بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جۇڭگو – ورتا ازيا 6 – كەزەكتى سەلبەستىك فورۋمى وتكىزىلدى

ۋاڭ چىن اشىلۋ سالتىنا قاتىناستى ءارى ءسوز سويلەدى

2018.12.13 14:12     كەلۋ قاينارى : حالىق تورابى

  شينحۋا اگەنتتىگى، 12 – ايدىڭ 12 – كۇنى، نانجيڭ (ءتىلشى: لۋ حۋادۇڭ) جۇڭگو – ورتا ازيا 6 – كەزەكتى سەلبەستىك فورۋمى 12 – ايدىڭ 12 – كۇنى ياڭجوۋدا وتكىزىلدى. ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى ۋاڭ چىن فورۋمعا قاتىناستى ءارى ءسوز سويلەدى.


  ۋاڭ چىن مىنانى ءبىلدىردى: جۋىرداعى جىلداردان بەرى، ءتوراعا شي جينپيڭ مەن ورتا ازياداعى ءار ەل باسشىلارىنىڭ ستراتەگيالىق جەتەكشىلىك ەتۋى جانە تىكەلەي ىلگەرىلەتۋىمەن، جۇڭگو مەن ورتا ازياداعى ءار ەل ءوزارا قارىم – قاتىناس جاعىندا مول تابىسقا قول جەتكىزىپ، ءوزارا سەنىمدىلىك، ادىلدىك- تەڭدىك، سەلبەسە وتىرىپ ورتاق يگىلىككە كەنەلۋ سىندى جاڭاشا حالىقارالىق قارىم – قاتىناس ۇلگىسىن تىكتەدى. قازىر دۇنيە ءجۇزى زور دامۋ، زور وزگەرىس، بارىنشا رەتتەلۋ كەزەڭىندە تۇر، جۇڭگو بەيبىتشىلىك، دوستىق، سەلبەستىك سىندى ديپلوماتيالىق قارىم – قاتىناستا تاباندى بولىپ، تاتۋلىق، شىن پەيىلدىلىك، تيىمدىلىك جەتكىزۋ، سيىسىمدى بولۋ سىندى توڭىرەكتىك ديپلوماتيانى ۇستانىپ، ەكى جاق باسشىلارى ماقۇلداعان ماڭىزدى ورتاق تانىمدى ورتا ازياداعى ەلدەرمەن بىرگە مۇقيات تياناقتاندىرىپ، ساياسي جاقتاعى ءوزارا سەنىمدىلىكتى اناعۇرلىم بەكەمدەپ، ەكونوميكا جانە ساۋدا جاعىنداعى اۋىس – كۇيىستى ارتتىرىپ، زاڭ اتقارۋ جانە حاۋىپسىزدىك جاعىنداعى سەلبەستىكتى كۇشەيتىپ، حالىق تىلەگىن توعىستىرىپ، حالىقارالىق سەلبەستىكتى نىعايتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.


  ۋاڭ چىن مىنانى ءبىلدىردى: قازىر جۇڭگو مەن ورتا ازيا ەلدەرى اراسىنداعى «ءبىر بەلدەۋ، ءبىر جول» سەلبەستىگى جاپپاي تەرەڭدەتىلىپ، ەكى جاق سەلبەستىگىنىڭ نەگىزگى ارقاۋىنا اينالىپ، تالاي - تالاي ماڭىزدى جەتىستىكتەرگە قول جەتكىزدىك. جۇڭگو جاق الدا ۇزدىكسىز بىرگە كەڭەسۋ، بىرگە كوركەيتۋ، بىرگە يگىلىكتەنۋ پرينسيپى جانە تەڭ تۇرعىدا مامىلە جاساۋ، ءوزارا تيىمدىلىك جەتكىزۋ جانە ورتاق پايدالانۋ رۋحى بويىنشا، ورتا ازيا ەلدەرىمەن دامۋ ستراتەگياسىن ۇشتاستىرۋدى كۇشەيتىپ، ەكونوميكا جانە ساۋدا، قارجىلاندىرۋ، ءوندىرىس قۋاتى، ءوزارا بايلانىس، ەنەرگيا، فينانس قاتارلى سالالارداعى سەلبەستىكتى ۇزدىكسىز تەرەڭدەتىپ، ەكى جاقتىڭ جوعارى دەڭگەيدەگى ءوزارا سەنىمدىلىك جانە ەكونوميكالىق جاقتاعى ءوزارا تولىقتاۋ باسىمدىلىعىن اناعۇرلىم مول ناقتى سەلبەستىك ناتيجەلەرىنە اينالدىرۋعا كۇش سالادى.


  بۇل رەتكى فورۋم «جىبەك جولى وركەنيەتتەرىن توعىستىرىپ، سەلبەستىك پەن ورتاق يگىلىكتەنۋدى تەرەڭدەتۋ» اتتى تاقىرىپتا وتكىزىلدى، فورۋمدى شاڭحاي سەلبەستىك ۇيىمى تاتۋ كورشىلەر سەلبەستىك كوميتەتى مەن ياڭجوۋ قالالىق حالىق ۇكىمەتى بىرگە ۇيىمداستىرعان. ورتا ازياداعى بەس ەلدىڭ ساياسي قايراتكەرلەرى مەن جۇڭگو جاقتىڭ قاتىستى تاراۋلارىنىڭ جانە كاسىپورىندارىنىڭ ۋاكىلدەرى بولىپ، 200گە جۋىق ادام قاتىناستى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار