«نۇرسۇلتان نازاربايەۆ جانە قازاقستاننىڭ قارىشتى قادامى» كىتابىنىڭ حانزۋ تىلىندەگى اۋدارماسىنىڭ تۇساۋ كەسەرى بەيجيڭدە وتكىزىلدى
2017.11.07 14:00 كەلۋ قاينارى : حالىق تورابى
ۇلى بريتانيا اكىمشىلىك كەڭسەسىندە، پارلامەنتىندە لاۋازىمدى قىزمەتتەر اتقارىپ، ۇلى بريتانيانىڭ بۇرىنعى باس ءۋازىرى ساچەر حانىم، ا ق ش – تىڭ بۇرىنعى پرەزيدەنتى نەكسون سىندى تانىمالى ساياساتكەرلەردىڭ ءومىر بايانىن جازعان انگليالىق قالامگەر جوناتان ايتكەننىڭ قازاقستاننىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆ جونىندەگى «نۇرسۇلتان نازاربايەۆ جانە قازاقستاننىڭ قارىشتى قادامى» اتتى كىتابىنىڭ حانزۋ تىلىندەگى اۋدارماسىنىڭ تۇساۋ كەسەرى 6 – قاراشا كۇنى بەيجيڭدەگى دياۋيۇيتاي مەملەكەتتىك قوناق ۇيىندە وتكىزىلدى. تۇساۋ كەسەر سالتىن قازاقستاننىڭ جۇڭگودا تۇراتىن باس ەلشىلىگى، حالىق باسپاسى، جۇڭگو شينشيڭ توبى بىرگە ۇيىمداستىرعان.
اتالعان ءومىر باياندىق كىتاپتا قازاقستان پرەزيدەنتى نازاربايەۆتىڭ ءومىر بەلەستەرى، جەتىلۋ جولدارى، دارا قاسيەتتەرى، قىسىلتاياڭ كەزەڭدەردەگى دانا شەشىمدەرى باياندالىپ، ونىڭ كەمەڭگەر تۇلعاسى سومدالعان، كىتاپ وقىرمانعا قازاقستان مەن ونىڭ تۇڭعىش پرەزيدەنتىن جان – جاقتىلى تانىستىرادى. بۇل كىتاپتى جازۋ ءۇشىن اۆتور نۇرسۇلتان نازاربايەۆتىڭ وزىمەن جانە باسقا دا ماڭىزدى قايراتكەرلەرمەن كوپ رەت سۇحباتتا بولىپ، بۇرىن ەش جەردە جاريالانباعان ءبىرتالاي تاريحي ماتەريالداردى جيناقتاعان، سوندىقتان دا كىتاپتىڭ تاريحي ماتەريال رەتىندە قۇنىن جوعارى باعالاۋعا بولادى. كىتاپتىڭ ءتۇپ نۇسقاسى اعىلشىن تىلىندە جازىلىپ، بۇگىنگە دەيىن قازاق، ورىس، حانزۋ، كورەي، تۇرىك تىلدەرىنە اۋدارىلعان.
قازاقستان پرەمەر – مينيسترىنىڭ ورىنباسارى مىرزاحمەتوۆ كىتاپتىڭ نەگىزگى مازمۇنى جايلى توقتالا كەلە، بۇل كىتاپتىڭ قازاقستاننىڭ تۇڭعىش پرەزيدەنتىنىڭ ءومىر بايانىن نەگىز ەتە وتىرىپ، قازاقستاننىڭ باستان كەشكەن قيىنشىلىقتارىن، جاڭا مەملەكەتتى كوركەيتۋ جولىنداعى اسقان اسۋلارىن باياندايتىنىن ايتتى. كىتاپتىڭ حانزۋ تىلىندە جارىق كورۋىنىڭ قازاقستان مەن جۇڭگو اراسىنداعى ديپلوماتيالىق قارىم – قاتىناستاردىڭ 25 جىلدىعىنا سايكەس كەلىپ وتىرعانىن تىلگە تيەك ەتىپ، قازاقستاننىڭ «نۇرلى جول» باعدارلاماسى مەن جۇڭگونىڭ «ءبىر بەلدەۋ، ءبىر جول» دارىپتەمەسىنىڭ ۇندەسۋى جۇڭگو مەن قازاقستان اراسىنداعى قارىم – قاتىناستى جاڭا دەڭگەيگە كوتەرەتىنىنە سەنىمىن ءبىلدىردى.
جۇڭگو سىرتقى ىستەر مينيسترىنىڭ كومەكشىسى لي حۇيلاي نۇرسۇلتان نازاربايەۆتىڭ كورەگەن كوشباسشىلىعىنىڭ ارقاسىندا قازاقستاننىڭ ورنىقتى دامىعانىن، حالىق تۇرمىسىنىڭ كورنەكتى جاقسارعانىن، حالىقارالىق ورنىنىڭ جوعارىلاعانىن اتاپ ءوتىپ، قازاقستان مەن جۇڭگونىڭ ديپلوماتيالىق قارىم – قاتىناس ورناتقان 25 جىلدان بەرى ءوزارا قۇرمەت پەن تيىمدىلىك جەتكىزۋ نەگىزىندە سەلبەستىك ارناسىن ۇزدىكسىز كەڭەيتىپ، ساياسي جاقتا جوعارى ورەدە سەنىمدىلىك ورناتىپ، ەكونوميكالىق جاقتا بىرگە دامۋعا بەت تۇزەگەنىن، حاۋىپسىزدىك جاعىندا تىعىز سەلبەسىپ، مادەنيەت جاعىندا ءوزارا اۋىس – كۇيىستى كۇشەيتكەنىن، حالىقارالىق ىستەردە ءبىر – بىرىنە قولداۋ كورسەتكەنىن ايىرىقشا اتاپ ءوتتى.
حالىق باسپاسىنىڭ باستىعى حۋاڭ شۋيۋان اتالعان كىتاپتىڭ جەكە ادامنىڭ ءوسىپ جەتىلۋىنە زور شابىت سيلايتىن، قازاقستان تۋرالى مول ماعلۇمات بەرەتىن كىتاپ ەكەنىن ايتىپ، جۇڭگو مەن قازاقستان قارىم – قاتىناسىن بەلسەندى جەبەپ، حالىق اراسىنداعى اۋىس – كۇيىستى ىلگەرىلەتىپ، ەكى ەل دوستىعىن تەرەڭدەتۋدە زور ءمان الاتىنىن جەتكىزدى.
تۇساۋ كەسەر سالتقا قازاقستان پرەمەر – مينيسترىنىڭ ورىنباسارى، جۇڭگو سىرتقى ىستەر مينيسترىنىڭ كومەكشىسى، قازاقستاننىڭ جۇڭگودا تۇراتىن باس ەلشىسى، كىتاپ اۆتورى جانە رەسەي، وزبەكستان، تاجىكستان، ازەربايجان، ارمەنيا، تۇركىمەنستان، گرۋزيا ەلدەرىنىڭ باس ەلشىلەرى قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
