قازاقستاندا پرەزيدەنت سايلامى وتكىزىلدى

2019.06.10 14:50   كەلۋ قاينارى : حالىق تورابى

　　حالىق تورابى، 6 – ايدىڭ 10 – كۇنى، بەيجيڭ. شينحۋا اگەنتتىگىنىڭ 6 – ايدىڭ 9 – كۇنى نۇر – سۇلتاننان بەرگەن حابارى، قازاقستاننىڭ پرەزيدەنت سايلامى 6 – ايدىڭ 9 – كۇنى وتكىزىلدى، قازىر پرەزيدەنت مىندەتىندە وتىرعان توقايەۆتى قامتىعان 7 كانديدات سايلامعا قاتىناستى.

　　قازاقستان ورتالىق سايلام كوميتەتى جاريالاعان حابارلاندىرۋعا قاراعاندا، حالىقتىڭ داۋىس بەرۋ جۇمىسى جەرگىلىكتى ۋاقىت 6 – ايدىڭ 9 – كۇنى ساعات 7دە (بەيجيڭ ۋاقىتى ساعات 9دا) باستالىپ، ساعات 20دا (بەيجيڭ ۋاقىتى ساعات 22دە) اياقتالعان. قازاقستان جەرىندە جيىنى 9968 داۋىس بەرۋ بەكەتى ورناتىلىپ، 41 مەملەكەت پەن 9 حالىقارالىق ۇيىمنان كەلگەن 1013 حالىقارالىق ساراپشى داۋىس بەرۋدىڭ جالپى بارىسىن باقىلاعان. سايلامنىڭ ءساتتى وتكىزىلۋى ءۇشىن قازاقستان ىشكى ىستەر مينيسترلىگى 19 مىڭ زاڭ اتقارۋشى قىزمەتكەردى ورنالاستىرعان.

　　2019 – جىلى 1 – ايدىڭ 1 – كۇنى، قازاقستاندا داۋىس بەرۋگە 11 ميلليون 810 مىڭ ادام تىزىمدەلگەن.

　　قازاقستاننىڭ تۇڭعىش پرەزيدەنتى نازاربايەۆ 3 – ايدىڭ 19 – كۇنى پرەزيدەنت مىندەتىنەن كەتكەندىگىن جاريالاعان، ٵسىلى كەزەكتى پرەزيدەنت مىندەت ۋاقىتى 2020 – جىلى 4 – ايدا اياقتالاتىن. 3 - ايدىڭ 20 – كۇنى جوعارى پالاتانىڭ باستىعى توقايەۆ نەگىزگى زاڭ بويىنشا سەرت بەرىپ پرەزيدەنت بولعان. توقايەۆ 4 – ايدىڭ 9 – كۇنى پرەزيدەنت بۇيرىعىنا قول قويىپ، قازاقستاننىڭ پرەزيدەنت سايلامىن بيىل 6 – ايدىڭ 9 – كۇنىنە الدىن – الا وتكىزۋدى بەكىتكەن.

　　كەلۋ قاينارى: حالىق تورابى