بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

900 كۇندىك قۇلشىنىسپەن 900 سەكۋندتتىق تاڭعاجايىپ وقيعانى ىسكە اسىردى (ءبىر بەلدەۋ، ءبىر جولعا ساپار)

ـ وزبەكستانداعى انگرەن – پاشا تەمىر جولىنداعى كامشىق تۋنەلىنە ساپار

گازەتىمىز تىلشىلەرى لي مان، جوۋ حانبو، شيە ياحۇڭ، ۋاڭ سىيۇي

2018.05.07 14:49     كەلۋ قاينارى : حالىق تورابى

  ءساۋىردىڭ سوڭىندا وزبەكستاندا جاز شىعا باستادى، ءبىز شىجىعان ىستىقتا، انگرەن – پاشا تەمىر جولىنداعى كامشىق تۋنەلىنە باردىق. «پرەزيدەنتتىڭ ءبىرىنشى ءنومىرلى ينجەنەرياسى» دەپ اتالىپ، جەرگىلىكتى ورىنعا زور وزگەرىس الا كەلگەن بۇل قۇرىلىستى جۇڭگو قۇرىلىسشىلارى سالعان.


  «بۇقارا ەندى تاۋ اسىپ، تاس باسىپ، باسقا مەملەكەتپەن اينالىپ جۇرمەيتىن بولدى»


  جۇڭگو تەمىر جول سەرىكتەستىگى تۋنەل مەكەمەسى توبىنىڭ كامشىق تۋنەلى نىسانىنا جاۋاپتى ەكسپورت ەتۋ بولىمشەسى پارتيا قىزمەتى كوميتەتىنىڭ شۋجيى ۋڭ جيان تىلشىگە: بۇل تۋنەل 2013 – جىلى 5 – قىركۇيەكتە رەسمي قازىلا باستاعان، 2016 – جىلى 25 – اقپاندا تۋنەل بۇكىلدەي تۇتاستىرىلعان، بۇعان 900 كۇن ۋاقىت كەتتى، ـ دەيدى. ونىڭ ايتۋىنشا، وزبەكستاننىڭ انگرەن – پاشا ەلەكترلى جالاڭ لەنيالى تەمىر جولىنىڭ جالپى ۇزىندىعى 169 كيلومەتر بولىپ، مۇندا قۇرامي تاۋلى ءوڭىرىن كەسىپ وتەتىن كامشىق تۋنەلى جالپى لەنيا ۇزىندىعىن مەڭگەرۋ سيپاتىندىق ينجەنەريا بولىپ تابىلادى، بۇل قۇرىلىستىڭ جوبالاۋ، ساتىپ الۋ، قۇرىلىس جۇرگىزۋ ىستەرىنە جۇڭگو تەمىر جول سەرىكتەستىگى تۋنەل مەكەمەسى توبى جاۋاپتى بولعان. كامشىق تۋنەلىنىڭ ۇزىندىعى 19.2 مىڭ مەتر بولىپ، نەگىزگى تۋنەلدىڭ قاتارىنان حاۋىپسىزدىك تۋنەلى جاسالعان، ونىڭ ۇزىندىعى 19.268 مىڭ مەتر.


  تىلشىلەر پويەزدە ءاندىجان بەكەتىنىڭ باستىعى احمان سامادوۆپەن ۇشىراستى. كامشىق تۋنەلى جونىندە اڭگىمەلەگەندە، ساقا تەمىر جول قىزمەتكەرى اسا تەبىرەنە: بۇل وزبەكستان تاريحىنداعى تۇڭعىش تەمىر جول تۋنەلى! ـ دەدى، تۋنەل تۇتاستىرىلاردان بۇرىن، وزبەكستاندا تەك 1000 مەتردەي عانا كەلەتىن ءبىر تاس جول تۋنەلى بار بولاتىن. كامشىق تۋنەلى وزبەكستان تەمىر جولىنداعى تۋنەل بولماۋ سىندى اقتاڭداقتى تولتىردى.


  19.2 مىڭ مەتر ۇزىندىقتاعى تۋنەل وزبەكستان عانا ەمەس، ورتا ازيا بويىنشا دا ءبىرىنشى ورىندا تۇرادى. احمان سامات تىلشىگە ماقتانىشپەن: ماعان بۇل تۋنەل وتە تانىس. پويەز تۋنەلدەن وتكەنشە 15 مينۋت ۋاقىت كەتەدى، بۇل ءدال 900 سەكۋنت. جۇڭگو قۇرىلىسشىلارى 900 كۇن ىشىندە پويەز 900 سەكۋندتا كەسىپ وتەتىن ءتاڭىرتاۋداعى عاجايىپتى ىسكە اسىردى، ـ دەدى.


  تاريحي اقتاڭداقتى تولتىرۋدان سىرت، كامشىق تۋنەلى تۇڭعىش رەت وزبەكستاننىڭ شىعىسىنداعى جان سانى تىعىز ورنالاسقان فەرعانا وبلىسى، ءاندىجان وبلىسى، نامانعان وبلىسى قاتارلى ءۇش وبلىستى ىشكى جەرلەرمەن تىكە بايلانىستىردى، بۇل ماڭىزدى ستراتەگيالىق جانە ەكونوميكالىق ءمان الادى. كەزىندە كامشىق تۋنەلىنە قاتىستى ەكسپورت ەتۋ نىسانىنىڭ باس ديرەكتورى جاي فەيفەيدىڭ تىلشىگە ايتۋىنشا، تۋنەل تۇتاستىرىلۋدان بۇرىن، وزبەكستاننىڭ شىعىسىنداعى ءۇش وبلىس پەن اتالعان ەلدىڭ ىشكى بولەگىندەگى ۇلكەن قالالار اراسىنداعى تەمىر جول تاسىمالى كورشى ەلدى باسىپ وتەتىن. قازىر ەل استاناسى تاشكەنتتەن پويەزگە وتىرىپ ءبىر بەكەت ءجۇرىپ قانا فەرعانا وبلىسىنىڭ پاشا قالاسىنا بارۋعا بولادى، بۇل تاسىمالدىڭ وزىندىك قۇنىن بارىنشا تومەندەتەدى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار