بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ياڭ جيەچى ورتا ازياداعى 3 ەلدەگى ساپارىن اياقتاتۋ قارساڭىندا اقپارات قۇرالدارىنىڭ تىلشىلىگىن قابىلدادى

2020.03.05 16:33     كەلۋ قاينارى : حالىق تورابى

  حالىق تورابى ، 3 – ايدىڭ 5 – كۇنى ، نۇرسۇلتان (ءتىلشى جوۋ حانبو) 3 – ايدىڭ 4 – كۇنى ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق سىرتقى ىستەر قىزمەتى كوميتەتى كەڭسەسىنىڭ مەڭگەرۋشىسى ياڭ جيەچى تاجىكستان، وزبەكستان جانە قازاقستان ەلدەرىندەگى ساپارىن اياقتاتۋ قارساڭىندا اقپارات قۇرالدارىنىڭ تىلشىلىگىن قابىلدادى.

  ياڭ جيەچى بىلاي دەدى: تاجىكستان، وزبەكستان جانە قازاقستان ــ جۇڭگونىڭ دوس كورشىلەرى جانە ماڭىزدى ستراتەگيالىق سەرىكتەرى ٴارى شاڭحاي سەلبەستىك ۇيىمىنا مۇشە ەلدەر. تاياۋ جىلداردان بەرى، ٴتوراعا شي جينپيڭ مەن ٴۇش ەل باسشىلارىنىڭ ستراتەگيالىق جەتەكشىلىگىندە، جۇڭگو مەن ٴۇش ەلدىڭ قاتىناسى قارىشتاپ دامىدى. ساپار كەزىندە، مەن پرەزيدەنت راحمانمەن، پرەزيدەنت ميرزيويەۆپەن، پرەزيدەنت توقايەۆپەن، سونداي ـ اق ٴۇش ەلدىڭ قاتىستى جاۋاپتىلارىمەن كەڭەس وتكىزىپ، كەلەسى ساتىداعى ەكى جاقتى قارىم ـ قاتىناستىڭ ماڭىزدى كۇن ٴتارتىبى مەن ناقتى سەلبەستىگىن ىلگەرىلەتۋ جونىندە ۋاقىتتى تۋرالادىم جانە ورنالاستىرۋ جاسادىم ٴارى ورتاق كوڭىل ٴبولىپ وتىرعان حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىردىم. ٴۇش ەل باسشىسى بىلاي دەدى: ٴتوراعا شي جينپيڭمەن جەكە دوستىق جانە تاماشا قىزمەت قاتىناسىن قاستەرلەپ، جۇڭگو جاقپەن مىزعىماس ستراتەگيالىق سەلبەستىكتى كۇشەيتىپ، ورتاق حاۋىپسىزدىك پەن دامۋ مۇددەسىن قورعاپ، ٴوزارا قۇرمەت ەتەتىن، ٴادىل، ادىلەتتى، سەلبەسىپ تەڭ يگىلىككە كەنەلەتىن جاڭاشا حالىقارالىق قاتىناس ورناتۋدى ىلگەرىلەتەمىز. كوپشىلىك بىلاي دەپ قارادى: ءتوراعا شي جينپيڭ مەن ءۇش ەل باسشىلارىنىڭ ماڭىزدى ورتاق تانىمىن تياناقتاندىرۋدى وراي ەتىپ، «ءبىر بەلدەۋ، ءبىر جولدى » بىرگە قۇرۋ مەن ءۇش ەلدىڭ دامۋ ستراتەگياسىن ۇشتاستىرۋدى ىشكەرىلەي ىلگەرىلەتىپ، ءوزارا بايلانىس جاساپ، ەكى جاقتىڭ سەلبەستىك تىلەگى مەن كومەسكى كۇشىن ناقتى جەتىستىككە اينالدىرىپ، جۇڭگو - تاجىكستان، جۇڭگو - وزبەكستان، جۇڭگو – قازاقستان قاتىناسىندا ءتىپتى دە زور دامۋعا قول جەتكىزىپ، ءوز ەلىمىز بەن ءوڭىردىڭ دامۋىنا جاڭا كۇش قوسىپ، ءوز ەلىمىز بەن الەمدەگى ءار ەل حالقىنا ءتىپتى دە زور باقىت جاراتۋىمىز كەرەك.

  ياڭ جيەچى 3 ەلدىڭ جۇڭگونىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى تۇرۋىنا قولداۋ كورسەتكەندىگىنە جانە كومەكتەسكەندىگىنە العىس ايتتى، بىلاي دەدى: ٴتوراعا شي جينپيڭنىڭ تىكەلەي قولباسشىلىق ەتۋى، ورنالاستىرۋى بويىنشا، جۇڭگو ٴتۇزىم باسىمدىعىن ساۋلەلەندىرىپ، بۇكىل ەل بويىنشا جوعارىدان تومەنگە دەيىن ٴبىر نيەت، ٴبىر تىلەكتە بولىپ، جۇدىرىقتاي جۇمىلىپ، ىندەتكە توتەپ بەرۋدىڭ باتىل بەكىمى مەن كۇش ـ قۋاتىن ۇيىستىرىپ، ىندەتتەن ساقتانۋ جانە ونى تىزگىندەۋدىڭ حالىقتىق شايقاسىن، جالپى تۇلعالىق شايقاسىن، توسقاۋىلداۋ سوعىسىن قوزعاپ، ماڭىزدى كەزەڭدىك تابىستارعا قول جەتكىزىپ، ىندەتتەن ساقتانۋ جانە ونى تىزگىندەۋدىڭ بەلسەندى، جاقسى اۋقىمىن ۇزدىكسىز كەڭەيتتى. ٴبىز دۇنيە جۇزىلىك دەنساۋلىق ساقتاۋ ۇيىمىمەن جانە حالىقارالىق قوعاممەن بايلانىس جاساۋدى، سەلبەسۋدى دەر كەزىندە كۇشەيتىپ، ينفورماتسيا مەن تاجىريبەدەن ورتاق يگىلىكتەنىپ، دۇنيە ٴجۇزىنىڭ ىندەت جاعدايىنا قارسى تۇرۋىنا ماڭىزدى ۇلەس قوسىپ، حالىقارالىق قوعامنىڭ جاپپاي مويىنداۋىنا جانە جوعارى باعاسىنا يە بولدىق. اۋرۋ جاعدايى الدىندا، ٴار ەل تىنىستاس، تار جول، تايعاق كەشۋدەن بىرگە وتەتىن تاعدىرلاس ورتاق تۇلعا، ىنتىماق ـــ ەڭ پارمەندى قارۋ. جۇڭگو ادامزاتتىڭ تاعدىرلاس ورتاق تۇلعاسى ۇستانىمىن ۇزدىكسىز ۇستانىپ، حالىقارالىق الەۋمەتتىك دەنساۋلىق ساقتاۋ حاۋىپسىزدىگى سەلبەستىگىن كۇشەيتىپ، ٴار ەل حالقىنىڭ سالاماتتىعى مەن باقىتى ءۇشىن كۇش سالادى.

  ياڭ جيەچى بىلاي دەدى : ورتا ازيانىڭ حاۋىپسىزدىگىن، ورنىقتىلىعىن، گۇلدەنۋىن قورعاۋ ــــ جۇڭگو مەن ورتا ازياداعى ەلدەردىڭ وسكەلەڭ ورتاق تانىمى. جۇڭگو ۇكىمەتى باستان ـ اياق جاقىن، ادال، ٴتيىمدى، كەڭ بولۋ سىندى وڭىرلىك ديپلوماتيا ۇستانىمىنان جازباي، ورتا ازيا ەلدەرىمەن قارىم ـ قاتىناستى دامىتادى. تاراپتاردىڭ ٴوزارا ٴتيىمدى سەلبەستىكتى تەرەڭدەتۋى ارقىلى حالىق تۇرمىسىنا تيىمدىلىك جاساۋى، حالىقتىڭ قالاۋىنان شىعۋى، حالىقتى رازى قىلۋى ٴارقانداي سىرتقى كۇشتەردىڭ بۇلدىرۋىنە ۇشىرامايدى. جۇڭگونىڭ ورتا ازيا ەلدەرىمەن قاتىناسىن بولشەكتەۋگە ۇرىنعان ٴارقانداي ٴىس ىسكە اسپايدى. جۇڭگو مەن ورتا ازيا ەلدەرىنىڭ كوپ جىلدىق دوستىق بارىس ـ كەلىسىنىڭ تاريحى ۇزىن جانە ٴوز ۇلتىنىڭ گۇلدەنۋىن جۇزەگە اسىرۋدا ورتاق تالپىنىسى بار. ٴبىز جۇڭگونىڭ ورتا ازيامەن سەلبەستىگىنىڭ جاڭا داۋىردە، ٴسوز جوق، اناعۇرلىم كوركەم بولاشاقتى قارسى الاتىندىعىنا سەنەمىز.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار