قازاقستاننىڭ باتىس وڭتۇستىگىندەگى ونەركاسىپ وبلىسىندا جۇڭگو مەن قازاقستاننىڭ وندىرىستىك قۋات سەلبەستىگى قىزۋ ورلەۋگە كوتەرىلۋدە
2019.10.30 16:01 كەلۋ قاينارى : حالىق تورابى
حالىق تورابى، 10 – ايدىڭ 30 – كۇنى، بەيجيڭ. شينحۋا اگەنتتىگىنىڭ 10 – ايدىڭ 28 – كۇنى قازاقستاننىڭ قىزىلوردا قالاسىنان بەرگەن حابارى. شينحۋا اگەنتتىگىنىڭ ٴتىلشىسى جاڭ جييە حابارلايدى. قازاقستاننىڭ قىزىلوردا وبلىسىندا ۇلان - بايتاق جايىلىم، جوڭكىلگەن وزەن جانە مول كەن ونىمدەرى، مۇناي، گاز بايلىعى بار. سوڭعى جىلدارى جۇڭگو - قازاقستان ٴوندىرىس قۋاتى سەلبەستىگى وسى باتىس وڭتۇستىكتەگى ونەركاسىپ وبلىسىنا ومىرشەڭدىك كۇش باعىشتادى. قازاقستاننىڭ تۇڭعىش مۇناي قۇدىعى سەمونت ٴوندىرىس جەلىسى بيىل 10 – ايدا ٴبىتىپ وندىرىسكە قوسىلدى، ەڭ العاشقى قالقىمالى اينەك زاۆودى قۇرىلىس قارقىنىن تەزدەتىپ، وبلىستىڭ ەكونوميكاسىنىڭ كوپ تۇرلىلەنۋىنە دەم بەرىپ، كاسىپ سالاسىنىڭ دارەجەسىن جوعارىلاتۋىن ىسكە اسىردى.
اتالعان وبلىستىڭ شيەلى اۋدانىندا، دۇنيە جۇزىلىك وزىق ولشەم بويىنشا سالىنعان جۇڭگو - قازاقستان بىرلەسىپ قارجى قوسقان سەمەنت زاۆودى بوي كوتەردى، بۇل جەردە اق كوك ٴتۇس ارالاستىرىلا اقتالعان ٴزاۋلىم زاۆود ۇيلەرى، يرەلەڭدەگەن قۇبىر جولدارى، ٴزاۋلىم الدىن الا جىلىتقىش جانە وسىزاماندانعان سەمونت ٴوندىرىسىن مەڭگەرۋ بولمەسى بار، جىلىنا شامامەن ٴبىر ميلليون توننا سەمەنت وندىرەدى. مۇنىڭ ىشىندە مۇناي قۇدىعى سەمونت ٴوندىرىسى قازاقستان شارۋاشىلىعىنىڭ بوستىعىن تولتىرىپ، يمپورت ونىمدەرىنىڭ ورنىن بۇكىلدەي باسىپ، وسى ەلدىڭ ٴار جىلى قىرۋار شەتەل اقشاسىن جۇمساپ، مۇناي قۇدىعى سەمونتىن ساتىپ الۋ تاريحىن اياقتاتتى.قازاقستاننىڭ تۇڭعىش پرەزيدەنتى ەلباسى نازاربايەۆ بىلاي دەپ باعا بەرگەن: شيەلى سەمەنت نىسانى وندىرگەن مۇناي قۇدىعى سەمونتى قازاقستاننىڭ ونەركاسىپ سالاسىنداعى «جاڭا اتاۋ» بولىپ، قازاقستان ونەركاسىبىنىڭ تيپىن وزگەرتىپ، دارەجەسىن جوعارىلاتۋدا ماڭىزدى مانگە يە.
شيەلى سەمەنت زاۆودى جۇڭگو مەن قازاقستاننىڭ ٴوندىرىس قۋاتى سەلبەستىك تىزىمدىگىندەگى 55 نىساننىڭ ٴبىرى. قارجى قوسۋشى جاق جۇڭگو گىجوۋبا توبى سەمونت سەرىكتىگىنىڭ باس جوراسى لي ميڭ بىلاي دەدى: «نىساننىڭ ٴساتتى وندىرىسكە قوسىلۋى نەگىزىنەن جۇڭگو مەن قازاقستاننىڭ ٴوندىرىس قۋاتى سەلبەستىك مەحانيزمىنىڭ ارقاسى. <ٴبىر بەلدەۋ، ٴبىر جول> دارىپتەمەسى مەن قازاقستاننىڭ <نۇرلى جول < جاڭا ەكونوميكالىق ساياساتىنىڭ ۇشتاسۋىندا، قازاقستاننىڭ ٴار دارەجەلى ۇكىمەتتەرى قارجى قوسۋ ٴتيىمدى ساياساتتارىمەن قامداپ، نىسان قۇرىلىسى مەن ٴوندىرىس تيجاراتىنا قولايلى شارت ـ جاعداي ازىرلەدى» دەدى. سەمەنت زاۆودىنىڭ ورتالىق مەڭگەرۋ بولمەسىندە تەحنيك ۇلبايەۆ رۋسىلان ۇلكەن ەكران الدىندا سەمەنت ٴوندىرىسىنىڭ جالپى بارىسىن دەر كەزىندە باقىلادى. 25 جاستاعى بۇل جىگىت قازاقستاننىڭ سەيفۋللين اۋىل شارۋاشىلىق تەحنيكا ۋنيۆەرسيتەتىن بىتىرگەن، بىلتىر شيەلى سەمەنت زاۆودىنا كىرگەن ٴارى قازاقستان جاقتىڭ تەحنيكالىق تايانىشى رەتىندە جۇڭگوعا تاڭداپ جىبەرىلگەن.
«مەنىڭ اۋىلىمدا تۇڭعىش رەت وسىنداي كولەمدى زاۆود جارىققا شىقتى. ۋنيۆەرسيتەتتى بىتىرگەننەن كەيىن شىمكەنتتەگى ٴبىر سەمەنت زاۆودىنا بارىپ قىزمەت ىستەمەكشى ەدىم، قازىر مەن اۋىلدا قىزمەت ىستەپ، جاقسى ەڭبەكاقى الامىن.» دەدى رۋسلان.
قىزىلوردا وبلىسى باستىعىنىڭ ورىنباسارى يمان دوسوۆ بىلاي دەدى: «شيەلى سەمەنت زاۆودى ساپالى ٴونىم ٴوندىرىپ قانا قويماي، 260 قىزمەت ورنىن جاراتىپ، جەرگىلىكتى ورىننىڭ باجى كىرىسىن ارتتىرىپ، وبلىستىڭ قۇرىلىس ماتەريالدارى كاسىبىنىڭ دامۋىنا ۇلەس قوستى. شيەلى سەمەنت نىسانى 2017 ـ جىلى 4 ـ ايدا قۇرىلىس باستاعان، جالپى 178 ميلليون ا ق ش دوللارى قارجى قوسىلعان، بيىل 5 ـ ايدا سىناق رەتىندە وندىرىسكە قوسىلعالى 270 مىڭ توننا سەمەنت ساتتى، ول جامبىل وبلىسىنىڭ جەل ەلەكتر نىسانى، شىمكەنت حالىقارالىق اۋەجايى، قىزىلوردا مۇناي الابى قۇدىعىن بەكەمدەۋ قۇرىلىسى سياقتى ٴىرى ينجەنەريالارعا جۇمسالدى، سەمەنت ونىمدەرى وزبەكستانعا دا ساتىلدى.
تۇتاس ٴوندىرىس جەلىسى ٴبىرىنشى دىڭگەكتى قازۋدان وت جاعىپ، ماتەريال سالۋعا دەيىن ەكى جىلعا جەتپەيتىن ۋاقىت ىشىندە قازاقستان شەكاراسى ىشىندەگى سەمەنت ٴوندىرىس جەلىسى قۇرىلىسىنىڭ ەڭ تەز رەكوردىن جاراتتى. باس كوتەرمەگە الۋشى جاق جۇڭگو قۇرىلىس ماتەريالدارى حالىقارالىق ينجەنەريا توبى شەكتى سەرىكتەستىگى ٴتوراعاسىنىڭ ورىنباسارى ما ميڭلياڭ بىلاي دەدى: جۇڭگو پىسقان، سەنىمدى، حالىقارا ورتاق مويىنداعان جاقسى تەحنيكالاردى قازاقستانعا اپارىپ، قازاقستاننىڭ نەگىزدىك قۇرىلعىلارىنىڭ دامۋىن جەبەپ، جەرگىلىكتى ورىننىڭ كاسىپتەنۋى مەن ەكونوميكاسىنىڭ دامۋىن قولدايدى.
سەمەنت زاۆودىنان 200 كيلومەتر قاشىقتىقتا، جۇڭگو- قازاقستان ٴوندىرىس قۋاتى سەلبەستىگىنىڭ تاعى ٴبىر ٴتۇيىندى نىسانى وردا قالقىمالى اينەك ٴوندىرىس جەلىسى قاربالاس جۇمىس جۇرگىزۋدە. بۇل زاۆودتىڭ جىلدىق ٴونىم مولشەرى 197 مىڭ تونناعا جەتىپ، سالىنىپ بىتكەننەن كەيىن قازاقستاننىڭ تۇڭعىش، ورتا ازيا وڭىرىندەگى ەڭ ۇلكەن قالقىمالى اينەك ٴوندىرۋ جەلىسىنە اينالادى.
«وندىرىسكە قوسىلعاننان كەيىن قازاقستان كاسىپ سالاسىنىڭ بوستىعىن تولتىرادى، جىلجىمالى اينەك قازاقستاننىڭ ىشكى بازارىنا باعىتتالىپ قالماستان، ورتا ازياداعى باسقا ەلدەر مەن رەسەيگە ەكسپورت ەتىلەدى» دەدى نىسان جارناگەر جاعى جۇڭگو اينەك جارنا مەڭگەرۋ شەكتى سەرىكتەستىگىنىڭ باس جوراسى مىڭ ۋي.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
