قازاقستان پرەزيدەنتى وزبەكستانعا ساپارلاي باردى

تاراپتار ەكى ەلدىڭ ستراتەگيالىق ارىپتەستىك قاتىناسىن كۇشەيتەتىندىگىن ءبىلدىردى

2019.04.16 16:00   كەلۋ قاينارى : حالىق تورابى

　　حالىق تورابى، 4 – ايدىڭ 16 – كۇنى، بەيجيڭ. شينحۋا اگەنتتىگىنىڭ 4 – ايدىڭ 15 – كۇنى تاشكەنتتەن بەرگەن حابارى، وزبەكستان پرەزيدەنتى ميرزيويەۆ 4 – ايدىڭ 15 – كۇن تاشكەنتتە ساپارلاي كەلگەن قازاقستان پرەزيدەنتى توقايەۆپەن كەزدەستى. تاراپتار ەكى ەلدىڭ ستراتەگيالىق ارىپتەستىك قاتىناسىن كۇشەيتىپ، ورتا ازيانىڭ ورنىقتىلىعىن، حاۋىپسىزدىگىن، باياندى تىنىشتىعىن ساقتاۋعا كۇش سالاتىندىقتارىن ءبىلدىردى.

　　توقايەۆ 4 – ايدىڭ 14 – كۇنى وزبەكستانعا ەكى كۇندىك رەسمي ساپارىن باستاعان. توقايەۆ كەزدەسۋدە بىلاي دەدى: ەكى ەل قاتىناسى ستراتەگيالىق ارىپتەستىكتىڭ جاڭا ورەسىنە كوتەرىلدى، وسىنداي قاتىناستى ساقتاۋ جانە ونى كۇشەيتۋ ەرەكشە ماڭىزدى، قازاقستان وزبەكستانمەن بولعان ٵر سالاداعى سەلبەستىك قاتىناسىن ءتىپتى دە كۇشەيتۋدى اسىعا كۇتەدى.

　　ميرزيويەۆ ەكى ەلدىڭ ٵر سالاداعى سەلبەستىك اۋقىمىنا ەرەكشە رازى ەكەندىگىن ءبىلدىردى. تاراپتار كەزدەسۋدە ەكى ەلدىڭ ساۋدا سوماسىن 5 ميلليارد امەريكا دوللارىنا جەتكىزۋ نىسانىن ورتاعا قويدى.

　　كەزدەسۋدەن كەيىن، تاراپتار ەكونوميكا، اسكەري ىستەر جانە ديپلوماتيا قاتارلى سالالارداعى سەلبەستىك كەلىسىمىنە قول قويدى، سونداي – اق بىرلەسپە مالىمدەمە جاريالادى. ەكى ەل پرەزيدەنتى تاشكەنتتە وتكىزىلگەن «قازاقستان جىلىنىڭ» اشىلۋ سالتىنا قاتىناستى.

　　وزبەكستان مەملەكەتتىك ساناق كوميتەتىنىڭ ساندى مالىمەتىنە قاراعاندا، قازاقستان وزبەكستاننىڭ ءۇشىنشى ۇلكەن ساۋدا سەرىگى، 2018 – جىلى قازاقستان مەن وزبەكستاننىڭ ساۋدا سوماسى 3 ميلليارد امەريكا دوللارىنا جەتىپ، ۇقساس مەزگىلدەگىدەن 47 پايىز ارتقان.

　　توقايەۆ 3 – ايدىڭ 20 – كۇنى سەرت بەرىپ قازاقستان پرەزيدەنتى بولعان، بۇل ونىڭ پرەزيدەنت بولعاننان كەيىن تۇڭعىش رەت وزبەكستانعا ساپارلاي بارۋى.

　　كەلۋ قاينارى: حالىق تورابى