قازاقستاندا جولاۋشىلار اۆتوبوزى ورتەنىپ 52 ادام قازا بولدى

2018.01.19 15:00   كەلۋ قاينارى : حالىق تورابى

　　حالىق تورابى، 19 – قاڭتار، بەيجيڭ. قازاقستاننان رەسەيگە جولعا شىققان جولاۋشىلار اۆتوبوزى 18 – قاڭتار تۇستەن بۇرىن قازاقستاننىڭ باتىسىنداعى اقتوبە وبلىسى شەكاراسى ىشىندە ورتەنىپ، اۆتوبوز ىشىندەگى 52 ادام تۇگەل قازا بولعان.

　　قازاقستان ىشكى ىستەر مينيسترلىگى شۇعىل جاعدايعا توتەپ بەرۋ كوميتەتىنىڭ مالىمدەمەشىسى يمانقۇلوۆ اۆتوبوز ىشىندە 2 شوفەر جانە 55 جولاۋشى بار ەكەنىن، العاشقى تەكسەرۋگە قاراعاندا، بارلىق قازا بولۋشىلار وزبەكستان ازاماتى ەكەنىن، ىشىندەگى جارالانعان 5 ادامنىڭ ەمحاناعا جەتكىزىلگەنىن مالىمدەدى. قازاقستان ۇكىمەتى اقتوبە وبلىسى شۇعىل جاعدايعا توتەپ بەرۋ مەكەمەسى ۋاقىتتىق قولباسشىلىق كەڭسەسىن قۇرىپ، اتالعان ۋاقيعانىڭ ارتقى جۇمىستارىن ءبىرجايلى ەتۋگە جاۋاپتى بولعان.

　　قازاقستان ىشكى ىستەر مينيسترلىگى شۇعىل جاعدايعا توتەپ بەرۋ كوميتەتىنىڭ جاريالاعان سۋرەتىنە قاراعاندا، بۇل جولاۋشىلار اۆتوبوزى تۇگەلدەي ورتەنىپ، تەك قاڭقاسى عانا قالعان. قازىر، شۇعىل جاعدايعا توتەپ بەرۋ كوميتەتى جولاۋشىلار اۆتوبوزىنىڭ ورتەنۋ سەبەبىن انىقتاۋدا.

　　حابارعا قاراعاندا، وزبەكستان ۇكىمەتى وزبەكستان سىرتقى ىستەر مينيسترلىگى مەن شۇعىل جاعدايعا توتەپ بەرۋ مينيسترلىگىنە ۋاقيعانىڭ قاتىستى جاعدايلارىن انىقتاۋعا بۇيرىق بەرگەن.

　　كەلۋ قاينارى: حالىق تورابى