جۇڭگونىڭ 2018 – جىلعى تۇڭعىش توپتاعى جەمىس، كوگەنىستەرى قازاقستانعا جەتكىزىلدى

2018.01.04 13:45   كەلۋ قاينارى : حالىق تورابى

　　حالىق تورابى، 4 – قاڭتار، بەيجيڭ. سۋرەتتە: جۇڭگونىڭ 2018 – جىلعى تۇڭعىش توپتاعى جەمىس، كوگەنىستەرى 2018 – جىلى 1 – قاڭتاردا قازاقستاننىڭ ەڭ ۇلكەن ساۋدا قالاسى الماتى قالاسىنا جەتكىزىلدى.

　　ۇعىسۋعا قاراعاندا، بۇل توپتاعى جەمىس، كوگەنىستەر قورعاس جين - ي حالىقارالىق ساۋدا (توبى) شەكتى سەرىكتەستىگىنىڭ زاتتارى بولىپ، 2017 – جىلى 31 – جەلتوقسان كەشتە قورعاس كەدەنىنەن اۆتوكولىككە تيەلىپ وتكىزىلگەن.

　　قورعاس جين - ي حالىقارالىق ساۋدا (توبى) شەكتى سەرىكتەستىگى ديركتورىنىڭ ورىنباسارى يۇي حۋاننىڭ تانىستىرۋىنشا، شەكارادان شىعارىلعان ونىمدەردىڭ ەڭ نەگىزگى بولەگى الما بولعان، جالپى بەرىلگەن زاكاز جيىنى 30 اۆتوكولىككە تيەلگەن 600 توننا زات ەكەن. «جاڭا جىلدىڭ ءبىرىنشى كۇنى الماتى قالاسىنىڭ تۇرعىندارى ءبىزدىڭ ەڭ جاڭا جەمىستەرىمىزدى جەي الاتىن بولدى، مەن ولارعا باقىت تىلەيمىن» دەدى يۇي حۋان.

　　قورعاس شەكارا وتكەلى − جۇڭگو مەن قازاقستان ارالىعىنداعى ماڭىزدى وتكەل، جۇڭگونىڭ جەمىس – جيدەك، كوكونىستەرىن «باتىسقا شىعارۋداعى» ماڭىزدى جيناۋ – جونەلتۋ ورنى، ٵر كۇنى نەشە جۇزدەگەن زات اۆتوكولىكتەرى بۇل ارادان وتەدى. ساندى مالىمەتكە قاراعاندا، 2017 – جىلى قاڭتار ايىنان قاراشا ايىنا دەيىن، قورعاس شەكارا وتكەلىنىڭ ەكسپورت ەتكەن جەمىس – جيدەك، كوكونىستەرى جيىنى 119 مىڭ 100 توننا بولىپ، ۇقساس جىلداعىمەن سالىستىرعاندا 39.07 پايىز ارتقان، جالپى شينجياڭداعى شەكارالاردىڭ ەكسپورت ەتكەن جەمىس – جيدەك، كوكونىستەرىنىڭ 58.2 پايىزىن ۇستاعان.

　　كەلۋ قاينارى: حالىق تورابى