قازاق جۇڭگو بانكەسىنىڭ استانا بولىمشە بانكەسى اشىلدى
2019.05.17 15:28 كەلۋ قاينارى : حالىق تورابى
حالىق تورابى، 5 – ايدىڭ 17 – كۇنى، بەيجيڭ. حالىق تورابىنىڭ 5 – ايدىڭ 14 – كۇنى الماتىدان بەرگەن حابارى، قازاق جۇڭگو بانكەسىنىڭ استانا بولىمشە بانكەسى 5 – ايدىڭ 14 – كۇنى قازاقستاننىڭ استاناسى نۇرسۇلتاندا اشىلۋ سالتىن وتكىزدى. جۇڭگونىڭ قازاقستاندا تۇراتىن باس ەلشىسى جاڭ شياۋ، جۇڭگو بانكەسىنىڭ باقىلاۋشىسى ۋاڭ شيچۋان، قازاقستان پرەمەر مينيسترىنىڭ ءبىرىنشى ورىنباسارى ٵرى ەكونوميكا مينيسترلىگىنىڭ مينيسترى سمايىلەۆ، استانا حالىقارالىق فينانس ورتالىعىنىڭ ءتوراعاسى كەلىمبەتوۆ، قازاقستان مەملەكەتتىك بانكەسى باستىعىنىڭ ورىنباسارى قاليەۆا قاتارلى 150دەن استام قوناق اشىلۋ سالتىنا قاتىناستى.
جاڭ شياۋ ارناۋ سوزىندە بىلاي دەدى: «ءبىر بەلدەۋ، ءبىر جول» دارىپتەمەسى مەن «نۇرلى جول» جاڭا ەكونوميكالىق ساياساتىنىڭ ءساتتى سايكەستىك تابۋىنا ىلەسىپ، جۇڭگو مەن قازاقستان اراسىنداعى ساۋدا بارىس - كەلىسى، ەكونوميكالىق اۋىس – كۇيىس بارعان سايىن جيىلەدى. جۇڭگو بانكەسىن ۋاكىلدىك ەتكەن جۇڭگو قارجىلاندىرعان بانكە، كاسىپورىندار جۇڭگو مەن قازاقستان سەلبەستىگىن ىلگەرىلەتۋدە ماڭىزدى رول اتقارادى. قازاق جۇڭگو بانكەسى استانا بولىمشە بانكەسىنىڭ قۇرىلۋى ەكى ەلدىڭ فينانس سالاسىنداعى سەلبەستىگىنىڭ تاعى ءبىر تابىستى جەمىسى بولاتىندىعىنا ەشقانداي داۋ جوق.
سمايىلەۆ قازاق جۇڭگو بانكەسىنىڭ تيجارات جۇرگىزگەن 26 جىلدان بەرى قاراي قازاقستان ەكونوميكاسىنىڭ دامۋىنا قوسقان ۇلەسىنە العىس ايتتى، سونداي – اق، جۇڭگو - قازاقستان ەكى ەل كاسىپورىندارىنىڭ «ءبىر بەلدەۋ، ءبىر جول» دارىپتەمەسى مەن «نۇرلى جول» جاڭا ەكونوميكالىق ساياساتىنىڭ باستاۋىندا ٶزارا سەلبەستىكتى كۇشەيتىپ، نۇرلى بولاشاقتى بىرلىكتە قۇرۋىن ءۇمىت ەتتى.
ۋاڭ شيچۋان، سمايىلەۆ، قازاق جۇڭگو بانكەسى استانا بولىمشە بانكەسىنىڭ باستىعى ليۋ ۋەي قاتارلىلار قازاق جۇڭگو بانكەسى استانا بولىمشە بانكەسىنىڭ بوساعالىعىن بىرگە اشتى.
قازاق جۇڭگو بانكەسىنىڭ بولىمشە بانكەسى الماتى قالاسىنا ورنالاسقان، تاعى ءبىر بولىمشە بانكەسى اقتوبە قالاسىنا ورنالاسقان. استانا بولىمشە بانكەسىنىڭ اشىلۋىنا ىلەسىپ، اتالعان بانكەنىڭ قىزمەت وتەۋ كولەمى قازاقستاننىڭ وڭتۇستىك بولەگىن، باتىس بولەگىن جانە سولتۇستىك بولەگىن قامتيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
