قازاقستاننىڭ ءار سالاسىنداعىلار قازاقستان مەن جۇڭگونىڭ قارىم – قاتىناسىنىڭ جاڭا ورەگە كوتەرىلۋى تاريحي سيپاتتى ءمان الادى دەپ قارادى
2019.09.16 16:06 كەلۋ قاينارى : حالىق تورابى
شينحۋا اگەنتتىگى، 9 – ايدىڭ 12 – كۇنى، نۇر – سۇلتان (ءتىلشى: جاڭ جييە) قازاقستان پرەزيدەنتى توقايەۆ 9 – ايدىڭ 10 – كۇنىنەن 12 – كۇنىنە دەيىن جۇڭگودا مەملەكەت ىسىمەن ساپاردا بولدى. وسى مەزگىلدە ەكى جاق قول ۇستاسا العا باسىپ، سەلبەستىك جاساپ بىرگە يگىلىكتەنۋ رۋحىن نەگىزگە الىپ، جۇڭگو مەن قازاقستاننىڭ ماڭگىلىك جالپى بەتتىك ستراتەگيالىق سەرىكتەستىك قارىم – قاتىناسىن دامىتۋدى ءبىر اۋىزدان ماقۇلدادى. قازاقستاننىڭ ءار سالاسىنداعى قايراتكەرلەر قازاقستان مەن جۇڭگو قارىم – قاتىناسىنىڭ جاڭا دەڭگەيگە كوتەرىلۋى تاريحي سيپاتتى ءمان الادى دەپ قارادى.
«قازاقستان ونەركاسىپ گازەتىنىڭ» باس رەداكتورى سەرىك كۇرەڭبايەۆ 9 – ايدىڭ 12 – كۇنى شينحۋا اگەنتتىگى ءتىلشىسىنىڭ سۇحباتىن قابىلداعاندا بىلاي دەدى: جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى قارساڭىندا، توقايەۆ پرەزيدەنت بولعاننان بەرى تۇڭعىش رەت جۇڭگوعا مەملەكەت ىسىمەن ساپارلاي باردى، قازاقستان مەن جۇڭگو ەكى ەل ەكى جاقتى قارىم – قاتىناستىڭ جاڭا كەزەڭىنە قول ۇستاسا قادام تاستادى، «بۇل ايرىقشا ءمان الاتىن ءىس».
كۇرەڭبايەۆ بىلاي دەپ قارادى: توقايەۆتىڭ بۇل رەتكى جۇڭگوعا جاساعان ساپارىنىڭ مازمۇنى باي، بۇل ساپار بارىسىندا ناقتى ىستەر ىستەلدى، ناتيجەلى قۇجاتتار بولاشاقتا ەكى ەلدىڭ دوستىعى مەن سەلبەستىگىن جالعاستىرا تۇسەدى.
قازاقستاننىڭ جۇڭگوعا قاتىستى ىستەردى زەرتتەۋ ورتالىعىنىڭ مەڭگەرۋشىسى گۇلنار شايمەرگەنوۆا 9 – ايدىڭ 12 – كۇنى ءتىلشىنىڭ سۇحباتىن قابىلداعاندا مىنانى ءبىلدىردى: قازاقستان پرەزيدەنتىنىڭ جۇڭگوعا جاساعان ساپارىنىڭ كەلەلى ماڭىزى — بۇل ساپاردىڭ ەكى جاقتى قارىم – قاتىناستى ونان ارى بەكەمدەي تۇسۋىندە. «بۇل رەتكى مەملەكەت ىستەرى ساپارىنىڭ مازمۇنى وتە باي بولدى، ەكى ەل باسشىلارى ماڭگىلىك جالپى بەتتىك ستراتەگيالىق سەرىكتەستىك قارىم – قاتىناسىن دامىتۋ جونىندەگى بىرلەسكەن مالىمدەمەگە قول قويدى، بۇل قازاقستان مەن جۇڭگونىڭ قارىم – قاتىناسىنىڭ ەكى ەلدىڭ شەتەلمەن ديپلوماتيالىق قارىم – قاتىناسىندا باستى باعىت بولاتىنىن كورسەتەدى.
شايمەرگەنوۆا بىلاي دەدى: توقايەۆ جۇڭگودا جۇڭگو – قازاقستان كاسىپكەرلەرىنىڭ 6 – كەزەكتى ماجىلىسىنە قاتىناسىپ، ەكى ەلدەگى ونەركاسىپ – ساۋدا سالاسىنداعى قايراتكەرلەرمەن كەزدەستى، حاڭجوۋدا جۇڭگونىڭ ءىرى كاسىپورىندارىنا ساپارلاي باردى، بۇل ساپارلاردىڭ ورنالاستىرىلۋى وسى رەتكى مەملەكەت ىستەرى ساپارى بارىسىندا ناقتى ىستەردىڭ ىستەلۋىندە ماڭىزدى رول اتقارعانىن اڭعارتادى. مۇنان سىرت، ەكى ەل اۋىل شارۋاشىلىعى ونىمدەرىن ەكسپورت ەتۋ، شۇعىل جاعدايلاردا سەلبەستىك جاساۋ، IT تەحنيكاسى، ەلەكتروندىق ساۋدا قاتارلى سالالاردا كوپتەگەن قۇجاتتارعا قول قويىپ، قازاقستان مەن جۇڭگونىڭ سەلبەستىكتەگى كومەسكى قۋاتىن ونان ارى اشا تۇسۋگە جاڭا قوزعاۋشى كۇش سيلادى.
قازاقستان پرەزيدەنتىنىڭ كومەكشىسى مۇرات نۇرتىلەۋوۆ بىلاي دەدى: توقايەۆتىڭ بۇل رەتكى ساپارى قازاقستاننىڭ ۇزاق مەرزىمدىك ستراتەگيالىق مۇددەسىنە ساي كەلەدى. بىرنەشە عاسىردان بەرى، قازاقستان مەن جۇڭگو حالقى جىبەك جولى ارقىلى ءجيى بايلانىستا بولىپ كەلدى. قازىر قازاقستاننىڭ «نۇرلى جول» جاڭا ەكونوميكالىق ساياساتى مەن جۇڭگونىڭ «جىبەك جولى ەكونوميكالىق بەلدەۋى» قۇرىلىسىنىڭ ۇشتاسۋى ماڭىزدى ءمان الادى. قازاقستان مەن جۇڭگو ەكى ەل ۇكىمەتتەرى مەن تاراۋلارى 250 نەشە كەلىسىمشارتقا قول قويدى، بۇل ەكى ەلدىڭ سەلبەستىك قارىم – قاتىناسىن ونان ارى تەرەڭدەتۋدى بارىنشا ءۇمىت ەتەتىنىن ايگىلەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
