بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جۇڭگو كومەكتەسىپ سالعان قازاقستانداعى كۇن ەنەرگياسى جانە جەل ەنەرگياسى ەلەكتر ستانسياسى پايدالانۋعا بەرىلدى

جۇڭگو مەن قازاقستاننىڭ جاڭا ەنەرگيا سالاسىنداعى سەلبەستىگىنىڭ ۇلگى ينجەنەرياسىن بىرگە سالىپ شىقتى

2018.12.03 15:04     كەلۋ قاينارى : حالىق تورابى


 


  جۇڭگو جاق كومەكتەسىپ سالعان قازاقستانداعى كۇن ەنەرگياسى جانە جەل ەنەرگياسى ەلەكتر ستانسياسى جۋىردا پايدالانۋعا بەرىلدى. سۋرەتتە: كۇن ەنەرگياسى ەلەكتر ستانسياسىنىڭ ءبىر ءمۇيىسى. حالىق گازەتىنىڭ ءتىلشىسى جوۋ حانبو فوتوسى


  جەرگىلىكتى ۋاقىت بويىنشا 11 – ايدىڭ 30 – كۇنى جۇڭگو ۇكىمەتى كومەكتەسىپ سالعان، جۇڭشين قۇرىلىس شەكتى جاۋاپكەرشىلىك سەرىكتەستىگى سالۋ مىندەتىن ورىنداعان ءبىر مەگاۆاتتىق كۇن ەنەرگياسى ەلەكتر ستانسياسى مەن 5 مەگاۆاتتىق جەل ەنەرگياسى ەلەكتر ستانسياسىن وتكىزىپ بەرۋ – وتكىزىپ الۋ سالتى قازاقستاننىڭ وڭتۇستىك بولەگىندەگى الماتى قالاسىندا وتكىزىلدى. اتالعان نىسان جۇڭگو مەن قازاقستان ەكى ەلدىڭ تۋىندامالى ەنەرگيا سالاسىنداعى سەلبەستىك ورەسىن جوعارىلاتىپ، قازاقستاننىڭ تازا ەنەرگيانى جالپىلاستىرۋىنا بەلسەندى رول اتقارادى. «ءبىر بەلدەۋ، ءبىر جول» دارىپتەمەسى مەن قازاقستاننىڭ «نۇرلى جول» جاڭا ەكونوميكالىق ساياساتىنىڭ ىشكەرىلەي ۇشتاستىرىلۋىنا ىلەسە، اناعۇرلىم مول سەلبەستىك نىساندارى ءساتتى تۇردە اتقارىلىپ، ەكى ەل مەن ەكى ەل حالقىنا شىنايى تيىمدىلىك جەتكىزدى.


  «جەل ەلەكتر گەنەراتورى توبى قازاقستاننىڭ جەل ەلەكتر گەنەراتورى توبىنىڭ جەكە گەنەراتور سيىمدىلىعىنىڭ رەكوردىن جاڭالادى»


  2017 – جىلى 9 – ايدا جۇڭگو مەن قازاقستان ەكى ەل ۇكىمەتى قازاقستانعا ءبىر مەگاۆاتتىق كۇن ەنەرگياسى مەن 5 مەگاۆاتتىق جەل ەنەرگياسى ەلەكتر تاراتۋ قۇرىلعىسى نىسانىن تەگىن بەرۋ نىسانىن باستاۋدى رەسمي ماقۇلداعان. مۇندا كۇن ەنەرگياسى ەلەكتر ستانسياسى الماتى قالاسى الاتاۋ جاڭالىق جاراتۋ عىلىم – تەحنيكا باقشاسىنا ورنالاستىرىلعان، جەل ەنەرگياسى ەلەكتر ستانسياسى الماتى وبلىسى ماساق اۋىل شارۋاشىلىعى وڭىرىنە ورنالاستىرىلعان. مەردىگەر شاقىرۋ ارقىلى جۇڭشين قۇرىلىس شەكتى جاۋاپكەرشىلىك سەرىكتەستىگى اتالعان نىساندى سالاتىن بولىپ تۇراقتاندىرىلىپ، 2017 – جىلى 12 – ايدا قۇرىلىستى باستاپ سالعان، بيىل 11 – ايدا قۇرىلىس پايدالانۋعا بەرىلگەن.


  جۇڭشين قۇرىلىس سەرىكتەستىگىنىڭ شىعىس ەۆروپا جانە تاۋەلسىز ەلدەر دوستاستىعىنا قاتىستى جۇمىس ءبولىمىنىڭ باس ديرەكتورى لي جيانحۇي وتكىزىپ بەرۋ – وتكىزىپ الۋ سالتىندا مىنانى ءبىلدىردى: بۇل جۇڭگو مەن قازاقستان ەكى ەلدىڭ جاڭا ەنەرگيا سالاسىنداعى سەلبەستىگىنىڭ ۇلگى ينجەنەرياسى، جۇڭشين قۇرىلىس توبى «ءبىر بەلدەۋ، ءبىر جول» دارىپتەمەسىنە بەلسەندى تۇردە ءۇن قوسىپ، قازاقستاننىڭ «نۇرلى جول» جاڭا ەكونوميكالىق ساياساتى قۇرىلىسىنا اتسالىسىپ، جەرگىلىكتى ورىندا ىلگەرىندى – كەيىندى بىرنەشە ءىرى نىساندى مىندەتىنە الدى. كۇن ەنەرگياسى جانە جەل ەنەرگياسى نىسانىن سالۋ بارىسىندا، قۇرىلىسشىلار سۇركەيلى كليمات، قۇرىلىس جۇرگىزۋ ۋاقىتىنىڭ قىسقا بولۋى، جەرگىلىكتى ورىنداعى تەحنيكالىق قىزمەتكەرلەردىڭ كەمشىل بولۋى قاتارلى ءىس جۇزىندىك قيىنشىلىقتاردى جەڭىپ، ينجەنەريا قۇرىلىسىن مەرزىمىنەن بۇرىن ورىنداپ، نىساننىڭ يەگەرى مەن جۇڭگو جاقتان كەلگەن ۇجىمنىڭ ساپا جاعىنداعى تەكسەرۋى مەن قۇرىلىستى وتكىزىپ الۋ تەكسەرۋىنەن جەكە – جەكە ءوتتى.


  نىساننىڭ جاۋاپتىسى ان شياۋدۇڭ تىلشىگە رەتتى تىزىلگەن كۇن ەنەرگياسى باتەريالارىن كورسەتىپ تۇرىپ بىلاي دەدى: كۇن ەنەرگياسى نىسانى قازاقستاننىڭ فوتوۆولتتىق توك تاراتۋ ۇلگى ينجەنەرياسى بولىپ، ونىڭ ۇلگى بولۋ، جالپىلاستىرىلۋ، وقۋ - وقىتۋدا قولدانىلۋ قاتارلى كوپ ءتۇرلى رولى بار، ءبىز كوپ كريستالدى كرەمني جانە جالقى كريستالدى كرەمني سىندى ەكى ءتۇرلى باتەريا تاقتاسىن پايدالانىپ، تۇراقتى تىرەۋ مەن تەڭشەۋگە بولاتىن تىرەۋ سىندى ەكى ءتۇرلى قۇراستىرۋ ءتاسىلىن قولدانىپ، تۇرلىشە قۇراستىرۋ ءتاسىلىنىڭ ەرەكشەلىگى مەن پايدالانۋ ءتاسىلىن شوعىرلى تۇردە كورسەتتىك.


  كاسىپورىننىڭ جەرگىلىكتى ورىنداعى دامۋ جوسپارى جونىندە، ان شياۋدۇڭ: بولاشاقتا ءبىز قازاقستاننىڭ وڭتۇستىك بولەگىندەگى قۋاڭ، كۇن نۇرى كۇشتى وڭىرلەردە اۋىل شارۋاشىلىعى قالتقىسى جانە فوتوۆولتتىق نىسان امبەباپ تۇلعالارىن سىناق رەتىندە سالۋدى جوسپارلاپ وتىرمىز، مۇنى تامشىلاتىپ سۋارۋ تەحنيكاسىمەن بىرلەستىرىپ، جاسىل اۋىل شارۋاشىلىعى مەن تازا ەنەرگيانى ورگانيكالى تۇردە ۇشتاستىرىپ، ەكونوميكالىق ونىمدىلىگىن جوعارىلاتپاقشىمىز، — دەدى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار