قازاقستاندا جاڭا تيپتى ايدارشا ۆيرۋس وكپە قابىنۋ ىندەتىنە شالدىققاندار 400 ادامعا جەتتى شەكارادان كىرگەندەردى اۋاشالاۋ ٴتۇزىمى قاتايدى
2020.04.03 18:01 كەلۋ قاينارى : حالىق تورابى
حالىق تورابى، 4 – ايدىڭ 3 – كۇنى، بەيجيڭ. قازاقستان حابار اگەنتتىگىنىڭ حابارلاۋىنشا، جەرگىلىكتى ۋاقىت 4 - ايدىڭ 2 - كۇنى ساعات 16دان 00 مينۋت وتكەندە قازاقستان جاڭا تيپتى ايدارشا ۆيرۋس وكپە قابىنۋ ىندەتىنە شالدىققاندار 402 ادامعا جەتىپ، 27 ادام ساۋىعىپ، 3 ادام قازا بولدى. استانا نۇر – سۇلتان قالاسى مەن وڭتۇستىكتەگى الماتى قالاسى ٴالى دە ىندەت جاعدايى «اۋىر اپات رايونى» بولىپ، جەكە - جەكە 191 ادام جانە 90 ادام ىندەتكە شالدىققان. مەملەكەت بويىنشا 3 توتە قاراستى قالا مەن 13 وبلىستا ىندەتكە شالدىققاندار بايقالعان، تەك قوستاناي وبلىسىندا عانا قاتىستى تىركەلگەن ادام جوق.
تاعى ٴبىر حابارعا قاراعاندا، ىندەتكە توتەپ بەرۋ ٴۇشىن، مەملەكەتتىڭ باس دەنساۋلىق ساقتاۋ دارىگەرى ورتاعا قويعان «قازاقستان بۇقاراسىنىڭ حاۋىپسىزدىگىنە كەپىلدىك ەتۋ شارالارىنىڭ» قاتىستى بەلگىلەمەلەرىنە ساي، وسى كۇننەن باستاپ ايروپلانمەن قازاقستانعا كەلگەن بارلىق ادام زورلىقتى تۇردە ٴۇش كۇن اۋاشالانىپ، جاڭا تيپتى ايدارشا ۆيرۋس وكپە قابىنۋ ىندەتىنە شالدىققان – شالدىقپاعانى تۋرالى تەكسەرۋدى قابىلدايدى ەكەن. ەگەر بولىمسىز بولسا، وندا جالعاستى ۇيگە بارىپ اۋاشالانۋعا وزگەرتىلەدى؛ ەگەر تەكسەرۋ ناتيجەسى بولىمدى بولسا، دەرەۋ جۇقپالى اۋرۋلار ەمحاناسىنا بارىپ اۋاشالاپ ەمدەيدى. «ەۆروپا ـ ازيا ەكونوميكالىق وداعىنىڭ باسقا دا مۇشە ەلدەرىنەن، سونداي ـ اق وزبەكستاننان تەمىر جول نەمەسە تاس جول ارقىلى شەكارادان كىرگەندەر 14 كۇن ٴوز ۇيىندە اۋاشالانادى.»
بۇدان سىرت، قازاقستان پرەمەر مينيسترى اسقار ءمامين 4 – ايدىڭ 2 – كۇنى ۇكىمەتتىڭ داعدىلى قىزمەت ماجىلىسىندە بىلاي دەدى: قازاقستان ۇكىمەتى ٴبىرسىپىرا شارالاردى قولدانىپ، جاڭا تيپتى ايدارشا ۆيرۋس وكپە قابىنۋ ىندەتىنەن پايدا بولعان داعدارىسقا توتەپ بەرەدى. اسقار ءمامين بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى مەن حالىقارالىق بازاردىڭ شيكىزاتقا بولعان قاجەتى تومەندەۋدەن بۇكىل جەر شارى ەكونوميكاسى السىرەپ، قازاقستاننىڭ ەكونوميكالىق، قوعامدىق دامۋىنا كەرى ىقپال جاسادى. كەزەكتە ۇكىمەتتىڭ باستى مىندەتى جۇمىستانۋدى قامتاماسىزداندىرۋ، «جۇمىستانۋدى قامتاماسىزداندىرۋ جول كارتاسىن» تياناقتاندىرۋ.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
