قازاقستاننىڭ پرەزيدەنتى توقايەۆ باس ەلشى جاڭ شياۋمەن كەزدەستى

2019.08.30 14:10  

　　حالىق تورابى، 8 – ايدىڭ 30 – كۇنى، بەيجيڭ. حالىق تورابى ءتىلشىسىنىڭ 8 – ايدىڭ 29 – كۇنى نۇر - سۇلتاننان بەرگەن حابارى. 8 – ايدىڭ 28 – كۇنى قازاقستاننىڭ پرەزيدەنتى توقايەۆ پرەزيدەنت سارايىندا جۇڭگونىڭ قازاقستاندا تۇراتىن باس ەلشىسى جاڭ شياۋمەن كەزدەستى.

　　جاڭ شياۋ الدىمەن ءتوراعا شي جينپيڭنىڭ توقايەۆ پرەزيدەنتكە جولداعان ىقىلاستى سالەمىن جانە ىزگى تىلەگىن جەتكىزدى، ول بىلاي دەدى: جۇڭگو مەن قازاقستان «ءبىر بەلدەۋ، ءبىر جولدى» بىرگە قۇرۋدىڭ باستاماشىسى، ەكى ەل حالقىنىڭ بارىندە ۇلتتىڭ ۇلى گۇلدەنۋىن جۇزەگە اسىرۋ ارمانى بار، ءبارى دە مەملەكەتتىڭ ورنىقتىلىعىن، دامۋىن ساقتاۋدىڭ شەشۋشى كەزەڭىندە تۇر. قازىر جۇڭگو مەن قازاقستاننىڭ جالپى بەتتىك ستراتەگيالىق سەرىكتەستىك قاتىناسى جاڭا تاريحي باستامادا تۇر، ەكى جاق گۋمانيتارلىق سالاداعى سەلبەستىكتى ۇزدىكسىز تەرەڭدەتىپ، ساۋدا مەن قارجى قوسۋدى قولايلىلاندىرۋدى جەبەپ، ەكى جاقتىڭ حالىقارالىق ىستەردە سايكەسۋىن نىعايتىپ، «ءبىر بەلدەۋ، ءبىر جولدى» بىرگە قۇرۋدىڭ جوعارى ساپاعا قاراي قادام تاستاۋىنا دەم بەرىپ، ەكى ەل مەن وسى وڭىردەگى حالىققا باقىت جاراتۋى كەرەك.

　　توقايەۆ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاپ، جۇڭگو حالقىنىڭ 70 جىلدان بەرى قول جەتكىزگەن ۇلى تابىستارىن جوعارى باعالادى. توقايەۆ بىلاي دەدى: قازاقستاننىڭ ۇلت كوسەمى، تۇڭعىش پرەزيدەنت نازاربايەۆ ءتوراعا شي جينپيڭمەن تەرەڭ جەكە دوستىق جانە وسكەلەڭ ساياسي سەنىمدىلىكتى ساقتاپ، قازاقستان - جۇڭگو قاتىناسىنىڭ ورناۋى، دامۋى، تەرەڭدەۋى ءۇشىن تاريحي ۇلەس قوستى. جاڭا تاريحي داۋىردە قازاقستان مەن جۇڭگو جاپپاي ستراتەگيالىق سەرىكتەستىك قاتىناستىڭ ۇزدىكسىز دامۋىن ىلگەرىلەتۋگە ۇزدىكسىز كۇش سالىپ، «نۇرلى جول» جاڭا ەكونوميكالىق ساياساتى مەن «ءبىر بەلدەۋ، ءبىر جول» دارىپتەمەسىن ىشكەرىلەي توعىستىرىپ، ءوندىرىس قۋاتى سەلبەستىگى مەن ۇلاستىرۋ - توعىستىرۋ قۇرىلىسىن، حالىقارالىق ساحنادا ءوزارا قولداۋدى كۇشەيتىپ، ەكى ەلدىڭ بىرگە دامۋى مەن گۇلدەنۋىن جۇزەگە اسىرۋى كەرەك.

　　كەلۋ قاينارى: حالىق تورابى