بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

تاجىكستان پرەزيدەنتى راحمان شۇي چيلياڭمەن كەزدەستى

2018.09.06 13:46     كەلۋ قاينارى : حالىق تورابى

  حالىق تورابى، 6 – قىركۇيەك، بەيجيڭ. تاجىكستان پرەزيدەنتى راحمان 5 – قىركۇيەك كۇنى دۋشانبەدە ساپارلاي كەلگەن ورتالىق اسكەري ىستەر كوميتەتى ءتوراعاسىنىڭ ورىنباسارى شۇي چيلياڭمەن كەزدەستى.

  شۇي چيلياڭ ەڭ الدىمەن ءتوراعا شي جينپيڭنىڭ پرەزيدەنت راحمانعا دەگەن شىن ىقىلاسى مەن ىزگى تىلەگىن جەتكىزدى. راحمان العىسىن ءبىلدىردى ءارى ءتوراعا شي جينپيڭعا ءوزىنىڭ شىن ىقىلاسى مەن ىزگى تىلەگىن جەتكىزۋىن ءوتىندى.

  راحمان بىلاي دەدى: جۇڭگو تاجىكستاننىڭ ۇلى كورشىسى. تاجىكستان تاۋەلسىزدىك العاننان بەرى، جۇڭگو جاق تاجىكستاندى تاباندىلىقپەن قولداپ، كومەك كورسەتىپ كەلەدى، ەكى ەلدىڭ ءارقايسى سالاداعى سەلبەستىگى بارعان سايىن دامىپ، جان – جاقتىلى ستراتەگيالىق سەرىكتەستىك قاتىناسى بارعان سايىن تەرەڭدەۋدە. تاجىكستان افعانستان جاعدايىنىڭ وزگەرىسى مەن وڭىرلەردىڭ حاۋىپسىزدىك جاعدايىنا اسا ءمان بەرەدى، تاجىكستان جۇڭگو جاقپەن ءبىر ارنادا بولىپ، اتالعان رايوندار ىستەرىندە تىعىز سايكەسىپ، شاڭحاي سەلبەستىك ۇيىمى اياسىندا اسكەري ىستەر حاۋىپسىزدىك سەلبەستىگىن كۇشەيتىپ، ەكى ەل قورعانىسى مەن حاۋىپسىزدىك سالاسىنداعى سەلبەستىگىن تەرەڭدەتۋگە پەيىلدى.

  شۇي چيلياڭ بىلاي دەدى: جۇڭگو – تاجىكستان مەن ەكى ەل حالقى ەجەلگى دوس. ەكى ەل باسشىلارىنىڭ جەبەۋىندە، ەكى ەلدىڭ ساياسي جاقتاعى سەنىمدىلىگى بارعان سايىن تەرەڭدەدى، «ءبىر بەلدەۋ، ءبىر جول» قۇرىلىسىن بىرلىكتە قۇرۋ سەلبەستىگىندە جەتىستىكتەرگە تەزدەن قول جەتكىزدى، بىرلەسكەن مەملەكەتتەر ۇيىمى، شاڭحاي سەلبەستىك ۇيىمى قاتارلى جۇلگەلەر ىشىندە تىعىز سايكەسىپ، ەكى ەلدىڭ ورتاق مۇددەسىن ءونىمدى قورعادى. جاقىنعى جىلداردان بەرى، ەكى ەلدىڭ ءارقايسى سالاداعى سەلبەستىگى بارعان سايىن العا باسىپ، شاڭحاي سەلبەستىك ۇيىمى قاتارلى كوپ جاقتىلى سالاداعى قورعانىس ىستەرى حاۋىپسىزدىگى سەلبەستىگىندە كەسەك تابىستارعا قول جەتكىزدى. جۇڭگو جاق تاجىكستانمەن ءبىر ارنادا بولىپ، ەكى ەل باسشىلارىنىڭ بىرلىككە كەلگەن ماڭىزدى ورتاق تانىمىن تياناقتاندىرىپ، ەكى ەل اسكەري ىستەرىندەگى ناقتىلى قارىم – قاتىناسى مەن سەلبەستىگىن تەرەڭدەتىپ، ستراتەگيالىق ءوزارا سەنىمدىلىكتى ونان ارى ارتتىرىپ، ەكى ەل ارميا قاتىناسى ورەسىن جوعارىلاتىپ، جۇڭگو – تاجىكستان جان – جاقتىلى ستراتەگيالىق سەرىكتەستىك قاتىناسىن ىشكەرىلەي دامىتۋدى جەبەپ، وڭىرلەردىڭ بەيبىتشىلىگى مەن ورنىقتىلىعىن قورعاۋدا ماڭىزدى رولىن ساۋلەلەندىرۋگە پەيىلدى.

  سول كۇنى تۇستەن بۇرىن، شۇي چيلياڭ تاجىكستاننىڭ قورعانىس مينيسترى ميرزومەن رەسمي كەڭەس وتكىزگەن بولاتىن.

  جۇڭگونىڭ تاجىكستاندا تۇراتىن ەلشىسى يۋە بين قاتارلىلار كەزدەسۋگە قاتىناستى.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار