ءۇرىمجى – تاشكەنت ارالىعىنا توتە جۇك پويەزى تۇڭعىش رەت قاتىنادى

2017.11.16 14:10   كەلۋ قاينارى : حالىق تورابى

　　حالىق تورابى، 16 – قاراشا، بەيجيڭ. ءتاڭىرتاۋ تورابىنىڭ حابارلاۋىنشا، 42 جۇك قورابىنا كيىم – كەشەك پەن تۇرمىستىق بۇيىمداردى، اۆتوكولىك زاپشاستارىن تولتىرا تيەگەن X9091 جۇك پويەزى 14 – قاراشا كۇنى ساعات 17دە جۇڭگو – ەۆروپا كەزەكتى پويەزدەرىنىڭ ۇرىمجىدەگى جينالۋ ورتالىعىنان جولعا شىقتى.


　　ۇعىسۋعا قاراعاندا، X9091 جۇك پويەزى ــ جۇڭگو – ەۆروپا كەزەكتى پويەزى ءۇرىمجى جينالۋ ورتالىعىنان تۇڭعىش رەت جولعا شىققان ءۇرىمجى – تاشكەنت اراسىنا توتە قاتىنايتىن جۇك پويەزى. اتالعان پويەز قورعاس وتكەلىنەن شىعىپ، قازاقستان ارقىلى 5 كۇندە 1990 كيلومەتر جول باسىپ، وزبەكستان استاناسى تاشكەنتكە جەتەدى.


　　شينجياڭ حۇڭيۇن حالىقارالىق جۇك پويەزى ۋاكىلدىك سەرىكتەستىگى باس ديرەكتورىنىڭ ورىنباسارى جاڭ چيانشىن: بۇل پويەز بۇرىنعى تاسىمال ۋاقىتىنىڭ تەڭ جارتىسىن ۇنەمدەپ، زات تاسىمالداۋ ونىمدىلىگىن جوعارىلاتتى، _ دەيدى. بۇرىن تاشكەنتكە جەتكىزىلەتىن زاتتاردى اۆتوموبيل جۇك قوراپتارىن قوسارلاۋ ارقىلى الماتىعا جەتكىزىپ، ونان بولشەك تاسىمالداۋ ارقىلى جالعاستى تاسىلاتىن، تاسىمال ءتاسىلى نەداۋىر كۇردەلى بولاتىن.


　　شينجياڭ تەمىر جول حالىقارالىق زات تاسىمالى جاۋاپكەرشىلىگى شەكتەۋلى سەرىكتەستىگى باس ديرەكتورىنىڭ ورىنباسارى نان جۇن: بۇل شينجياڭ تەمىر جولىنىڭ كولەمدەنە دامۋ جولىمەن ءجۇرۋىنىڭ ناتيجەسىندە قولعا كەلگەن تابىس ەسەپتەلەدى، ــ دەيدى.


　　كەلۋ قاينارى: حالىق تورابى