بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جۇڭگو مەن قازاقستان سەلبەسە وتىرىپ وزگەرتىپ جاساعان شىمكەنت مۇناي ايىرۋ زاۆودى قازاقستاننىڭ جوعارى ساپالى جانارمايمەن ءوزىن – ءوزى قامداۋىنا كومەكتەستى

«حاۋىپسىز، ەكولوگيانى قورعاۋ تالابىنا ۇيلەسەتىن، ونىمدىلىگى جوعارى ماڭداي الدى مۇناي ايىرۋ زاۆودىن قول ۇستاسا بىرگە قۇرامىز»

گازەتىمىزدىڭ قازاقستانداعى ءتىلشىسى جوۋ حانبو 

2019.12.26 15:00     كەلۋ قاينارى : حالىق تورابى

  «قىسقا عانا بىرنەشە جىلدا بۇل ارا باقشا ۇلگىسىندەگى وسىزاماندانعان زاۆودقا اينالدى»

  شىمكەنت مۇناي ايىرۋ زاۆودى الدىڭعى عاسىردىڭ 70 – جىلدارىندا سالىنعان، قازاقستانداعى ءۇش ءىرى مۇناي ايىرۋ زاۆودىنىڭ ءبىرى. جۋىرداعى جىلداردان بەرى، ءوندىرىس تەحنيكاسىنىڭ مەشەۋ بولۋى، تەحنيكالىق جابدىقتارىنىڭ ەسكىرۋى سەبەبىنەن، شيكىزاتتىق مۇنايدى ىشكەرىلەي وڭدەۋى جەتەرسىز بولىپ، مۇناي ساپاسى تومەندەدى.

  جۇڭگو مەن قازاقستاننىڭ «ءبىر بەلدەۋ، ءبىر جولدى» بىرگە كوركەيتۋدەگى ءتۇيىندى سەلبەستىك نىسانى — شىمكەنت مۇناي ايىرۋ زاۆودىن وسىزاماندانعان زاۆودقا وزگەرتۋ ينجەنەرياسى 2014 – جىلى 2 – ايدا رەسمي باستالدى. 2017 – جىلى ءبىرىنشى مەرزىمدىك ينجەنەرياسى ىسكە قوسىلدى. مۇناي ايىرۋ زاۆودى قازاقستانداعى ەۆروپا Ⅳ، ەۆروپا Ⅴ ولشەمدەرىنە ساي كەلەتىن تۇڭعىش مۇناي ايىرۋ كاسىپورنى بولدى، اتالعان زاۆود ورتاعا زالالسىز مۇناي ايىرۋ زاۆودتارىنىڭ قاتارىنا ەنگەن سوڭ، قازاقستان جوعارى ولشەمدەگى جانارمايدى وندىرە المايتىن تاريحتى اياقتاتتى. 2018 – جىلى ەكىنشى مەرزىمدىك ينجەنەريا سالىنىپ بولىپ، ىسكە قوسىلدى. مۇناي ايىرۋ زاۆودىنىڭ شيكىزاتتىق مۇنايدى ءوندىرۋ قۋاتى جىلىنا 6 ميلليون تونناعا جوعارىلادى، جەڭىل مۇنايدى قايتا وتكىزىپ الۋ مولشەرى %80كە جۋىقتادى، كۇندىك بەنزين ءوندىرۋ مولشەرى 2300 توننادان استام ارتتى.

   «بۇرىن بازاردا بەنزين جەتىسپەۋ جاعدايى ۇنەمى تۋىلاتىن. قازىر ءبىزدىڭ مۇناي ايىرۋ زاۆودىمىز قامداۋ جاعىنداعى كەمىستىكتى تولتىردى»، — دەپ تانىستىردى جۇڭگو مۇناي سەرىكتەستىگى شىمكەنت مۇناي ايىرۋ سەرىكتەستىگىنىڭ باس ديرەكتورى جياڭ شى، ءبىرىنشى مەرزىمدىك ينجەنەريا سالىنىپ بولىپ، ىسكە قوسىلۋدان بۇرىن، قازاقستان جىل سايىن 800 مىڭ توننادان ءبىر ميلليون تونناعا دەيىن جوعارى ولشەمدى جانارماي ەكسپورت ەتەتىن. بىلتىر مۇناي ايىرۋ زاۆودى تولىمدى ءونىم وندىرگەن العاشقى ايدىڭ وزىندە قازاقستان ۇكىمەتى مەملەكەتتىڭ جوعارى ساپالى جانارمايمەن ءوزىن – ءوزى قامداي الاتىن بولعانىن جاريالاپ، جانارماي يمپورت ەتۋدى ۋاقىتشا توقتاتتى ءارى كورشىلەس ورتا ازيا ەلدەرىنە بەنزين ەكسپورت ەتۋدى كەڭەسە باستادى.

  قورشاعان ورتاعا زالالسىز بولۋ تانىمىنا تاباندى بولىپ، لاس سۋدى، لاس گازدى، لاس قاتتى زاتتاردى زالالسىزداندىرىپ ءبىرجاقتى ەتۋگە كەتەتىن قاراجاتتىڭ جاڭالاۋ بارىسىنداعى جالپى قاراجاتتان ۇستايتىن سالىستىرماسى %10تەن استى. جاڭادان سالىنعان كاتاليزدەۋ – ىدىراتۋ قۇرىلعىسىنا دۇنيە ءجۇزى بويىنشا وزىق دەڭگەيدەگى بەرگ ءتۇتىن گازىن كۇكىرتسىزدەندىرۋ تەحنيكاسى قولدانىلعان؛ كۇكىرتتى قايتا جيناپ الۋ قۇرىلعىسىنا جۇڭگو مۇناي سەرىكتەستىگى دەربەس ءبىلىم مەنشىك ۇقىعىنا يە تومەن تەمپەراتۋرالى كلاۋس كۇكىرتتى قايتا جيناپ الۋ تەحنيكاسى قولدانىلعان. تەك وسى ەكى ءتۇردىڭ وزىنەن جىلىنا 15 مىڭ 100 توننا كۇكىرت قوس توتىعى از شىعارىلادى.

  «وزگەرىس كورنەكتى بولدى. بۇرىن زاۆودتتىڭ مورجاسىنان قارا ءتۇتىن بۋداقتاپ تۇراتىن، قازىر بۋ عانا شىعادى»، 2012 – جىلى زاۆودقا قىزمەتكە قابىلدانعان قاھارمان مۇناي ايىرۋ زاۆودىن وسىزامانداندىرىپ جاڭالاۋدىڭ بۇكىل بارىسىنا كۋا بولدى. ول جاڭا سالىنعان زاۆود رايونىن نۇسقاپ: «قىسقا عانا بىرنەشە جىلدا بۇل ارانىڭ باقشا سەكىلدى وسىزاماندانعان زاۆودقا اينالارىن ويلاپ كورمەپپىن»، — دەدى.

  « ءبىر توپ تاجىريبەلى جەرگىلىكتى تەحنيكتەر تەز جەتىلىپ كەلەدى»

  يرەلەڭدەگەن قۇبىر جەلىسىن بويلاي وتىرىپ، ءتىلشى مۇناي ايىرۋ زاۆودىنىڭ نەگىزگى مەڭگەرۋ بولمەسىنە كەلدى. قازاقستانداعى ايگىلى قۇرىلىس — «بايتەرەك» فورماسىندا سالىنعان نەگىزگى مەڭگەرۋ بولمەسىنە مۇناي ايىرۋ زاۆودىنىڭ بارلىق اۆتوماتتاندىرىلعان مەڭگەرۋ جۇيەسى ورنالاستىرىلعان. قازاقستان جاقتىڭ جاس تەحنيكتەرىنەن ون نەشە قىزمەتكەر ەكران ارقىلى قۇرىلعىلاردىڭ قولدانىلۋ جاعدايىن باقىلاپ، ارەدىكتە مەڭگەرۋ تەكشەسى ارقىلى بۇيرىق جىبەرىپ وتىر.

  « ءبىر توپ تاجىريبەلى جەرگىلىكتى تەحنيكتەر تەز جەتىلىپ كەلەدى»، — دەپ تانىستىردى جياڭ شى، جاڭادان سالىنعان ون نەشە قۇرىلعى دەرلىك قازاقستان جاقتىڭ قىزمەتكەرلەرىنىڭ مەڭگەرۋىنە تاپسىرىلعان. ەكىنشى مەرزىمدىك ينجەنەريا وندىرىسكە قوسىلعان سوڭ، ءوندىرىس حاۋىپسىزدىگىنە كەپىلدىك ەتۋ ءۇشىن، قازاقستان جاق جۇڭگو جاقتان ىسكە قوسۋ تەحنيكاسى جاعىندا قولداۋ كورسەتۋ ءارى قىزمەت وتەۋ، قازاقستان جاقتىڭ قىزمەتكەرلەرىنىڭ مەڭگەرۋ تەحنيكاسىن يگەرۋىنە، دەربەس مەڭگەرۋدى تەزىرەك ۇيرەنۋىنە جەتەكشىلىك ەتۋ جونىندەگى ءبىر جىلدىق كەلىسىمشارتقا قول قويۋدى ارنايى تالاپ ەتكەن.

  مۇناي ايىرۋ زاۆودىنىڭ اكىمشىلىك زاڭ ىستەرىنە جاۋاپتى قىزمەتكەرى اشىربايەۆا گۇلناز بىلاي دەدى: «مۇناي ايىرۋ زاۆودىنداعى قىزمەتكەرلەردىڭ جاس شاماسى ورتا ەسەپپەن 41 جاس، جاس ماماندار ءوندىرىستىڭ نەگىزگى قوسىنىنا اينالدى»، — دەيدى. بۇل ارادا 15 جىلدان بەرى قىزمەت ىستەپ كەلە جاتقان، ءوندىرىس ءبولىمىنىڭ ديرەكتورى رۋسىلان: «جۇڭگونىڭ تەحنيكالىق قىزمەتكەرلەرىنىڭ كاسىپتىك ساپاسى مەن قىزمەتكە شوگەلدىگى تاڭدانارلىق، ءبىز حاۋىپسىز، قورشاعان ورتاعا زالالسىز، ونىمدىلىگى جوعارى ماڭداي الدى مۇناي ايىرۋ زاۆودىن بىرگە كوركەيتەمىز»، — دەدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار