بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

جۇڭگو ساۋدانى دامىتۋ قوعامى جانە جۇڭگو حالىقارالىق ساۋدا قوعامى قازاقستاننان ۋاكىلدىك باسقارماسىن قۇردى

2017.12.19 13:53   كەلۋ قاينارى : حالىق تورابى



  حالىق تورابى، 19 – جەلتوقسان، بەيجيڭ. جۇڭگو مەن قازاقستان جانە ورتا ازيا مەملەكەتتەرىنىڭ ساۋدا سەلبەستىگىن دامىتۋ ءۇشىن، جۇڭگو ساۋدانى دامىتۋ قوعامى، جۇڭگو حالىقارالىق ساۋدا قوعامى قازاقستاننان 14 – جەلتوقسان كۇنى ۋاكىلدىك باسقارماسىن قۇردى. جۇڭگو – قازاقستان ەكى ەل تاراۋلارى مەن كاسىپورىنداردىڭ ۋاكىلدەرى اتالعان ءىسشارانىڭ اشىلۋ سالتىنا قاتىناستى.

  جۇڭگو حالىقارالىق ساۋدا قوعامىنىڭ باس حاتشىسى يۇي جيانلۇڭ اشىلۋ سالتىندا بىلاي دەدى: قازاقستان جۇڭگونىڭ ورتا ازياداعى ەڭ ماڭىزدى سەرىكتەستەرىنىڭ ءبىرى، قازاقستاندا ۋاكىلدىك باسقارمانى اشۋ جۇڭگو حالىقارالىق ساۋدا قوعامىنىڭ سىرتقى قىزمەتتەرىن ورىستەتۋدەگى، مۇشەلەرگە ناقتىلى قىزمەت كورسەتۋدەگى ماڭىزدى شاراشى. جۇڭگو حالىقارالىق ساۋدا قوعامىنىڭ قازاقستانداعى ۋاكىلدىك باسقارماسى قۇرىلعاننان كەيىن، قازاقستان – جۇڭگو كاسىپورىندارىنىڭ بىرلەسىپ قارجىلاندىرىپ تيجارات جۇرگىزۋىن جەدەلدەتىپ، ەكى ەل ساۋدا قاتىناسىنىڭ دامۋىن جەبەپ، جۇڭگو – قازاقستان ەكى ەلدىڭ ٴءبىر بىرىنە پايدا جەتكىزۋىن ىسكە اسىرادى.

  جۇڭگونىڭ قازاقستانداعى ەلشىحاناسىنىڭ ۋاقىتشا ۋاكىلى ليۋ جياڭپيڭ بىلاي دەدى: جۇڭگو – قازاقستان ەكى ەل قاتىناسىنىڭ تامىرى تەرەڭدە، ەكى ەل ساۋدا سەلبەستىگى بارعان سايىن دامۋدا. جۇڭگو ساۋدانى دامىتۋ قوعامى مەن جۇڭگو حالىقارالىق ساۋدا قوعامى جۇڭگو – قازاقستاننىڭ ناقتىلى سەلبەستىگى ءۇشىن كوپتەگەن قىزمەتتەردى ىستەۋىن جەدەلدەتىپ، جۇڭگو – قازاقستان ەكى ەل ساۋدا قارىم – قاتىناسىنا زور ۇلەس قوسادى. بيىل ەكى ەل ديپلوماتيالىق قارىم – قاتىناس ورناتقانىنا 25 جىل تولدى، جۇڭگوداعى كولەمى زور، ەڭ ىقپالدى سىرتقى ساۋدا قوعامى رەتىندە، جۇڭگو ساۋدانى دامىتۋ قوعامى مەن جۇڭگو حالىقارالىق ساۋدا قوعامىنىڭ قازاقستاندا ۋاكىلدىك باسقارماسىن قۇرۋ ءدال كەزىندە بولىپ، ەكى ەل سەلبەستىگىنىڭ ونان ءارى دامۋ باعىتى مەن جاعدايىنا تۋرا كەلىپ، ەكى ەل حالقىنىڭ بىرلىكتە دامۋ ماقساتىنا ۇيلەسەدى.

  قازاقستان ۇكىمەتى، ساۋدا بىرلەستىگى جانە كاسىپورىن ۋاكىلدەرى قازاقستان جاقتىڭ جۇڭگو قارجىلاندىرۋ كاسىپورىندارىنىڭ قازاقستانعا كەلىپ قارجى قوسىپ تيجارات جۇرگىزۋىن قارسى الاتىنىن، جۇڭگو ساۋدانى دامىتۋ قوعامى مەن جۇڭگو حالىقارالىق ساۋدا قوعامىنىڭ قازاقستاندا ۋاكىلدىك باسقارماسىن قۇرۋىن قىزۋ قارسى الاتىنىن ءارى قىزمەتىنە قولداۋ كورسەتەتىنىن ءبىلدىردى.

  جۇڭگو قارجىلاندىرۋ كاسىپورىننىڭ قازاقستانداعى تيجارات جاعدايىن ٴتۇسىنۋ، جۇڭگو قارجىلاندىرۋ كاسىپورىنىنىڭ قازاقستانداعى قارجىلاندىرۋ بارىسىنداعى باجى تاپسىرۋ ورتاسىن تەرەڭ ءتۇسىنىپ، جۇڭگو قارجىلاندىرۋ كاسىپورىنىنىڭ ناقتىلى قيىنشىلىعىن شەشۋ ءۇشىن، جۇڭگو ساۋدانى دامىتۋ قوعامى مەن جۇڭگو حالىقارالىق ساۋدا قوعامىنىڭ جۇڭگو مەملەكەتتىك كوميتەتى باجى كوميتەتى سول كۇنى استانا قالاسىندا قازاقستاننىڭ قارجىلاندىرۋ كاسىپورىنىمەن اقىلداسۋ جينالىسىن وتكىزدى. جۇڭگو مۇناي سەرىكتىگى، جۇڭشين توبى، جۇڭگو بانكەسى، جۇڭگو ونەركاسىپ بانكەسى قاتارلى 40 نەشە ورىننىڭ قازاقستانداعى قارجىلاندىرۋ كاسىپورىنىنان 70كە تاياۋ ۋاكىل بۇل رەتكى جينالىسقا قاتىناستى.

  كەلۋ قاينارى: حالىق تورابى

جاۋاپتى رەداكتورى : مۇحيت امانتاي ۇلى

 سۋرەت