«ءبىر بەلدەۋ، ءبىر جول» ءورىسى كەڭ ۇلى دارىپتەمە — قازاقستاننىڭ تۇڭعىش پرەزيدەنتى نازاربايەۆپەن سۇحبات
شينحۋا اگەنتتىگىنىڭ ءتىلشىسى لي بين، پىڭ تيانشياۋ، جاۋ يۇي
2019.04.27 10:42 كەلۋ قاينارى : حالىق تورابى
«‹ءبىر بەلدەۋ، ءبىر جول› ءورىسى كەڭ ۇلى دارىپتەمە»، قازاقستاننىڭ تۇڭعىش پرەزيدەنتى نازاربايەۆ 4 – ايدىڭ 26 – كۇنى شينحۋا اگەنتتىگى قاتارلى جۇڭگو اقپارات قۇرالدارىنىڭ بىرلەسكەن سۇحباتىن قابىلداعان كەزدە، «ءبىر بەلدەۋ، ءبىر جول» دارىپتەمەسىنە جوعارى باعا بەردى.
جۇڭگونىڭ مەملەكەت ءتوراعاسى شي جينپيڭنىڭ ۇسىنىسى بويىنشا، نازاربايەۆ جۇڭگوعا ساپارلاي كەلىپ، ەكىنشى كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمىنا قاتىناسۋدا. نازاربايەۆ 4 – ايدىڭ 26 – كۇنى ءوزى تۇسكەن مەيمانسارايدا «ءبىر بەلدەۋ، ءبىر جول»، قازاقستان مەن جۇڭگونىڭ قارىم – قاتىناسى، جۇڭگونىڭ رەفورما جاساپ، ەسىك اشۋى جانە جاڭا جۇڭگو قۇرىلعاندىعىنىڭ 70 جىلدىعى قاتارلى تاقىرىپتاردا جۇڭگولىق تىلشىلەردىڭ سۇحباتىن قابىلدادى.
نازاربايەۆ مىنانى ءبىلدىردى: 2013 – جىلى ءتوراعا شي جينپيڭ قازاقستانعا مەملەكەتتىك ساپاردا بولىپ، نازاربايەۆ ۋنيۆەرسيتەتىندە لەكسيا سويلەگەن كەزدە جىبەك جولى ەكونوميكالىق بەلدەۋى دارىپتەمەسىن تۇڭعىش رەت ورتاعا قويدى. «بۇگىن ءبارىمىز كۋا بولىپ وتىرمىز، بۇل دارىپتەمە قازاقستانعا اسا زور ىقپال جاسادى، 150 نەشە مەملەكەت پەن حالىقارالىق ۇيىم بۇعان قاتىناستى، ۇلاستىرۋ – تۇتاستىرۋ تورابى كەمەلدەنە ءتۇستى، وسى بارىستا كوپتەگەن ادامدار يگىلىككە كەنەلدى». ول مىنانى ءبىلدىردى: قازاقستاندا تەڭىزگە توتە شىعۋعا بولمايدى، الايدا، «ءبىر بەلدەۋ، ءبىر جول» قۇرىلىسىنىڭ ىشكەرىلەي تەرەڭدەۋىنە بايلانىستى، قازىر 6 تەمىر جول مەن 11 تاس جول قازاقستان شەكاراسىنان وتەدى، جۇڭگو – قازاقستان ليانيۇنگاڭ جۇك اينالىمى سەلبەستىك بازاسى قازاقستاننىڭ تىنىق مۇحيتقا توتە شىعاتىن جولىنا اينالدى. قازاقستاننىڭ «نۇرلى جول» جاڭا ەكونوميكالىق ساياساتى مەن «ءبىر بەلدەۋ، ءبىر جول» دارىپتەمەسى بوگەتسىز سايكەستىرىلىپ، ءونىمى كورنەكتى بولدى.
نازاربايەۆ بىلاي دەدى: قازاقستان مەن جۇڭگو جاقىن كورشىلەر، 1700 كيلومەتردەن استام ورتاق شەكاراسى بار، ەكى ەل تاتۋ كورشىلىك سەلبەستىك شارتىنا قول قويعان، بارلىق شەكارالىق ماسەلەلەردى شەشكەن، ەكى ەلدىڭ شەكاراسىن دوستىق پەن سەلبەستىك شەكاراسى ەتكەن. قازىر ەكى ەل تياناقتاندىرىپ جاتقان ەكى جاقتى سەلبەستىكتەگى قارجىلاندىرۋ نىساندارىنىڭ سانى 55كە جەتەدى، بۇل نىساندار ونەركاسىپ، قۇرىلىس سالاسى، ەت ونىمدەرى مەن استىق مانەرلەۋ قاتارلى سالالاردى قامتيدى، مۇنىڭ ىشىندە 15 نىسان سالىنىپ بولدى، تاعى 11 نىسان بيىل ىسكە قوسىلادى. بۇل نىساندار قازاقستاندا سان مىڭداعان ادامداردى جۇمىستاندىرادى دەگەن ءۇمىت بار. «قازاقستاننىڭ مۇناي، تابيعي گاز، مەتال كەن قورى مول، الايدا، بىزگە ونەركاسىپ پەن باسقا كاسىپ سالالارى دا قاجەت. قازىر قازاقستان مەن جۇڭگو ءتۇرلى كاسىپ سالالارىنداعى سەلبەستىكتى بىرگە ىلگەرىلەتۋدە، بۇل ءبىز ءۇشىن وتە ءتيىمدى. تاۋەلسىزدىك العان 27 جىلدان بەرى، ءبىز جۇڭگومەن بىرگە قادام باسىپ كەلەمىز، ەشقانداي ماسەلەگە جولىقپادىق».
نازاربايەۆ مىنانى اتاپ كورسەتتى: قازاقستان مەن جۇڭگو ەكى جاقتى جانە كوپ جاقتى جاعدايلاردا تىعىز سەلبەستىكتى ساقتاپ، ءتۇرلى سىناقتارعا بىرگە توتەپ بەرىپ كەلەدى.
بيىل جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى. بۇل جونىندە نازاربايەۆ بىلاي دەدى: 70 جىلدان بەرى، جۇڭگو ۇزدىكسىز دامىپ، گۇلدەنىپ – كوركەيدى، دۇنيە ءجۇزى بويىنشا ەكىنشى ءىرى ەكونوميكالىق تۇلعاعا اينالدى. نازاربايەۆ مىنانى ءبىلدىردى: رەفورما جاساپ، ەسىك اشقان 40 جىلدان بەرى، جۇڭگودا كەرەمەت وزگەرىستەر بولدى، جۇڭگونىڭ دامۋى دۇنيە جۇزىنە بەلسەندى ىقپال جاسادى. «مەن جۇڭگو حالقىن شىن جۇرەكتەن قۇتتىقتايمىن!»
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
