جۇڭگونىڭ ەمدەۋ ماماندار گرۋپپاسى نەشە جۇزدەگەن قازاقستاندىق مەديتسينا قىزمەتكەرلەرىنە كۋرس اشتى
2020.04.13 16:27 كەلۋ قاينارى : حالىق تورابى
حالىق تورابى، 4 – ايدىڭ 13 – كۇنى، بەيجيڭ. حالىق تورابىنىڭ 4 – ايدىڭ 12 – كۇنى نۇر – سۇلتاننان بەرگەن حابارى، جۇڭگونىڭ قازاقستانعا كومەككە كەلگەن ەمدەۋ ماماندارى گرۋپپاسى 4 – ايدىڭ 11 – كۇنى 3 رەت باۋلۋ قيمىلىن وتكىزىپ، قازاقستانداعى نەشە جۇزدەگەن مەديتسينا قىزمەتكەرلەرىنە جاڭا تيپتى ايدارشا ۆيرۋس وكپە قابىنۋ ىندەتىن ەمدەۋ جانە ودان ساقتانۋ جانە ونى تىزگىندەۋ ٴادىسى مەن تاجىريبەسىن جەتكىزدى.
جەرگىلىكتى ۋاقىت 4 – ايدىڭ 9 – كۇنى كەشتە ۇسىنىس بويىنشا قازاقستانعا بارعان جۇڭگو ەمدەۋ ماماندار گرۋپپاسى قازاقستاندا جالعاستى قىزمەت ورىستەتتى. 4 – ايدىڭ 11 - كۇنى تۇستەن بۇرىن ماماندار گرۋپپاسىنىڭ مۇشەلەرى قازاقستان سالماقتى ناۋقاستاردى باقىلاۋ ـ باسقارۋ كەڭسەسىندەگى ەمدەۋ قىزمەتكەرلەرىن توراپتا باۋلۋ قيمىلىن ورىستەتتى، ونىڭ مازمۇنى مىنالار: قاتتى قىزعان جانە كۇدىكتى ناۋقاستاردى تەكسەرۋ، دياگنوز تۇراقتانعان ناۋقاستاردى ەمدەۋ، سالماقتى اۋرۋلار بولىمىندەگى ناۋقاستاردى باقىلاۋ ـ باسقارۋ ٴادىسى، ت . ب. قازاقستاننان 438 ادام كۋرسقا قاتىناستى ٴارى جۇڭگو ماماندارىمەن پىكىر اۋىستىردى.
سول كۇنى تۇستەن كەيىن ماماندار گرۋپپاسى بەينە ەكران ٴماجىلىسى فورماسىمەن قازاقستانداعى جاڭا تيپتى ايدارشا ۆيرۋس وكپە قابىنۋ ىندەتىن ەمدەۋ قىزمەتىمەن شۇعىلداناتىن شيپاگەرلەرمەن اڭگىمەلەستى. وسى مەزگىلدە، جۇڭگو ماماندارى سالماقتى ناۋقاستاردى ەمدەۋ ءادىسىن، سونداي - اق كومپيۋتەر توموگرافيالىق تەحنيكاسىنان پايدالانىپ جاڭا تيپتى ايدارشا ۆيرۋس وكپە قابىنۋ ىندەتىنە دياگنوز قويۋ ءادىسىنىڭ ەرەكشەلىگىن ءتۇيىندى تۇردە تانىستىردى ءارى جيىنعا قاتىناسۋشىلارمەن تالقى جۇرگىزدى. قازاقستان جاقتىڭ 333 شيپاگەرى اڭگىمە ماجىلىسىنە قاتىناستى.
سول كۇنى كەشتە جۇڭگو ماماندارى قازاقستاننىڭ ٴارقايسى وڭىرىندەگى الەۋمەتتىك دەنساۋلىق ساقتاۋ تاراۋلارىنىڭ قىزمەتكەرلەرىمەن توراپتا ٴماجىلىس اشىپ، جاڭا تيپتى ايدارشا ۆيرۋس وكپە قابىنۋ ىندەتىن تالقىلادى. جۇڭگو ماماندارى جۇڭگونىڭ مەملەكەت جانە جەرگىلىكتى ورىندارىنىڭ جاڭا تيپتى ايدارشا ۆيرۋس وكپە قابىنۋ ىندەتىنىڭ الدىن الۋ جانە ونى تىزگىندەۋ قىزمەت مەحانيزمىن، سونداي - اق «تورتتە ەرتە بولۋ»، «تورتتە شوعىرلى بولۋ» پرينسيبىن تانىستىردى.
مۇنان سىرت قازاقستاننىڭ حابار اگەنتتىگىنىڭ حابارىنا قاراعاندا، بىرنەشە كۇننىڭ الدىندا ما يۇن الەۋمەتتىك يگىلىك قور قوعامى مەن اليبابا الەۋمەتتىك يگىلىك قور قوعامى كومەككە بەرگەن ٴبىر توپ زات الماتى قالاسىنا جەتكىزىلگەن. بۇل توپتاعى زاتتار مەديتسينادا ىستەتىلەتىن ماسكى، مەديتسينادا ىستەتىلەتىن قورعانۋ كيىمى، مەديتسينادا ىستەتىلمەيتىن قولعاپ، دەنەگە تيگىزۋدى قاجەت ەتپەيتىن تەرمومەتر قاتارلىلاردى قامتيدى، جالپى سالماعى 4.5 تونناعا جەتەدى.
ۇعىسۋعا قاراعاندا، جەرگىلىكتى ۋاقىت 4 – ايدىڭ 12 - كۇنى ساعات 9 دان 00 مينۋت وتكەنگە دەيىن قازاقستاندا جاڭا تيپتى ايدارشا ۆيرۋس وكپە قابىنۋ ىندەتىنە شالدىققاندار 880 ادامعا جەتىپ، 81 ادام ساۋىعىپ، 10 ادام قازا بولعان. بۇكىل ەلدەگى 3 توتە قاراستى قالا مەن 14 وبلىستا تۇگەلدەي تىركەلگەندەر بار، استانا نۇرسۇلتان مەن وڭتۇستىك قالا الماتى قالاسى ٴالى دە ىندەت جاعدايىنىڭ «اۋىر رايونى» بولىپ، جەكە – جەكە 233 ادام جانە 145 ادامعا دياگنوز قويىلعان. كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
