىپ، حابار الماسۋ، سۇحبات قوناعىمەن حابارلاسۋ، قىزمەتكەرلەردى تاربيەلەۋ جاعىندا تىپتەن كوپ ناقتى سەلبەستىك ورىستەتۋدى، جۇڭگو مەن قازاقستاننىڭ اقپارات سالاسىنداعى اۋىس – كۇيىسىن جان – جاقتىلى، ءار سالادا، ءتۇرلى دەڭگەيدە دامىتا ءتۇسۋ تۋرالى ويلارىن ءبىلدىردى.

　　كەلۋ قاينارى: حالىق تورابى