«بولكاشى تاتە»، « جۇمىسكەر جىگىت»، «شەكارالىق ساۋداگەر» __
شەكارا سەلبەستىك رايونىنداعى قازاقستاندىق التىن ىزدەۋشىلەر
2019.11.07 15:31 كەلۋ قاينارى : حالىق تورابى
حالىق تورابى، 11 – ايدىڭ 7 – كۇنى، بەيجيڭ. شينحۋا اگەنتتىگىنىڭ 11 – ايدىڭ 5 – كۇنى جاركەنتتەن بەرگەن حابارى: تاقىرىبى: «بولكاشى تاتە»، «جۇمىسكەر جىگىت»، « شەكارالىق ساۋداگەر» __ شەكارا سەلبەستىك رايونىنداعى قازاقستاندىق التىن ىزدەۋشىلەر
شينحۋا اگەنتتىگىنىڭ ءتىلشىسى رىن جۇن حابارلايدى. «قازاقستاندا مىنانداي ءبىر ءسوز بار، قاي جەردەن نان تاۋىپ جەسەڭ، سول جەردە ٵن سالاسىڭ دەگەن.» - دەدى بولكاشى مەرۋەت سۇلتانوۆا قوناق زالىندا مالداس قۇرا وتىرىپ جاتىپ، سونىمەن ءبىر ءۇيلى جان قىران كۇلكى بولدى.
مەرۋەت سۇلتانوۆانىڭ وتباسى جۇڭگو مەن قازاقستاننىڭ شەكاراسىنداعى جاركەنت قالاسى كيش قىستاعىندا تۇرادى، ەكى ەلدىڭ شەكارا وتكەلى قورعاس شەكاراسىنان 25 كيلومەترلىك عانا قاشىقتىققا. بيىل 40 جاسقا كەلگەن ول قىستاقتاعى تانىمالى تاماعى ءدامدى وتباسى ايەلى، ول ٵر ءتۇرلى بولكا پىسىرۋعا شەبەر، اسىرەسە قازاق حالقىنىڭ ءداستۇرلى تاماعى باۋىرساقتى سونداي جاقسى پىسىرادى.
20 نەشە جىلدان استام ۋاقىت وتباسى ايەلى بولىپ، وت باسى، وشاق قاسىندا وتكەن سۇلتانوۆا وتكەن جىلى ٶزىنىڭ شەبەرلىگىنەن پايدالانىپ، جۇڭگو – قورعاس شەكاراسىنداعى سەلبەستىك رايونىنان بولكا دۇكەنىن اشتى، ەل اتتاعان مىڭعا جۋىق جۇمىس ىستەۋشىلەردىڭ بىرىنە اينالدى، سونداي – اق ادامدار ونى شىن ىقىلاسپەن «بولكاشى تاتە» دەپ اتادى.
ٵر كۇنى تاڭەرتەڭ ساعات 7دە «بولكاشى تاتە» ۇيىنەن شىعادى، قىستاقتان اۆتوكولىككە وتىرىپ، شەكارا تەكسەرۋىنەن ٶتىپ، ونان سوڭ اۆتوبوزعا وتىرىپ، سەگىز جارىمدا جۇڭگو – قورعاس حالىقارالىق شەكارالىق سەلبەستىك ورتالىعىنىڭ قازاقستان جاعىنداعى بولكا دۇكەنىنە كەلەدى،
التىن كۇز كەلىپ قازان ايى باستالىسىمەن بۇل جەردەگى ساياحاتشىلار ەڭ كوپ بولادى، سۇلتانوۆا شينحۋا اگەنتتىگىنىڭ تىلشىسىنە ٶزىنىڭ ٵر كۇنى 100 تۇردەن استام ٵر تۇردەگى بولكالاردى پىسراتىندىعىن، قاريدارلارىنىڭ بارلىعى دەرلىكتەي جۇڭگولىق ساياحاتشىلار ەكەندىگىن ايتتى. الدىمەن پىسىرعان بولكاسى جاڭا پىسا سالىسىمەن قوش ءيىسى مۇرىن جاردى، كىشكەنتاي بولمە ءىشى ىلەزدە الارمانعا تولدى.
«قازاقستاننىڭ قارا بولكاسى بىرەۋى بەس يۋان، سىزگە نەشەۋ كەرەك» دەپ حانزۋشا سويلەگەن سۇلتانوۆانىڭ حانزۋشاسى ونشا جاقسى ەمەس، دەسە دە بۇل ونىڭ الارماندارعا بولعان ىستىق ىقىلاسىنا اسەرىن تيگىزەر ەمەس.
«بولكاشى تاتەنىڭ» ىرگە بولمەسى اراق – تەمەكى، بەزەنۋ بۇيىمدارىنىڭ باجىسىز ساتۋ دۇكەنى، 24 جاستاعى دۇكەن قوجايىنى توقتار داستانوۆ دا جاركەنتتىك ەكەن، ٵر كۇنى جاركەنت پەن قورعاس اراسىندا بارىپ – كەلىپ جۇرەدى ەكەن. بۇل قازاقستاندىق جىگىت بۇرىن ۇرىمجىدە حانزۋ ءتىلىن ۇيرەنگەن، بۇرىن الماتىدا جۇمىس ىستەگەن، ەكى جىلدىڭ الدىندا وسى سەلبەستىك ورتالىعىنا كەلىپ جۇمىسىن باستاعان، قازىر دۇكەن قوجايىنىنا اينالعان.
بۇرىن « جۇمىسكەر جىگىت» اتانعان ونىڭ تانىستىرۋىنشا، سەلبەستىك ورتالىعى اشىلاردان بۇرىن جاركەنتتىك جاستاردىڭ بارلىعى الماتى، نۇر- سۇلتان سياقتى ۇلكەن قالالارعا بارىپ جۇمىس ىستەيدى ەكەن. «ءبىراق قازىر ءبىز ٶز ءۇيىمىزدىڭ جانىندا عانا جۇمىس ىستەيمىز، جالاقى دا ءىرى قالالاردان كەم ەمەس. مەن سەلبەستىك ورتالىعىندا جالعاستى جۇمىس ىستەسەم، ساۋدانى كەڭەيتسەم، ءتىپتى دە كوپ دوستارمەن تانىسسام دەگەن ويىم بار» دەدى.
قازاقستاننىڭ ورتا بولەگىندەگى قاراعاندى قالاسىنان كەلگەن قۇرالاي زايناروۆا ناعىز «شەكارالىق ساۋداگەر». ول بىلاي دەپ تانىستىردى: «سەلبەستىك ورتالىعىنا زات كىرگىزگەلى كەلگەن قازاقستان ساۋداگەرلەرى وتە كوپ، قىرعىزستان مەن وزبەكستاننان كەلەتىندەر دە از ەمەس، ويتكەنى بۇل ارادا ۆيزانىڭ قاجەتى جوق.»
شەكارا سەلبەستىك ورتالىعى قۇرىلعاننان بەرى، قۇرالاي زايناروۆا جۇڭگو جاقتان زات اكەلىپ، قازاقستاننىڭ ىشكى جەرىنە اپارىپ ساتتى. «بۇل ارادان ساتىپ العان توسەك جاپقىش، توسەك قاپتارىن قاراعاندىعا اپارىپ ەكى دە ءۇش ەسە باعامەن ساتۋعا بولادى. <قوس باتىس تاس جولىنىڭ> قورعاس ـ الماتى بولەگىندە اۆتوكولىك قاتىناعاننان كەيىن، مەن كاماس ماركالى جۇك اۆتوموبيلىن ساتىپ الىپ، ارناۋلى جۇك تاسىمالداۋعا پايدالاندىم» - دەدى.
جۇڭگو ـ قازاقستان قورعاس حالىقارالىق شەكارالىق سەلبەستىك ورتالىعى قازاقستان جاق باسقارۋ كوميتەتىنىڭ مەڭگەرۋشىسى راۋان اقشىن شينحۋا اگەنتتىگىنىڭ تىلشىسىنە تانىستىرىپ بىلاي دەدى : جۇڭگو ـ قازاقستان قورعاس حالىقارالىق شەكارالىق سەلبەستىك ورتالىعى ىسكە قوسىلعاننان بەرى، ەكى ەل ساۋداسىنىڭ تەز قارقىنمەن ارتۋىنا كۋا بولدى. سەلبەستىك ورتالىعى 30 كۇن ۆيزاسىز قول قويۋ ءتۇزىمىن اتقاردى، جۇڭگو ـ قازاقستان ەكى ەل جانە ءۇشىنشى ەل ازاماتتارى وسى ارادا سەيىل ـ سەرۋەن قۇرىپ، زات ساتىپ الىپ، جاتىن ورىن جونىندە كەڭەس وتكىزىپ، تۇرلىشە مادەنيەتتىڭ توعىسقان شاتتىعىن تولىق سەزىندى. تانىستىرۋعا قاراعاندا، قازىر سەلبەستىك ورتالىعىندا 5000داي ساۋداگەر ىرگە تەپكەن، بيىل الدىڭعى جەتى ايدا جۇڭگو مەن ورتا ازياداعى ساۋداگەر 3 ميلليون 300 مىڭ ادام ـ رەتتەن اسقان. راۋان اقشىن بىلاي دەدى: سەلبەستىك ورتالىعى بولاشاقتا نەگىزدىك قۇرىلعى جانە ۆيزاسىز بولۋ سياقتى تۇزىمدىك ابزالدىلىققا سۇيەنىپ، جۇڭگو مەن قازاقستاننىڭ ساۋدا بارىس ـ كەلىسىنە اناعۇرلىم كوپ مۇمكىندىك جاراتادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
