ۇرىمجىدەن الماتىعا «جاڭا جول» اشىلدى
2017.09.27 14:47 كەلۋ قاينارى : حالىق تورابى
حالىق تورابى، 27 – قىركۇيەك، بەيجيڭ. ءۇرىمجى تەمىر جول مەكەمەسى 26 – قىركۇيەك كۇنى، 30 – قىركۇيەكتەن باستاپ ۇرىمجىدەن قورعاس وتكەلى ارقىلى شەكارادان شىعىپ، تىكە قازاقستاننىڭ الماتى قالاسىنا باراتىن حالىقارلىق ساياحات پويەزى قاتىنايتىنىن جاريالادى، بۇل بۇدان بۇرىنعى شينجياڭ الاتاۋ ساعاسى وتكەلىنەن شىعىپ الماتىعا بارۋعا قاراعاندا، كوپ ۋاقىت ۇنەمدەيدى.
ءۇرىمجى تەمىر جول مەكەمەسىنىڭ تانىستىرۋىنا قاراعاندا، جۇڭگو مەن قازاقستان تەمىر جول تاراۋلارى جاقىندا كەڭەسۋ ارقىلى 30 – قىركۇيەكتەن باستاپ، جۇڭگو جاق تەمىر جول تاراۋلارى ءۇرىمجى ــ الماتى K9795/K9796 كەزەكشى حالىقارالىق ساياحات پويەزىنىڭ الاتاۋ ساعاسى وتكەلى ـ دوستىق وتكەلىنەن شەكارادان شىعۋ جولىن قورعاس ـ التىنكول وتكەلىنەن شەكارادان شىعۋ جولىنا وزگەرتكەنىن تۇراقتاندىردى.
جاڭا لەنيا ىسكە قوسىلعاننان كەيىن، ۇرىمجىدەن الماتىعا قاتىنايتىن حالىقارالىق ساياحات پويەزىنىڭ قاتىنايتىن ارالىعى 1048 كيلومەتر بولىپ، 301 كيلومەتر جول قىسقاردى؛ قاتىنايتىن ۋاقىتى 24 ساعات مولشەرىندە بولىپ، ۇشتەن ءبىر ۋاقىت ۇنەمدەلدى. بۇل حالىقارالىق ساياحات پويەزى اۋا رايى، تاسجول وتكەلىنىڭ جابىلۋى قاتارلىلاردىڭ ىقپالىنا ۇشىرامايدى.
ۇرىمجىدەن الماتىعا قاتىنايتىن حالىقارالىق ساياحات پويەزى جىل بويى بەلگىلەنگەن ۋاقىتتا قاتىنايتىن بولىپ، اپتاسىنا ءبىر رەت قاتىنايدى. اتالعان پويەز سەنبى كۇنى ءۇرىمجى وڭتۇستىك بەكەتىنەن جولعا شىعىپ، جەكسەنبى كۇنى قورعاس وتكەلىنەن قازاقستان جاقتىڭ التىنكول وتكەلىنەن شەكارادان ٴوتىپ، سول كۇنى الماتى قالاسىنا جەتەدى؛ اتالعان پويەز دۇيسەنبى كۇنى الماتى قالاسىنان جولعا شىعىپ، سول كۇنى قازاقستان جاقتىڭ التىنكول وتكەلىنەن جۇڭگو جاقتىڭ قورعاس وتكەلىنەن شەكاراعا ٴوتىپ، سەيسەنبى كۇنى ءۇرىمجى وڭتۇستىك پويەز بەكەتىنە جەتەدى.
اتالعان لەنياداعى پويەز جايلى توسەك ۆاگونىن قوسۋدان سىرت، جۇڭگو – قازاقستان جاقتىڭ تەمىر جول تاراۋلارى تاعى اقىلداسىپ بەلەت ساتۋ ۋاقىتىن دا ىڭعايلاستىردى، جولاۋشىلار ءۇرىمجى وڭتۇستىك بەكەتى، قورعاس بەكەتىنەن اتالعان پويەز جولعا شىعۋدان 90 مينۋت بۇرىن بەلەت ساتىپ الۋىنا بولادى.
تەمىر جول تاراۋلارى قالىڭ جولاۋشىلارعا مىنانى ەسكەرتەدى: حالىقارالىق ساياحات پويەزىنىڭ بەلەتىن 60 كۇن بۇرىن ساتىپ الۋىنا بولادى، بەلەت ساتىپ العان كەزدە، بەلەت ساتاتىن ورىندارعا كۇشكە يە پاسپورتى مەن ۆيزاسىن كورسەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
