بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ارناۋلى سۇحبات: يمپورت كورمەسى قازاقستان كاسىپورىندارىنا جۇڭگو نارىعىن اشادى

— قازاقستان سىرتقى ساۋدا قوعامى ءتوراعاسىنىڭ ورىنباسارى نۇرالى بوكەيحانوۆپەن سۇحبات

شينحۋا اگەنتتىگى، 11 – ايدىڭ 4 – كۇنى، نۇر – سۇلتان (رىن جۇن، جاڭ جييە)

2019.11.05 15:30     كەلۋ قاينارى : حالىق تورابى

  جۇڭگو حالىقارالىق ەكىنشى كەزەكتى يمپورت كورمەسى 11 – ايدىڭ 5 – كۇنى شاڭحايدا اشىلادى. قازاقستان نەگىزگى قوناق سانالاتىن 15 مەملەكەتتىڭ ءبىرى رەتىندە كورمەگە قاتىناسادى. كاسىپورىنداردى كورمەگە قاتىناسۋعا ۇيىمداستىرۋدى قاتارىنان ەكىنشى جىل مىندەتىنە الىپ وتىرعان قازاقستان سىرتقى ساۋدا قوعامى ءتوراعاسىنىڭ ورىنباسارى نۇرالى بوكەيحانوۆ شينحۋا اگەنتتىگىنىڭ سۇحباتىن قابىلداعان كەزدە، قازاقستاننىڭ يمپورت كورمەسىنە قاتىناسۋ ارقىلى جۇڭگوعا تاۋار يمپورت ەتۋ كولەمىن كەڭەيتىپ، ەكى جاقتى ساۋدانىڭ دەڭگەيىن جوعارىلاتۋدى ءۇمىت ەتەتىنىن ءبىلدىردى.

  بوكەيحانوۆ مىنانى ءبىلدىردى: بيىل قازاقستاننان 200 نەشە كاسىپورىن يمپورت كورمەسىنە قاتىناسۋعا تىزىمدەلدى، سىرتقى ساۋدا قوعامى وسىلاردىڭ ىشىنەن 30 كاسىپورىندى سارالادى، بۇل كاسىپورىندار ۇن، ەت مانەرلەۋ، كامپيت قاتارلى ونىمدەردى شىعاراتىن كاسىپورىندار. قازاقستان مەملەكەتتىك قارجىلاندىرۋ سەرىكتەستىگى، قازاقستان مەملەكەتتىك ساياحات سەرىكتەستىگى قاتارلى مەملەكەتتىك 8 ءىرى سەرىكتەستىك تە كورمەگە قاتىناسادى.

  جۋىرداعى جىلداردان بەرى، جۇڭگو تۇتىنۋشىلارىنىڭ ورگانيكالىق ازىق – تۇلىكتەرگە دەگەن سۇرانىسى ۇزدىكسىز ارتۋدا. قازاقستاندا وندىرىلگەن ءبيداي، سويا بۇرشاق، ازىقتىق ماي، ەت قاتارلى اۋىل شارۋاشىلىعى ونىمدەرىنىڭ ساپاسى جاقسى، باعاسى ارزان، ونىڭ ۇستىنە، قازاقستان مەن جۇڭگو اراسىنداعى زات اينالىمىنىڭ قارقىنى جۋىرداعى جىلداردان بەرى تەزدەدى، قازاقستان جۇڭگوعا اۋىل شارۋاشىلىعى ونىمدەرىن ەكسپورت ەتۋ جاعىندا باسەكەلىك قۋاتقا يە.

  بوكەيحانوۆ مىنانى ءبىلدىردى: بىلتىر قازاقستان كاسىپورىندارىنىڭ تۇڭعىش كەزەكتى يمپورت كورمەسىندە كەلىسىمشارتقا قول قويۋ سوماسى 120 ميلليون ا ق ش دوللارى بولعان، بيىل قازاقستان كاسىپورىندارى اناعۇرلىم تولىق دايىندالدى، ونىمدەردى قوراپتاۋدى رەتكە سالۋدان سىرت، جۇڭگونىڭ ولشەمىندەگى قاتىستى كۋالاندىرۋلاردى الدىن – الا ورىندادى. قازاقستان كاسىپورىندارى جيىنى ەكى جۇك قورابىمەن 40 توننادان استام ازىق – تۇلىك ۇلگى ونىمدەرىن الا كەلىپ، جۇڭگولىق تۇتىنۋشىلاردىڭ تاتىپ كورۋىنە ۇسىنادى.

  ول مىنانى ءبىلدىردى: قازىر قازاقستاننىڭ ازىق – تۇلىك سالاسىنداعى كاسىپورىندارىنان 250 نەشە كاسىپورىن جۇڭگوعا تاۋار ەكسپورت ەتەدى، تاۋارلاردىڭ كوپ ءبولىمى شەكارا وڭىرلەردە عانا ساتىلىپ كەلگەن. يمپورت كورمەسى قازاقستان كاسىپورىندارىنىڭ شەكارالىق ساۋدادان شىنايى حالىقارالىق ساۋداعا ءورىس اشۋىنا كومەكتەسەدى.

  بوكەيحانوۆ بىلاي دەدى: قازاقستاننىڭ كامپيت، جەمىس شىرىنى، ۇن قاتارلى ونىمدەرى جۇڭگونىڭ ەرەنبازارلارىنا ەندى، قازاقستان كاسىپورىندارى ەندى جۇڭگونىڭ ەلەكتروندى ساۋدا تەكشەلەرىنە اسا قىزىعۋشىلىق تانىتۋدا، مەجەمەن كەلەسى جىلى قازاقستان كاسىپورىندارىنان 100 نەشە كاسىپورىن اليبابا شەكارا اتتاعان ەلەكتروندىق ساۋدا تەكشەسىنە قوسىلادى.

  ول بىلاي دەدى: قازاقستان يمپورت كورمەسىندە اناعۇرلىم كوپ سەرىك تابۋدى، اناعۇرلىم كوپ كەلىسىمشارتتارعا قول قويۋدى ءۇمىت ەتەدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار