قازاقستاندا ەلەكتروندىق ساۋدا ارىندى دامۋدا
حالىق گازەتىنىڭ قازاقستاندا تۇراتىن ءتىلشىسى جوۋ حانبو
2019.02.22 16:19 كەلۋ قاينارى : حالىق تورابى
قازاقستاننىڭ اقپارات جانە كوممۋنيكاتسيا مينيسترى داۋرەن ابايەۆتىڭ ۇكىمەت قىزمەتى ماجىلىسىندە ايتۋىنشا، 2018 – جىلى قازاقستاننىڭ ەلەكتروندىق ساۋدا سالاسىنداعى ساۋدا – ساتتىق مولشەرى كورنەكتى تۇردە ارتقان. قازىر جىلجىمالى تولەۋ قىزمەتى دۇنيە ءجۇزى بويىنشا دامۋ بەتالىسىنا اينالدى، قازاقستان دا بۇعان ايرىقشا نازار اۋدارىپ وتىر ءارى قاتىستى سالالاردا بەلسەندى تۇردە ىزدەنىس جاساۋدا.
بىرنەشە جىلدان بەرى، قازاقستاننىڭ ەلەكتروندىق ساۋدا نارىعىنىڭ بەينەسى جاقسى. قازاقستان ۇكىمەتىنىڭ ساناق دەرەكتەرىنە قاراعاندا، 2018 – جىلى اتالعان ەلدەگى ينتەرنەت ارقىلى زات ساتىپ الاتىن ادامداردىڭ سانى 2 ميلليون 320 مىڭ ادام بولىپ، الدىڭعى جىلعى وسى مەزگىلدەگىمەن سالىستىرعاندا %18 ارتقان، ەلەكتروندىق ساۋدا نارىعىنىڭ كولەمى دە 226 ميلليارد تەڭگە (شامامەن 600 ميلليون ا ق ش دوللارى) بولعان، شەكارا ىشىندەگى جەدەل جولداما سانى 36 ميلليون داناعا جەتىپ، 2017 – جىلداعىمەن سالىستىرعاندا %60 ارتقان. مامانداردىڭ مەجەلەۋىنشە، 2020 – جىلعا بارعاندا، قازاقستاندا ەلەكتروندىق ساۋدا نارىعىنىڭ كولەمى 2 ميلليارد ا ق ش دوللارىنان اسۋى مۇمكىن.
قازىر مەملەكەتتىڭ وسىزاماندانۋىن ىشكەرىلەي ىلگەرىلەتىپ، مەملەكەتتىڭ باسەكەلىك قۋاتىن ارتتىرۋ ءۇشىن، قازاقستان «سيفرلاندىرۋدى» مەملەكەتتىڭ بولاشاقتاعى دامۋىنىڭ 5 ماڭىزدى باعدارىنىڭ ءبىرى ەتىپ بەكىتتى، ۇكىمەت وسى جونىندە «سيفرلى قازاقستان» مەملەكەتتىك جوباسىن بەكىتتى.
قازاقستان مەن جۇڭگو اراسىنداعى ساۋدانى ىلگەرىلەتۋ قوعامىنىڭ باستىعى قانات بايسەكەيەۆ ينتەرنەتتەگى تۇتىنۋشىلاردىڭ زور مولشەردە ارتۋىنىڭ قازاقستاننىڭ ەلەكتروندىق ساۋداسىنىڭ جەدەل كوركەيۋىنىڭ ماڭىزدى العى شارتى ەسەپتەلەتىنىن ايتتى. 2013 – جىلى قازاقستاندا ينتەرنەت تۇتىنۋشىلارىنىڭ سانى مولشەرمەن 9 ميلليون 200 مىڭ ادام بولسا، 2017 – جىلى بۇل سان 13 ميلليون 900 مىڭ ادامعا كۇرت ارتقان، بۇل جالپى جان سانىنىڭ %77ىن ۇستايدى. «مەيلى ابسوليۋتتى ءمانى جاعىنان بولسىن، مەيلى تۇتىنۋشىلار سانىنىڭ سالىستىرماسى بولسىن، قازاقستاننىڭ ينتەرنەت تۇتىنۋشىلارىنىڭ سانى ورتا ازياداعى بەس ەلدىڭ ەڭ الدىڭعى ورنىندا تۇرادى».
ەلەكتروندىق ساۋدانىڭ دامۋىن ىلگەرىلەتۋ ءۇشىن، قازاقستان مەملەكەتتىك پوچتا سەرىكتەستىگىن تەكشە ەتە وتىرىپ، الماتى، استانا جانە اقتوبە قالالارىندا 3 زات اينالىمى ورتالىعىن قۇرىپ، سايكەستى قولداۋ قىزمەتىمەن قامدادى. ابايەۆ مىنانى اتاپ كورسەتتى: پوچتا قىزمەتىن جاقسارتۋدىڭ ناتيجەسىندە زات اينالىمى تەزدىگى زور مولشەردە ارتتى. قازاقستاننىڭ ەل ىشىندەگى جولدامالاردىڭ جەتكىزىلۋ ۋاقىتى 3 كۇننەن ءبىر كۇنگە قىسقاردى، حالىقارالىق جولدامالاردىڭ ۋاقىتى 25 كۇننەن 15 كۇنگە قىسقاردى. مۇنان سىرت، قازاقستان ۇكىمەتى ەلەكتروندىق ساۋدامەن اينالىساتىندارعا باجى الۋ جاعىندا ءتيىمدى ساياسات بەكىتتى، جاڭا ساياسات 331 ساۋدا سەرىكتەستىگىنە تيىمدىلىك جەتكىزدى.
حۇيپۋ سەرىكتەستىگىنىڭ قازاقستان – قىرعىزستان وڭىرىندەگى قىزمەتتەرگە جاۋاپتى باس ديرەكتورى دانا ارتىبايەۆانىڭ تىلشىگە ايتۋىنشا، قازاقستاننىڭ ەلەكتروندىق ساۋدا نارىعىنىڭ ءورىسى كەڭ، دەگەنمەن، قازىر ءالى دە باستاپقى كەزەڭدە تۇر. قازاقستاندا قازىر ينتەرنەت ارقىلى ساتىپ الۋ تەكشەلەرى ءبىرشاما از، تەكشەلەر قامداي الاتىن زاتتار مەن قىزمەت وتەۋ تۇرلەرى دە كوپ ەمەس، قامتيتىن كولەمى تەك ءىرى قالالارمەن شەكتەلەدى. مۇنان دا ماڭىزدىسى، ينتەرنەت ارقىلى ساتىپ الۋ ادامداردىڭ ادەتىنە اينالعان جوق.
قازاقستان مەملەكەتتىك تۇتىنۋشىلار بىرلەستىگىنىڭ ءتوراعاسى سۆەتلانا رومانوۆسكايانىڭ تىلشىگە ايتۋىنشا، قازاقستانىڭ ەلەكتروندىق ساۋدا سالاسىنىڭ دامۋى ءالى دە كوپتەگەن ءىس جۇزىندىك ماسەلەلەرگە ءدوپ كەلىپ وتىر، جۇڭگونىڭ تاجىريبەلەرى قازاقستاننىڭ ۇيرەنۋىنە تاتيدى. ول: «مەن ساۋدا – ساتتىق تەكشەلەرىنىڭ قارجى حاۋىپسىزدىگىنە قالاي كەپىلدىك ەتەتىندىگى، بۇيىمدار مەن قىزمەت وتەۋ تۇرلەرىنىڭ ساپاسىنا قالاي كەپىلدىك ەتەتىنى سىندى ماسەلەلەرگە ايرىقشا نازار اۋدارامىن. بۇل جاعىندا جۇڭگو وزىق تاجىريبەلەردى جانە تەحنيكانى توپتادى، ەكى ەلدىڭ ەلەكتروندىق ساۋدا سەرىكتەستىكتەرى اۋىس – ءتۇيىس پەن سەلبەستىكتى كۇشەيتۋى، قازاقستان تۇتىنۋشىلارىنا كەپىلدىك بەرە الاتىن ينتەرنەتتىك زات ساتىپ الۋ تەكشەسىن قۇرۋى كەرەك.
2018 – جىلى 6 – ايدا قازاقستان مەن جۇڭگو ەكى ەل «ەلەكتروندىق ساۋدا سەلبەستىگى جونىندەگى تۇسىنىستىك جادىناماسىنا» قول قويىپ، ەكى ەل كاسىپورىندارىنىڭ ەلەكتروندىق ساۋدا سەلبەستىگىن ورىستەتۋىنە وڭايلىقپەن قولعا كەلمەيتىن وراي جاراتىپ بەردى. بايسەكەيەۆ قازاقستان مەن جۇڭگونىڭ شەكارا اتتاعان ەلەكتروندىق ساۋدا سەلبەستىگىنىڭ بولاشاعىنا سەنىمدى، ول قازاقستان مەن جۇڭگو ەكى ەلدىڭ ساۋدا جاعىنداعى ءبىرىن – ءبىرى تولىقتاۋ سيپاتى كۇشتى، ەلەكتروندىق ساۋدا تەكشەلەرى ساپالى، وزىندىك ەرەكشەلىككە يە ونىمدەردى شەكارا اتتاپ ساۋدالاۋدى بارىنشا ىلگەرىلەتىپ، ەكى ەلدىڭ ورتا، شاعىن كاسىپورىندارىنا اناعۇرلىم زور دامۋ كەڭىستىگىن دايىندايدى. (حالىق گازەتىنىڭ 2 – ايدىڭ 21 – كۇنى الماتىدان بەرگەن حابارى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
