قىرعىزستان پرەزيدەنتى جيەنبەكوۆ جاۋ كىجىمەن كەزدەستى
2019.05.15 16:44 كەلۋ قاينارى : حالىق تورابى
شينحۋا اگەنتتىگى، 5 – ايدىڭ 14 – كۇنى، بيشكەك (ءتىلشى: گۋان جيان – ۋ) قىرعىزستان پرەزيدەنتى جيەنبەكوۆ 5 – ايدىڭ 14 – كۇنى بيشكەكتە مەملەكەتتىك كەڭەس مۇشەسى، قوعام حاۋىپسىزدىگى مينيسترلىگىنىڭ مينيسترى جاۋ كىجىمەن كەزدەستى.
جاۋ كىجى الدىمەن ءتوراعا شي جينپيڭنىڭ پرەزيدەنت جيەنبەكوۆكە دەگەن ىستىق ىقىلاستى سالەمى مەن ىزگى تىلەگىن جەتكىزدى. جاۋ كىجى بىلاي دەدى: ەكىنشى كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمىندا، ءتوراعا شي جينپيڭ مەن پرەزيدەنت مىرزا جۇڭگو مەن قىرعىزستاننىڭ قارىم – قاتىناسىن دامىتۋ، «ءبىر بەلدەۋ، ءبىر جولدى» بىرگە كوركەيتۋ جاعىندا تىڭ ورتاق تانىمدارعا كەلىپ، جۇڭگو مەن قىرعىزستان قارىم – قاتىناسىن ۇزدىكسىز دامىتۋعا جەتەكشىلىك ەتتى. جۇڭگو جاق قىرعىزستاننىڭ زاڭ اتقارۋشى تاراۋلارىمەن بىرگە، ەكى ەل باسشىلارىنىڭ ماڭىزدى ورتاق تانىمىن مۇقيات تياناقتاندىرىپ، «ءۇش ءتۇرلى كۇشكە» سوققى بەرۋ، «ءبىر بەلدەۋ، ءبىر جول» قۇرىلىسىنىڭ اماندىعىن قورعاۋ، ەسىرتكىگە تيىم سالۋ، ينتەرنەت حاۋىپسىزدىگى قاتارلى جاقتارداعى ناقتى سەلبەستىكتەردى كۇشەيتىپ، زاڭ اتقارۋ جانە حاۋىپسىزدىك جاعىنداعى سەلبەستىك ورەسىن جاپپاي جوعارىلاتىپ، جۇڭگو مەن قىرعىزستاننىڭ قارىم – قاتىناسىن ۇزدىكسىز دامىتۋعا جاڭا قوزعاۋشى كۇش قوسۋدى قالايدى. جۇڭگو جاق قىرعىزستاننىڭ شاڭحاي سەلبەستىك ۇيىمىنىڭ بيشكەك فورۋمىن ويداعىداي وتكىزۋىنە كۇش سالا قولداۋ كورسەتەدى.
جيەنبەكوۆ جاۋ كىجى جولداستان ءتوراعا شي جينپيڭگە ءوزىنىڭ ىستىق ىقىلاستى سالەمى مەن ىزگى تىلەگىن جەتكىزىپ قويۋدى ءوتىندى. ول بىلاي دەدى: جۇڭگونىڭ ەكىنشى كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمىن ءساتتى ۇيىمداستىرعانىن قۇتتىقتايمىن، قىرعىزستان جاق «ءبىر بەلدەۋ، ءبىر جولدى» بىرگە كوركەيتۋدى باتىل قولدايدى، جۇڭگو جاقپەن بىرگە دامۋ ستراتەگياسىن سايكەستىرىپ، زاڭ اتقارۋ جانە حاۋىپسىزدىك جاعىنداعى سەلبەستىكتەردى تەرەڭدەتىپ، «ءۇش ءتۇرلى كۇشكە» تىزە قوسا سوققى بەرۋدى، قىرعىزستان مەن جۇڭگونىڭ جان – جاقتى ستراتەگيالىق قارىم – قاتىناسىن ۇزدىكسىز العا قاراي دامىتۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved